Legenda Abbreviazioni | Legenda Simboli

afadiài, afadicàre , vrb: afatigai, fadiai Definizione pigare a fadiga, a immarritzone Sinonimi e contrari cansai, istracare, strachedhai | ctr. pasai 2. fiat afadiau caiat trabballau meda Etimo srd. Traduzioni Francese fatiguer Inglese to tire Spagnolo cansar Italiano affaticare Tedesco ermüden.

cansài , vrb: cansare, cantzai Definizione fàere istracu, a immarritzone / cansai sa conca = fàghere de conca coment'e iscutinèndhela Sinonimi e contrari afadiai, fadiae, istracare, strachedhai Frasi cudhus falsus profetas si cantzànt in debbadas, preghendi ◊ ti cansas debbadas trabballendu de aici 2. su bentu de s'istadi ndi portat su fragu de su fogu e is itzérrius de is béstias assuentadas e cansadas ◊ candu seu cantzau mi crocu, candu ndi tèngiu gana trabballu Etimo ctl., spn. cansar Traduzioni Francese fatiguer Inglese to tire Spagnolo cansar Italiano stancare Tedesco anstrengen.

istracàre , vrb: istragai, istragare, stracai Definizione fàere a immarritzone, fàere trebballare o fàere isfortzu fintzes a sentire sa pelea de si pàrrere de no pòdere sighire a fàere cosa o de àere gana de pàusu; fintzes orròschere, passare sa gana de fàere cosa Sinonimi e contrari afadiai, cansai, fadiae, iddobbare, strachedhai / arrebbentare, istajire / arròsciri | ctr. pasai Frasi su istare frimmos istracat prus de calesisiat travallu ◊ istracat su tzaponzu, ma fintzas s'istúdiu, balla! ◊ cussu ballu mi at totu istragau! 2. istracadu ti ndhe ses de cramare chentza chi ti rispondhat neune? 3. issu est un'ómini istragau de su trabbàlgiu! Etimo itl. straccare Traduzioni Francese fatiguer Inglese to tire Spagnolo cansar Italiano stancare, logorare Tedesco ermüden.

stracài , vrb: istracare*, stragai Definizione fàere a immarritzone, fàere sentire sa pelea de si pàrrere de no pòdere sighire a fàere cosa, de si dèpere pausare; fintzes orròschere, passare sa gana de fàere cosa / stragai una cosa = cossumire, imbetzare Sinonimi e contrari afadiai, cansai, fadiae, strachedhai | ctr. pasai Frasi su trabballu chi fait cussu stragat ◊ seus aici de nant'e orbesci, sempri insissiligandu e stragandusí 3. sa tzerga chi stragàt su tzeracu in s'annada dha pagàt su meri Traduzioni Francese épuiser Inglese to tire (out) Spagnolo cansar, agotar Italiano spossare Tedesco erschöpfen.

«« Cerca di nuovo