Ditzionàriu in línia
de sa limba e de sa cultura sarda

caciaràda , nf Definizione cosa pastissada, cumpositziones o ispetàculos fatos male Sinonimi e contrari abbunzu, maltitzu Traduzioni Francese horreur, chose mal faite Inglese swill Spagnolo chapuza Italiano pappolata Tedesco Faselei.

cagliadédhu , nm: calgiadedhu, calladedhu, callaedhu Definizione late tocau a càgiu ma no ancora fatu a casu; ludu cagiau chi faet s'abba comente proet Sinonimi e contrari cagiau, frua, lataxedu, pieta Frasi a su lati intebidau si ponit su callu e apustis essit su calladedhu Terminologia scientifica csu Traduzioni Francese bouillie Inglese swill Spagnolo papilla Italiano poltìglia Tedesco Brei.

maltítzu , nm: martitzu Definizione cosa tropu ammodhigada, impastada a modhe meda, o fintzes cosa pistada, fata modhe modhe po dha frigare a meighina Sinonimi e contrari madredhu, magullolla, marfadhu, martzudhu, morfodhu, morgodhu / caciarada Frasi su pane de fresa ifustu a tropu si faghet a unu martitzu ◊ a su late a supa menzus pane àrridu chi no tzichi, ca custu si faghet deretu a unu martitzu Traduzioni Francese bouillie Inglese swill Spagnolo papilla Italiano poltìglia Tedesco Brei, Breiumschlag.

mangiúcu , nm Definizione unu papare fatu male; cosa fata male, a improdhu, cosas ammesturadas apare chentza critériu Sinonimi e contrari mandhufu / abbaunzu, abbunzadura, aciorodhu, afioncu, coredhu, improdhu, indróvigu Frasi po ghisau coxinas tui etotu su mangiucu chi ti tenit in pei ◊ is malis no si sanant cun mangiucus de erbas ammesturadas a farra de corru abbrabau! 2. no seu aici basucu: si nci ant fatu mangiucu, in su binu, dhu connòsciu de s'arrastu Etimo srd. Traduzioni Francese mixture, mélange Inglese swill, muddle Spagnolo brebaje, potingue, mejunje Italiano intrùglio Tedesco Fraß, Mischmasch.