Ditzionàriu in línia
de sa limba e de sa cultura sarda

biàsciu , agt Definizione trotu, chi andhat de una bandha a s'àtera, unu pagu a istúturu, a piliesse, chi no est deretu coment'e candho est in tira, lenu Sinonimi e contrari abboe, achibboe, achifilu, acorrimboe, calembru, imboe, isbésciu, isgretzi, sbiàsciu* 2. de sa lentza biàscia su piscadori si est sapiu chi su pisci fiat girendu Traduzioni Francese biais, oblique Inglese oblique Spagnolo oblícuo Italiano oblìquo Tedesco schief.

calémbru , agt: chilembru, colembru, collembru, culembru Definizione chi est incrubandhosiche a una parte, coment'e atrotigau, trotu; nau de ccn., chi si credet meda Sinonimi e contrari abboe, achibboe, achifilu, acorrimboe, imboe, isculembru, ochirioe, parangau / còrcobe, cucurudu Frasi su tziu nche fit betzu, totu culembru chin sos innodricadorjos a botzos ◊ zanna, puntellu, muru calembru ◊ sa perda colembra no assentat bene Traduzioni Francese biais, incliné, oblique Inglese crooked Spagnolo oblicuo Italiano sghémbo Tedesco schief.

imbòe , avb Definizione in betada o incrubau a un’ala / èssere a un’i. = postu de malu betu, chi calat o est prus bàsciu a un’ala, coment’e crocandhosiche, betau a un’ala Sinonimi e contrari abboe, achibboe, achifilu, acorrimboe, calembru, ochirioe Frasi s'isterzu si ponet a un'imboe pro sucutare ◊ cussa cosa a un'imboe est suzetu chi si che tàmbulat! Etimo srd. Traduzioni Francese oblique, biais Inglese oblique Spagnolo oblicuo Italiano sghémbo, oblìquo Tedesco schräg.

isbésciu , avb: sbiésciu Definizione a i. = a dortu, de rugadis, a istúturu Sinonimi e contrari abboe, achibboe, achifilu, acorrimboe, biàsciu, calembru, imboe, ischilvésciu, iscuessu, isgretzi, sbiàsciu Etimo itl. sbiescio Traduzioni Francese de travers, de biais Inglese slant Spagnolo sesgo, oblicuo Italiano sghimbèscio Tedesco krumm.

ischígliu , nm Definizione segada de traessu, a istúturu, parangada a una parte, fintzes línia fata de traessu ma sèmpere a un'imboe, prus bàscia a una parte (a cabu i.) Etimo srd. Traduzioni Francese coupe de travers Inglese oblique cut (awry) Spagnolo corte oblicuo Italiano tàglio sghémbo, oblìquo Tedesco Schrägschnitt.

sbiàsciu , agt Definizione chi est fatu o segau a un'imboe, unu pagu a istúturu, a corru a una parte o a buca de pitariolu Sinonimi e contrari biàsciu, irfiassu, isbésciu Modi di dire csn: avb. a o de sbiàsciu, de sbiésciu = unu pagu de rugadis, a dortu; castiai a unu a s. = a ogru dortu Etimo ctl. bia(i)x, esbiaix Traduzioni Francese biais Inglese sloping Spagnolo oblicuo, sesgado Italiano sbièco Tedesco schräg, schief.