Ditzionàriu in línia
de sa limba e de sa cultura sarda

alléu , nm Definizione criadura minuda, pipiu de naschidórgiu Traduzioni Francese enfant au berceau Inglese baby Spagnolo niño de pañales Italiano bambino in fàsce Tedesco Wickelkind.

Bambínu , nm Definizione Cristos candho est naschiu, su Pipiedhu Frasi dònannos tue, Bambinedhu, gràscias, risitos e carignos! ◊ in istadha isderruta, a pitzu de unu cufinu cun palla postu asuta, est nàsciu su Bambinu (M.Pintor) Traduzioni Francese l'Enfant Jésus Inglese infant Jesus Spagnolo Niño Jesús Italiano Gesù Bambino Tedesco Christkind.

bardàscia , nm Definizione piciocu minore pagu de bonu, malu Sinonimi e contrari cdh. stedhàciu Traduzioni Francese mauvais garçon Inglese nasty boy Spagnolo niño travieso Italiano ragazzàccio Tedesco Schlingel.

carútza , nf Definizione min. de cara, cara pitichedha, de criadura / min. carutzedha Sinonimi e contrari carighedha Frasi est gai belledha, cun cussa carutzedha totu abba e sabone!…◊ disizendhe sas carutzas de fizos mios m'ingaleno Traduzioni Francese joli minois, frimousse Inglese pretty face Spagnolo cara de niño Italiano visino Tedesco kleines Gesicht.

dúdhuru , agt, nm Definizione foedhu chi si narat a disprétziu candho unu mannu faet che is criaduras Etimo srd. Traduzioni Francese grand enfant Inglese great big baby Spagnolo crío, niño de la rollona Italiano bambinóne Tedesco Kindskopf.

fruscinédhu , agt, nm Definizione nau de piciochedhu chi istat sèmpere a su move move, chi no istat mai firmu Sinonimi e contrari bagliúgulu, piberudu / fangoteri, fragnóculu, mintirotu, sbrillau, tocaredhu Frasi a pipia tui fias fruscinedha meda Traduzioni Francese vif, animé, petit diable Inglese lively (child) Spagnolo vivaz, niño travieso Italiano vivace, frùgolo Tedesco lebhaft, Wildfang.

marrúsca , nf Definizione dentighedha pitica de pipiu Terminologia scientifica crn Etimo srd. Traduzioni Francese dent Inglese little tooth Spagnolo diente de niño Italiano dentino Tedesco Zähnchen.

nignighédhu , nm: ninichedhu, ninnichedhu, ninnixedhu Definizione pipiu pitichedhu / su Ninnichedhu = su Bambinu Sinonimi e contrari nignu, ninnedhu, pipiu Frasi in sa butega de su mastruàscia s'intendhent pagos colpos de martedhu: unu bratzolu pro su nignighedhu e pro te, truncu immóbbile, una càscia Traduzioni Francese bambin, l'Enfant Jésus Inglese the infant Jesus Spagnolo niño Italiano bambinèllo Tedesco kleines Kind.

nígnu , nm: ninnu Definizione (f. –a) pipiu piticu, si narat a su pipiu creschendho fintzes de una deghina de annos, pruschetotu tzerriandhodhu; su Bambinu, Cristos a pipiedhu / min. ninnedhu, ninnitu Sinonimi e contrari pipiu / Bambinu Frasi so cue cun sos nignos innotzentes moltos prima chi abbas sacrosantas de prima culpa los fatant lughentes ◊ sa mama, netendhe sa persone, a sos ninnos lis dat basos e consizos ◊ cun santa umilidade e riveréntzia impare a sos pastores e tres Rese adora tue puru s'innocéntzia de su Ninnu celeste, si bi crese! 2. ninna mia bella, beni a mamma! 3. s'istella si fiat parada aundi fiat su nignu Gesús Cognomi e Proverbi smb: Ninnu Etimo spn. Traduzioni Francese enfant Inglese child Spagnolo niño Italiano bimbo Tedesco Kind.

pilócu , nm Definizione piciochedhu fintzes a is dóighi, tréighi annos Sinonimi e contrari piciochedhu, pillosu*, pisedhu 3 Frasi apo colau sos annos de pilocu apare cun mannoi meu Traduzioni Francese petit garçon Inglese young boy Spagnolo niño, mozo Italiano fanciullo, ragazzino Tedesco kleiner Junge.

pipíu , nm, agt: pupiu Definizione criadura mascu, minoredha, o fintzes matuchedha ma sèmpere de pagos annos / su p. de tziu Làllara = ómine intradu in tempus, mannu, antzianu Sinonimi e contrari bibbigorredhu, pisedhu 3, pillosu 1 / cdh. stedhu 1 / minore Frasi bàsciu de s'ora no nascit pipiu ◊ fit una fémmina sola chin sete pipios ◊ su pipiu at iscapau a pei, at cumentzau a fuedhai ◊ est torrau a pipiu a fortza de becesa! ◊ a su pitzinnu su babbu l'at batidu unu pupiu de linna, a zogare 2. depeus lassai dogna isperdítziu e avesai sa genti, finas de candu est pipia, a si acuntentai de su chi tenit Cognomi e Proverbi smb: Pipiu / prb: àcua e frius annada de pipius Traduzioni Francese petit enfant, enfant Inglese babe Spagnolo niño Italiano bimbo, bambino, infante Tedesco Kind.

púpu , nm Definizione pipiedhu de naschidórgiu, ma fintzes de calecunu annu / min. pupitu Sinonimi e contrari creadura, criatone, fizaredhu, pipiu Frasi passendhe tremulades s'ervutza e sa foza che carignu innotzente de pupu risulanu ◊ ant àpidu su pupu apenas nadu ◊ anninnia, pupu bellu, chi ses bellu chei s'oro! Etimo ltn. pupus Traduzioni Francese petit enfant Inglese baby, child Spagnolo criatura, niño Italiano bimbo Tedesco Kind.

sutolzànu, sutorgiànu, sutorjànu, sutorzànu , agt, nm Definizione chi, o pipiu chi, est ancora suendho, chi suet meda Etimo srd. Traduzioni Francese nourrisson Inglese sucking, suckling Spagnolo niño de pecho, lactante Italiano poppante, lattante Tedesco Säugling.