Ditzionàriu in línia
de sa limba e de sa cultura sarda

abbitúdine, abbitúdini , nf Definizione su fàere is cosas fintzes sentza dhue pentzare, deasi, ca s'est fatu tantas àteras bortas, ca si costumat a fàere / pònnere o pònneresi s'a. = pigai s'a. Sinonimi e contrari abesada, abesu, acomunamentu, asseda, imbitzu Frasi abbitúdine mala ti as postu, a pesare a tardu! ◊ s'istangheri tenit s'abbitúdini de ispainai is zigarrus in modu chi su fumadori dhus potzat biri e isceberai su chi aggradessit Traduzioni Francese habitude Inglese habit Spagnolo costumbre Italiano abitùdine Tedesco Gewohnheit.

abesàda , nf: avesada Definizione su fàere calecuna cosa coment'e abbitúdine, su èssere abbituaos a fàere ccn. cosa Sinonimi e contrari abbitúdine, abesu, acomunamentu, imbitzu Frasi de abesada in domo no si faedhaiat meda ◊ amus àpidu sempre s'abesada de criticare a isse ◊ a s'avesada, su mengianu si fait sa rugi innanti de sucai Etimo srd. Traduzioni Francese habitude Inglese habit Spagnolo costumbre Italiano abitùdine Tedesco Gewohnheit.

ànnidu , nm Sinonimi e contrari abbitúdine, abesada Traduzioni Francese habitude Inglese habit Spagnolo costumbre Italiano abitùdine, vézzo Tedesco Gewohnheit.

béssu , nm: ésciu, versu 1 Definizione manera, foedhandho de su fàere una cosa Sinonimi e contrari betu, getu, manera, zenia ésciu, éssu, versu 1, vessu Modi di dire csn: bènnere a bessu = bènnere a betu, èssere possíbbile, andhare bene; a bessu de… = cufromma a… Frasi nudha li curriat a bessu giustu ◊ abbertos a bessu giustu sunt balcones e giannas (P.Mossa)◊ as tratadu sas cosas a bessu tou ◊ sulcos a bessos dortos tue curregias! ◊ bido zente in su fossone tundhu benne a sa muda e pianghendhe a bessu de sas rogassiones in su mundhu (P.Casu) 2. no benit a bessu tantu disastru: mancu chi che apat passadu ura mala!(Grolle) Etimo itl. Traduzioni Francese habitude, manière Inglese habit Spagnolo costumbre, hábito Italiano vézzo, mòdo Tedesco Gewohnheit, Art.

contomànscia , nf: acostumàntzia, costumànscia, costumànsia, costumàntzia, custumàssia Definizione cosas chi si acostumat a fàere Sinonimi e contrari costuma, impósitu, usància Frasi cunfromma a sa mia contomànscia fia onzi sacrifíssiu afrontendhe (G.Sini)◊ est costumàntzia a fai bisita a is isposus candu torrant a domu insoru ◊ si at parau unu grústiu de berbeches remonias chin sa costumàntzia de sa paradura Etimo itl. costumanza Traduzioni Francese coutume Inglese custom Spagnolo costumbre Italiano usanza, costume Tedesco Brauch.

costúma , nf, nm: costumu, custuma, custumu Definizione usàntzia de sa gente, maneras de fàere de unu pópulu chi durant in su tempus: nm. fintzes bestimentu Sinonimi e contrari contomànscia, impósitu, moda / coltúmene Frasi in sas bidhas nostras lu tenimus a costuma a dare su cómbidu a totu su bighinadu, a s'isposonzu de unu de sa famíllia ◊ de custu santu ammiraus sa fortalesa cristiana, sa puresa de is costumus Traduzioni Francese coutume Inglese usage Spagnolo costumbre (m), traje (m) Italiano costume, usanza, tradizióne Tedesco Tracht, Brauch.

ingúlimu , nm: ingúlumu Definizione abbitúdine o ingustu a cosas bonas o comodidades cunsideradas coment'e tropu, pagu necessàrias, de pagu importu; manera de fàere de chie bolet solu cosas bonas; fintzes bentranu, chi bolet tropu / zúghere ingúlumos; ingúlumu de bisionare = ?; fàghere una cosa a s'i. = a s'ingustu (nadu cun afuta própiu ca no si tenet s'abbitúdine de carchi cosa) Sinonimi e contrari físsiu / bentrania, inguglionia, ingurtionia Frasi su dinari est s'ingúlimu de totu: onzi cosa si manizat a fúria de dinari! ◊ assiat ingúlumos chi ti ant postu!…◊ sa fortza de s'ingúlumu est meda Etimo srd. Traduzioni Francese mauvaise habitude, caprice Inglese bad habit, fancy Spagnolo mala costumbre, capricho Italiano cattiva abitùdine, caprìccio Tedesco üble Gewohnheiten, Laune.

parúsu , nm Definizione su fàere calecuna cosa coment'e costuma, usàntzia, abbitúdine, manera de fàere o impreu de calecuna cosa chi est de medas o fintzes de dura, a tanti tempus / àere a p. = parusare, acostumai a…, connòsciri bèni, abbitai cun…; leare su p. = pigai s'abbitúdini Sinonimi e contrari costuma, usàntzia Frasi sos male intraniados ant a parusu s'ingannu ◊ in bidha nostra a fàghere gai no che l'amus a parusu ◊ custu ordinzu no l'apo a parusu e no l'isco acontzare ◊ est pessone chi no apo a parusu ◊ custu santu faghevaghe pro sos frutos de s’aradu, pro tusorzu e porchinadu beniat postu in parusu (B.Trudhaju)◊ su parusu contat meda Traduzioni Francese habitude, coutume Inglese custom Spagnolo costumbre Italiano consuetùdine, uso Tedesco Brauch.

soliàta , avb Definizione po su prus, giai sèmpere Frasi sas crapas anzant, soliata, dai primos a binti de nadale (E.Espa) Traduzioni Francese habituellement Inglese usually Spagnolo de costumbre Italiano solitaménte, di sòlito Tedesco gewöhnlich.

usància, usànscia, usànsia, usàntzia , nf Definizione cosas chi sa gente acostumat a fàere e chi agiummai funt coment'e leis, una manera de fàere acostumada e a bortas arreconnota giusta, bona / a s'usàntzia de sempri!… = comente unu no faet mai Sinonimi e contrari contomànscia, costuma, moda Frasi su ballu fit pro finire e tocaiat a giambare cópia, ca cussa fit s'usàntzia ◊ si est sèmpere costumau a dare allozu a chie ndhe at bisonzu e no si podet andhare contr'a sas usàntzias ◊ bi at usàntzias chi como si sunt perdindhe 2. immoi mi dh'apu a pigai a bàsidus, a s'usàntzia de sempri!… Traduzioni Francese coutume Inglese usage Spagnolo costumbre Italiano usanza Tedesco Sitte.