Ditzionàriu in línia
de sa limba e de sa cultura sarda

arràtu , agt: ratu Definitzione nau de su logu, chi est in calada meda Sinònimos e contràrios iscamedhosu, isderrumbau, percossosu, ràbidu, tremenósu | ctr. paris, sétidu Frases est istétia una fatiga a si ndi bènniri a su serragu de sa costera arrata, logu de si apiculai a us'e crabas Ètimu ltn. rap(i)dus Tradutziones Frantzesu escarpé Ingresu steep Ispagnolu escarpado Italianu scoscéso, érto Tedescu steil.

iscamedhósu , agt Definitzione nau de logu, chi est totu iscamedhos, dificurtosu Sinònimos e contràrios abriu, arratu Frases sa vida est una caminera iscamedhosa: cantu trambucat, sa zente! ◊ fàghemi lughe tue in custa badhe profundha iscamedhosa! ◊ andho lestru pro cantu mi permitit sa caminera iscamedhosa Ètimu srd. Tradutziones Frantzesu escarpé Ingresu craggy, steep Ispagnolu escarpado Italianu dirupato Tedescu abschüssig.

iscamédhu , nm Definitzione tretu inue, mescamente in camminos o àteros logos de passare, su logu càmbiat a s'ingrundha faendho a iscalina (in calada o pesada): si narat fintzes de logu malu, de dificurtade Sinònimos e contràrios iscaledhu, iscalone 1, ispéntimu, ispérruma, scabiossu Frases arranzendhe caminos che bogant sos iscamedhos pro colare menzus ◊ s'achetu de ratza sarda pighendhe in iscamedhos de su monte puntat sas orijas (A.Spano)◊ si caminas a s'iscuru, mira pro calchi iscamedhu! 2. bi ndhe at de iscamedhos in sa vida!… Ètimu srd. Tradutziones Frantzesu escarpement Ingresu steep fall Ispagnolu escarpa, escarpadura Italianu scoscendiménto, gradino nel sentièro, nella strada Tedescu Absturz, Bergrutsch.

iscolladólzu, iscolladórgiu, iscolladórju, iscolladórzu , nm Definitzione logu, mescamente po passare, malu de si iscrebigare, de si segare sa mola de su tzugu, sugetu a orrúere cun facilidade Sinònimos e contràrios irmoladórgiu, ischerbicadorju, rutorzu, trambucadorzu, trèglia / cdh. troncacodhu, ttrs. iscudhadógiu Frases ite isbambarriare de fungudos iscolladorzos in s'ortu meu!…◊ no faghet a bi colare, cue: est un'iscolladorzu! ◊ custas carrelas sunt totu iscolladorzos Ètimu srd. Tradutziones Frantzesu escarpement, casse-cou Ingresu steep slope, dangerous place Ispagnolu lugar escarpado, vericuetos Italianu luògo scoscéso, rompicòllo Tedescu Absturz, gefährlicher Ort.

isderrumbàu , agt Sinònimos e contràrios arratu, irrúpidu, percossosu Frases custus montis funt isderrumbaus Tradutziones Frantzesu escarpé Ingresu steep Ispagnolu escarpado Italianu scoscéso Tedescu abschüssig.

isperrumàdu , pps, agt Definitzione de isperrumare; chi est totu andhau male, malegontzu, coment'e betau in s'ispérrumu, nau fintzes de cosa Sinònimos e contràrios ispérdidu / cadrudhu, scarrabeciau 2. est unu tungu isperrumadu totu pedra ◊ bi at pagas domos rutas, isperrumadas dae unu crastu chi ndh'est faladu rodhulendhe dae sa costera 3. est unu béciu isperrumau Tradutziones Frantzesu escarpé Ingresu hurled down, steep Ispagnolu escarpado Italianu dirupato Tedescu abschüssig.

isteremàdu , pps, agt, nm: istremadu 1 Definitzione de isteremare; nau de su logu, chi est trotu, a tèrema, in calada meda, in costa; logu malu Sinònimos e contràrios istremenadu / arratu, ràbidu / raza, riartzu, trèmena, trempa 2. che istaiat pastorighendhe in sos palinzos isteremados de su monte ◊ cussu fiat unu logu ferosu e istremadu Tradutziones Frantzesu éboulé, raide Ingresu steep, collapsed Ispagnolu desmoronado, escarpado Italianu franato, rìpido Tedescu abgerutscht, steil.

percossósu , agt Definitzione nau de logu, chi est in calada meda, perigulosu de orrúere po dhue passare Sinònimos e contràrios arratu, iscamedhosu, isderrumbau, ràbidu | ctr. paris, sétidu Ètimu srd. Tradutziones Frantzesu escarpé Ingresu steep Ispagnolu escarpado Italianu scoscéso Tedescu abschüssig, steil.

ràbidu , agt: ràpidu, rípidu Definitzione nau de logu o de cosa po sa posidura, chi est in calada meda a una bandha Sinònimos e contràrios arratu, fichidu, isteremadu | ctr. paris, sétidu Maneras de nàrrere csn: una roca ràpida = una roca ficada, istrantaxa; trempa r. = costa de monte in betada meda, azummai ritza Frases bi aiat zente arestada peri sos montes piús ràbidos e pedrosos ◊ unu crastu ndh'est faladu rodhulendhe in sa ràbida costera ◊ custos surcos sunt ràbidos e abba no ndhe lis abbarrat Tradutziones Frantzesu raide Ingresu steep Ispagnolu escarpado, empinado Italianu rìpido Tedescu steil.

trèglia , nf Definitzione logu malu, trotu meda Sinònimos e contràrios iscafada, ischerbicadorju, iscolladorju, scabiossu Terminologia iscientìfica slg Tradutziones Frantzesu lieu escarpé Ingresu steep place Ispagnolu pendiente, escarpa Italianu luògo scoscéso Tedescu Absturz.