Ditzionàriu in línia
de sa limba e de sa cultura sarda

agrúgu , nm Definizione boghe de animale, mescamente su gúgulu de su cane; fintzes boghe de persona pranghendho Sinonimi e contrari gruju, gurrúliu, órulu Frasi s'agrugu de su cani 2. est a agrugus tzerriendi ca dhi est mortu su mairu ◊ scerau, cussu piciocu: est mortu a agrugus! Terminologia scientifica bga Etimo srd. Traduzioni Francese hurlement Inglese animal howl Spagnolo grito de animal, gañido Italiano urlo animalésco Tedesco Schrei, Heulen.

gannidúra , nf Definizione su gannire de su cane, su istare gannindhe Sinonimi e contrari gànnidu, túnchiu Etimo srd. Traduzioni Francese gémissement, glapissement Inglese whining, howling Spagnolo gañido Italiano mugolaménto Tedesco Winseln.

gannínzu , nm Definizione su gannire, su istare gannindhe de su cane Sinonimi e contrari gànnidu, giannitonzu, túnchiu Frasi a su ganninzu de sos canes, fachèndheli festa, che fit falau su babbu a l'addopare Terminologia scientifica bga Etimo srd. Traduzioni Francese glapissement Inglese yelping Spagnolo gañido Italiano gagnolìo Tedesco Gewinsel.

órulu , nm: úrrulu Definizione genia de gugúliu de su cane, chi abbóghinat illonghiandho sa boghe, boghes unu pagu orrorosas de àteru animale (es. margiane); boghes, gridas de gente, moida forte a súrbiu, mescamente de is bentos / pesàresi a órulos Sinonimi e contrari abélidu, agrugu, coroju, giàngiulu, gràliu, gurrúliu, zàrulu / grida, ólchidu Frasi a s'órulu de su cane fint inie aes e feras ◊ s'intendhet órulos de catedhu ◊ parent órulos de mariane famiu 2. sa bidha fit torrata unu burdellu niedhu chin prantos, órulos, protestas e minetzas ◊ l'ant piantu a órulu in sa losa Etimo srd. Traduzioni Francese hurlement, glapissement Inglese shout, squeak Spagnolo gañido, aullido, grito Italiano urlo, guaito Tedesco Winseln, Jaulen, Schrei.