Ditzionàriu in línia
de sa limba e de sa cultura sarda

asílu , nm Definizione logu seguru inue faet a si apartare, aprigare; genia de iscola ue leant is pipios piticos po dhos amedhare e cumenciare a dhis giare imparu pentzau apostadamente Traduzioni Francese asile, jardin d'enfants Inglese refuge Spagnolo jardín de infancia Italiano asilo Tedesco Kindergarten.

cuvérrinu , nm Definizione logu apartau, de aprigu Sinonimi e contrari acolostu, cuberru Frasi morte vona est cuvérrinu ◊ li piaghet meta su caentu e chircat sempres cuvérrinu Etimo srd. Traduzioni Francese abri Inglese refuge Spagnolo refugio Italiano rifùgio Tedesco Zuflucht.

imbàru , nm: immaru Definizione logu inue si firmare a pausare, po si aprigare, istare, e fintzes impedimentu, cosa chi faet firmare; logu o cosa inue s’imbarare, si pònnere o acostire e agguantare; su imbarare, ora, iscuta, tempus chi s’istat firmos coment’e ibertandho Sinonimi e contrari arrambu, imbaradorju / arressa, firmada, stentu / atostonu Frasi no azis perunu imbaru a sa bostra bramosia: sas benénnidas siedas, rúndhines, a domo mia! (P.Mossa)◊ restas sola chentza imbaros in su mundhu corazosa ◊ sempre isto pessighindhe cussu paru pro chi nisciunu mi faghet imbaru (A.M.Iscanu) 2. torraiat a sa capella, fichiat sos cuidos in s'imbaru de s'imbenujadolzu e s'imbenujaiat 3. sentza perunu imbaru Pilatu lis intregat a Gesús pro lu crutzificare Etimo srd. Traduzioni Francese appui, abri Inglese support, refuge Spagnolo posada, lugar donde descansar, pausa Italiano appòggio, rifùgio Tedesco Schutz.