Ditzionàriu in línia
de sa limba e de sa cultura sarda

abbrugiòre, abbrugiòri , nm: abbrujore, abbruxore, abbruxori, brujore* Definizione su abbruxare, abbruxamentu, fogu, su pàrrere coment’e abbruxandho in sa carre Sinonimi e contrari budhiorza, spultori Traduzioni Francese brûlure Inglese soreness Spagnolo ardor Italiano abbruciaménto, brucióre Tedesco Verbrennung, Brennen.

bàsca , nf Definizione caentu forte meda, mescamente su chi faet in istade candho su sole est temperau Sinonimi e contrari caldesa, caldura, calentori, calura | ctr. friscura, fritu Modi di dire csn: sentiri sa b. = patire de sa calura; bascas de sa morte = su s'intèndhere morindhe, sa calura de chie est morindhe Frasi fiant istontonaus de sa basca che canis torrendi de cassa ◊ chin totu s'andhalitorra, fintzas candho su calore fit basca, mi sentio additzau pro su travallu ◊ est una basca de morri… seu totu a pampadas! ◊ de sa basca no aviat dormiu nudha ◊ baschixedha est fendi… de s'iscallai! Cognomi e Proverbi smb: Basca Etimo ctl. basca Traduzioni Francese chaleur étouffante Inglese heat Spagnolo calor, ardor Italiano caldo intènso Tedesco Hitze.

brujòre , nm: abbrugiore, brusiore, brusore, bruxore, bruxori Definizione coment'e cosa abbruxandho, chi ispirtit, siat ca dhue at fogu o fintzes ca, nau de cosa chi si papat o si bufat, in s'istògomo faet efetu chi giaet cuss'idea; in cobertantza, su diàulu Sinonimi e contrari budhiorza, bruju 1, pissiori, spultori / bundhone, diàbulu Modi di dire csn: b. de coro, de istògomo = coràssiu, zenia de efetu chi faghent cosas chi si mànigant o chi si bufant a chie sufrit a s'istògomo, o fintzas candho si ndhe mànigat o bufat a tropu; su cobadhu de brusore = su cabadhu de su diàulu (su parapunta o, pro àtere, sa sennoredha segadidus o secapedes) Frasi custa cosa est che a su ratinzu: piús ratas e piús as mandhighinzu e piús ti s'airat su brujore ◊ su binu mi est faghindhe a brujore a s'istògomo 2. sa saba mi at fatu a brusiore de coro Etimo srd. Traduzioni Francese brûlure Inglese burning Spagnolo ardor Italiano brucióre Tedesco Brennen.

colàrdine , nm: coràrdile Definizione agriore, abbruxore de istògomo Sinonimi e contrari coràrghidu, coràssidu, fogóriu Terminologia scientifica mld Etimo srd. Traduzioni Francese brûlure d'estomac Inglese heartburn Spagnolo ardor de estómago Italiano brucióre di stòmaco Tedesco Magenbrennen.

coràssidu, coràssiu, coràssili, coràssu , nm: coràtzidu Definizione iscancamentu de coro; abbruxore o agriore de istògomo, imbarratzu de istògomo po cosa mala a digirire; a logos, fintzes apentu mannu, sentidu Sinonimi e contrari colàrdine, coràrghidu, fogóriu Frasi est mortu de coràssiu ◊ de sa tristesa, dugna noti mi pigat su coràssiu ◊ fiat tussendi pariat chi teniat coràssiu 2. tengu su coràssiu a s'istògumu ◊ cussu a papai no dhu bollu ca mi pigat su coràssiu a s'istògumu ◊ chi bufu binu papendi castàngia mi fait a coràssiu Terminologia scientifica mld Etimo srd. Traduzioni Francese brûlure d'estomac Inglese heartburn Spagnolo ardor, acidez de estómago Italiano piròsi gàstrica, brucióre di stòmaco Tedesco Sodbrennen.

spultòri , nm: spurtori Definizione pistidhore de abbruxadura, de cosa chi punghet o ispirtit in sa carre; fintzes genia de pentzamentu, de gana, de presse de fàere calecuna cosa Sinonimi e contrari brujore, budhiorza, callentori, pistidhore / furighedha, furighíngiu, pistighíngiu Frasi su spurtori podiat iscallai su ferru ◊ chi ti ses abbruxau, ponidí ispíritu ca ti ndi pigat su spurtori ◊ teniat spurtori a s'istògumu ca fiat sentza de papai 2. tenera spultori cussu puru de andai Etimo srd. Traduzioni Francese brûlure Inglese smarting Spagnolo ardor, picor Italiano brucióre Tedesco Brennen.