Ditzionàriu in línia
de sa limba e de sa cultura sarda

caèta , nf: gaeta* Definizione genia de istrégiu de is muradores po pònnere impastu trebballandho Sinonimi e contrari gabbiassu Terminologia scientifica stz Traduzioni Francese taloche Inglese mortarboard Spagnolo bandeja, batea Italiano vassóio da muratóre Tedesco Aufziehbrett.

làcu , nm Definizione genia de istrégiu de linna o de pedra, de fatura diferente segundhu a ite serbit: su l. de linna po catzigare s'àghina est unu truncu de mata buida de unos duos metros, isperrau de longu mesu mesu a manera de pònnere su sacu de s'àghina e de calare su mustu a una cobedina; su l. de sa mola est una pedra manna, tundha e arta, prus istrinta in fundhu e larga in pitzu, picada a imbuidadura fata coment'e istrégiu, cun d-un'apertura a paris de su fundhu po ndhe pòdere bogare sa farra, duas partis in artu agiummai a oros chi essint a bandha de aintro po cicire o agguantare su coru cun sa túnica; su l. po pònnere abba o a papare a is animales est de pedra picada, longu o fintzes cuadrau (in is crésias po s'abbasanta est tundhu)/ min. lachedhu, lachighedhu Sinonimi e contrari scifedha, tavania, tuva / pica / abbasantera Frasi su lacu de sa mola si est de linna si narat "cubedhu" puru ◊ su lachedhu a su porcu li cheret pienadu a manigare ◊ at cumintzatu a iscarchiare supra de su sacu de s'àchina collocatu in su lacu ◊ in crésia si ponit sempri arrimau acanta a su lacu de s'acuasanta ◊ sa pudha at criau un'ou mannu coment'e unu lacu de mola… Cognomi e Proverbi smb: Laccu, Lacu Etimo ltn. laccus Traduzioni Francese bassin, lavoir, auge Inglese trough Spagnolo lagar, gamellón, solera, pila, artesa, batea Italiano truògolo Tedesco Trog.