arràtu , agt: ratu Definizione nau de su logu, chi est in calada meda Sinonimi e contrari iscamedhosu, isderrumbau, percossosu, ràbidu, tremenósu | ctr. paris, sétidu Frasi est istétia una fatiga a si ndi bènniri a su serragu de sa costera arrata, logu de si apiculai a us'e crabas Etimo ltn. rap(i)dus Traduzioni Francese escarpé Inglese steep Spagnolo escarpado Italiano scoscéso, érto Tedesco steil.

iscamedhósu , agt Definizione nau de logu, chi est totu iscamedhos, dificurtosu Sinonimi e contrari abriu, arratu Frasi sa vida est una caminera iscamedhosa: cantu trambucat, sa zente! ◊ fàghemi lughe tue in custa badhe profundha iscamedhosa! ◊ andho lestru pro cantu mi permitit sa caminera iscamedhosa Etimo srd. Traduzioni Francese escarpé Inglese craggy, steep Spagnolo escarpado Italiano dirupato Tedesco abschüssig.

iscamédhu , nm Definizione tretu inue, mescamente in camminos o àteros logos de passare, su logu càmbiat a s'ingrundha faendho a iscalina (in calada o pesada): si narat fintzes de logu malu, de dificurtade Sinonimi e contrari iscaledhu, iscalone 1, ispéntimu, ispérruma, scabiossu Frasi arranzendhe caminos che bogant sos iscamedhos pro colare menzus ◊ s'achetu de ratza sarda pighendhe in iscamedhos de su monte puntat sas orijas (A.Spano)◊ si caminas a s'iscuru, mira pro calchi iscamedhu! 2. bi ndhe at de iscamedhos in sa vida!… Etimo srd. Traduzioni Francese escarpement Inglese steep fall Spagnolo escarpa, escarpadura Italiano scoscendiménto, gradino nel sentièro, nella strada Tedesco Absturz, Bergrutsch.

iscolladólzu, iscolladórgiu, iscolladórju, iscolladórzu , nm Definizione logu, mescamente po passare, malu de si iscrebigare, de si segare sa mola de su tzugu, sugetu a orrúere cun facilidade Sinonimi e contrari irmoladórgiu, ischerbicadorju, rutorzu, trambucadorzu, trèglia / cdh. troncacodhu, ttrs. iscudhadógiu Frasi ite isbambarriare de fungudos iscolladorzos in s'ortu meu!…◊ no faghet a bi colare, cue: est un'iscolladorzu! ◊ custas carrelas sunt totu iscolladorzos Etimo srd. Traduzioni Francese escarpement, casse-cou Inglese steep slope, dangerous place Spagnolo lugar escarpado, vericuetos Italiano luògo scoscéso, rompicòllo Tedesco Absturz, gefährlicher Ort.

isderrumbàu , agt Sinonimi e contrari arratu, irrúpidu, percossosu Frasi custus montis funt isderrumbaus Traduzioni Francese escarpé Inglese steep Spagnolo escarpado Italiano scoscéso Tedesco abschüssig.

isperrumàdu , pps, agt Definizione de isperrumare; chi est totu andhau male, malegontzu, coment'e betau in s'ispérrumu, nau fintzes de cosa Sinonimi e contrari ispérdidu / cadrudhu, scarrabeciau 2. est unu tungu isperrumadu totu pedra ◊ bi at pagas domos rutas, isperrumadas dae unu crastu chi ndh'est faladu rodhulendhe dae sa costera 3. est unu béciu isperrumau Traduzioni Francese escarpé Inglese hurled down, steep Spagnolo escarpado Italiano dirupato Tedesco abschüssig.

isteremàdu , pps, agt, nm: istremadu 1 Definizione de isteremare; nau de su logu, chi est trotu, a tèrema, in calada meda, in costa; logu malu Sinonimi e contrari istremenadu / arratu, ràbidu / raza, riartzu, trèmena, trempa 2. che istaiat pastorighendhe in sos palinzos isteremados de su monte ◊ cussu fiat unu logu ferosu e istremadu Traduzioni Francese éboulé, raide Inglese steep, collapsed Spagnolo desmoronado, escarpado Italiano franato, rìpido Tedesco abgerutscht, steil.

percossósu , agt Definizione nau de logu, chi est in calada meda, perigulosu de orrúere po dhue passare Sinonimi e contrari arratu, iscamedhosu, isderrumbau, ràbidu | ctr. paris, sétidu Etimo srd. Traduzioni Francese escarpé Inglese steep Spagnolo escarpado Italiano scoscéso Tedesco abschüssig, steil.

ràbidu , agt: ràpidu, rípidu Definizione nau de logu o de cosa po sa posidura, chi est in calada meda a una bandha Sinonimi e contrari arratu, fichidu, isteremadu | ctr. paris, sétidu Modi di dire csn: una roca ràpida = una roca ficada, istrantaxa; trempa r. = costa de monte in betada meda, azummai ritza Frasi bi aiat zente arestada peri sos montes piús ràbidos e pedrosos ◊ unu crastu ndh'est faladu rodhulendhe in sa ràbida costera ◊ custos surcos sunt ràbidos e abba no ndhe lis abbarrat Traduzioni Francese raide Inglese steep Spagnolo escarpado, empinado Italiano rìpido Tedesco steil.

trèglia , nf Definizione logu malu, trotu meda Sinonimi e contrari iscafada, ischerbicadorju, iscolladorju, scabiossu Terminologia scientifica slg Traduzioni Francese lieu escarpé Inglese steep place Spagnolo pendiente, escarpa Italiano luògo scoscéso Tedesco Absturz.

«« Cerca di nuovo