Ditzionàriu in línia
de sa limba e de sa cultura sarda

abbelàda , nf Definizione su si abbelare Sinonimi e contrari abbaradhada, abbeliada, indiosada Etimo srd. Traduzioni Francese ivresse, entichement, tocade Inglese infatuation Spagnolo enamoramiento, capricho Italiano invaghiménto Tedesco Sichverlieben.

acúcu , nm Sinonimi e contrari acucada, bidhídhiri, meleda, muschinada Etimo srd. Traduzioni Francese fantaisie Inglese whim Spagnolo capricho, antojo Italiano ghiribizzo Tedesco Schrulle.

bischílliu , nm Sinonimi e contrari arrennegu, tzacu Frasi su cuadhu at cumentzau a pigai bischílliu e a su meri ndi dh’at isciusciau a terra! Etimo itl.p bischiss Traduzioni Francese caprice Inglese caprice Spagnolo capricho Italiano bizza Tedesco Grille, Laune.

bítzu 1 , nm Definizione genia de vítziu, prus che àteru a imbérriu / betaresila in b. = pàrrere male, pigare calecuna cosa o fatu coment'e ofesa Sinonimi e contrari imbérriu Traduzioni Francese caprice Inglese bad habit Spagnolo capricho Italiano brutto vézzo, caprìccio Tedesco schlechte Gewohnheit, Trotz.

cadhína , nf Definizione idea maca, musca Sinonimi e contrari bidhídhiri, erredha, fumacera, iscrapitzada, zibbírriu Frasi a cussu li cheret catzada sa cadhina! Traduzioni Francese caprice, fantaisie Inglese whim Spagnolo capricho Italiano caprìccio Tedesco Laune.

cascabédhu, cascabéllu , nm: cascavèglia, cascavégliu, cascavellu Definizione idea badhinosa, pistighíngiu, pentzamentu malu; nau de unu, chi dh'ant orróschiu o chi at orróschiu; a logos, genia de sonàgia pitichedhedha / ghetare cascavégliu a unu = ficare ódiu, tírria, menospretziai Sinonimi e contrari bidhídhiri, bigirria, erredha, férnia, fumacera, irriolu, iscrapitzada, meleda, zibbírriu / ischiglitu Modi di dire csn: bogai (o bogaisindi) is cascavellus de conca = fàghere lassare (o lassare) sas ideas macas, sos machines; lassai su cascavellu, o is cascavellus; ghetai cascavellu a ccn. = leare a regelu Frasi e no nci dh'essit su cascavégliu de conca! ◊ podides irmazinare su cascavellu chi mi at postu candho mi at allegadu de "sos àteros astros"! (A.Deplano)◊ issu at ghetau cascavellu a is barracellus e a is canis ◊ bogai su mediori e is cascavèglias! Etimo ctl. cascavell Traduzioni Francese fantaisie, idée fixe Inglese fancy, oddness Spagnolo capricho, antojo Italiano caprìccio, bizzarrìa, idèa fissa Tedesco Laune, fixe Idee.

crécu 1 , nm Definizione una genia de vitziedhu, idea o pretesa de chie no ischit mancu issu ite bolet Sinonimi e contrari arraghèscia, mendhea, pecu Frasi chi si cojat, as a bí ca is crecus dhi passant! ◊ gei est unu bellu giòvunu, ma sa bellesa si guastat e is crecus essint a pillu! Traduzioni Francese lubie Inglese caprice Spagnolo capricho Italiano fìsima Tedesco Marotte.

ingúlimu , nm: ingúlumu Definizione abbitúdine o ingustu a cosas bonas o comodidades cunsideradas coment'e tropu, pagu necessàrias, de pagu importu; manera de fàere de chie bolet solu cosas bonas; fintzes bentranu, chi bolet tropu / zúghere ingúlumos; ingúlumu de bisionare = ?; fàghere una cosa a s'i. = a s'ingustu (nadu cun afuta própiu ca no si tenet s'abbitúdine de carchi cosa) Sinonimi e contrari físsiu / bentrania, inguglionia, ingurtionia Frasi su dinari est s'ingúlimu de totu: onzi cosa si manizat a fúria de dinari! ◊ assiat ingúlumos chi ti ant postu!…◊ sa fortza de s'ingúlumu est meda Etimo srd. Traduzioni Francese mauvaise habitude, caprice Inglese bad habit, fancy Spagnolo mala costumbre, capricho Italiano cattiva abitùdine, caprìccio Tedesco üble Gewohnheiten, Laune.

mendhèa, mendhèca , nf: mennea, mennega Definizione calecuna cosa de male, chi no andhat bene, o fintzes chi no praghet, coment'e abbitúdine esagerada chi giaet importu a cosighedhas de perunu contu, vitziedhu / èssere unu mendheca = àere o zúghere mendheas a meda Sinonimi e contrari abbenzu, abbétia, arraghèscia, atema, crecu 1, defeta, insemia, inzenzu, iscóticu, peca 1, piginu Frasi a ndhe li agatades, totu, de mendheas a custa cosa: a pàrrere meu no tenet nudha e mendheosos sezis bois! ◊ no si bidet, ma sa mennega la giughet!◊ donzunu tenet sas mendheas suas! Cognomi e Proverbi smb: Menneas Etimo srd. Traduzioni Francese défaut, caprice, lubie Inglese defect, whim, caprice Spagnolo defecto, capricho Italiano difètto, caprìccio, fìsima Tedesco Fehler, Marotte.

muschinàda , nf Definizione genia de idea istrambeca, de disígiu, de aconcada chentza istare pentzandhodhoe meda meda Sinonimi e contrari acucu, bibbirriu, bidhídhiri, bremmigorru, crichivellu, meleda, treca, tzelevriada, zibbírriu Frasi li est vénnida sa muschinada de si che andhare ◊ li est vénnida sa muschinada de si cojuare (G.Ruju) Traduzioni Francese fantaisie, lubie Inglese freak Spagnolo capricho, antojo Italiano ghiribizzo Tedesco Grille, Schrulle.

zibbírriu , nm Definizione genia de idea maca, de disígiu, de gana pagu de giudu Sinonimi e contrari bríbbidhi, bidhídhiri, birbillitzu, cadhina, erredha, foliatza, tzelevriada Frasi irgusoladu fatu dai cudhos, est custrintu a pònnere mente a sos zibbírrios issoro Traduzioni Francese caprice Inglese caprice Spagnolo antojo, capricho Italiano ruzzo, caprìccio Tedesco Laune.