Ditzionàriu in línia
de sa limba e de sa cultura sarda

afítu , nm Definizione su giare o pigare calecuna cosa in càmbiu de dinare o àteru po unu tanti de tempus; su chi si pagat o si ndhe tenet in càmbiu de sa cosa giada in afitu Sinonimi e contrari allocu, arrendu, pasoni Frasi mi depet su dinari de s'afitu ◊ semus in domos de afitu 2. l'apo pagadu s'afitu ◊ poita depu pagai s'afitu candu tengu sa domu? Etimo itl. Traduzioni Francese loyer, location Inglese rent Spagnolo alquiler, arrendamiento Italiano affitto Tedesco Miete.

allocàre , vrb: allogai, allogare 1 Definizione giare in afitu; rfl. fàere su tzeracu o sa tzeraca a contu de àtere Sinonimi e contrari acodrare, afitare 1, apejonare, arrendai Frasi a mi lu allogas cussu frundhagu a padharzu? ◊ at allogadu sa binza a binzateris malos 2. pastóricat allocau chin tziu Pielle ◊ pro èssere allogada, mezus cane! ◊ si est allogadu isse puru cun su matessi mere de sa muzere ◊ su fizu si ch'est andhadu dae domo e si est dépidu allogare ◊ si est allogadu cun d-unu pro andhare a porcarzare ◊ fit intrada in cussa domo a si allogare Etimo itl. allogare Traduzioni Francese louer Inglese to rent Spagnolo alquilar Italiano affittare Tedesco vermieten.

allócu , nm: allogu Definizione su chi si pagat o si faet pagare de afitu; su allogare, giare in afitu una cosa / àere, leare, pedire a s'allogu, pagare s'allogu, istare in domos de allogu Sinonimi e contrari acodradura, afitu, allogadura, arrendu, pasoni Frasi allodha sa luna: sa noti dha teniat in allogu po fai luxi! ◊ bi at de pacare barratzellos e allocu 2. mai at chérfitu pacare pro pàschere in tirrinos de allocu ◊ cherent su cunzadu a s'allogu Etimo srd. Traduzioni Francese loyer, réserve Inglese rent, reserve Spagnolo alquiler Italiano affitto, risèrva Tedesco Miete, Reserve.

annolitài , vrb Definizione pigare o giare calecuna cosa a pagamentu po unu tanti de tempus, coment'e in afitu, po si ndhe serbire Sinonimi e contrari nolegiai, nozare Traduzioni Francese louer Inglese to rent Spagnolo arrendar, alquilar Italiano noleggiare Tedesco mieten.

arréndhu , nm: arrendu Definizione su arrendhare, su giare o pigare in afitu; ma fintzes su valore o prétziu de s'afitu, su chi si ndhe tenet de s’afitu; in logos de mare est fintzes ue is piscadores si ponent a bèndhere su piscau issos etotu / si dhu donaus nosu, s'arrendu!… = bos lu damus nois su tantu!… (mineta) Sinonimi e contrari afitu, allocu, arrendamentu, pasoni 2. mirai cantu est s'arrendu de custa ispétzia bella de muntzegnoris!…◊ no isco comente bos pagare s'arrendu de sa tanca! Etimo srd. Traduzioni Francese loyer, location Inglese rent Spagnolo alquiler Italiano affitto Tedesco Miete.

cànone , nm: cànoni Definizione régula, norma de lei; cantu si pagat de afitu Traduzioni Francese canon Inglese rule, rent Spagnolo canon Italiano cànone Tedesco Regeln, Mietzins.

nólu , nm Definizione su tanti chi si pagat po pigare calecuna cosa a nolégiu, po calecunu servítziu Sinonimi e contrari nólitu, nozu, portàdiga Etimo itl. Traduzioni Francese fret Inglese rent Spagnolo alquiler Italiano nòlo Tedesco Miete, Fracht.

pasòni , nf: pejone, pesione, pesone, pesoni, pisione Definizione su chi si pagat po crocare o istare in d-una domo, o fintzes po tènnere terrenu o àteru a si ndhe serbire Sinonimi e contrari afitu, allocu, arrendu, pejonia Modi di dire csn: donai una terra a p., pigai un'aposentu a p.; zúchere sa conca a p. = in afitu, coment'e candu no si arrexonat, coment'e chi siat de un'àteru Frasi giughet sa domo infatu e no pagat sa pejone ◊ at donau sa domu a pasoni a una maista ◊ poita a tenni domus a pesoni cun chini no pagat afitu? (Loddo) 2. isse fit pessone bona, ma sos chi lu cherent fàghere a santu depent zúghere sa conca a pisione! Etimo itl. Traduzioni Francese loyer Inglese rent Spagnolo arrendamiento, alquiler Italiano pigióne Tedesco Miete.