chintòglia, chintólgiu, chintòlza , nf, nm: chintòrgia, chintórgiu, chintorja, chintorju, chintorza, chintorzu, cintòrgia Definizione tira de cosa, mescamente de pedhe, cun sa tíbbia, de pònnere in chintzu po poderare unu bestimentu / chintorza de santu Giuanne = frore de santu Giuanne, alluevogu, bruschiadina; pantalones a chintorza = cun sa tzinta Sinonimi e contrari astrintorza, chíntula, lorita, tríncia, tzinta, tzintorja Frasi s'arva li arriviat a sa chintorza ◊ iat pigau su chintórgiu e aiat giau una surra a su fígiu ◊ su piciochedhu camminat poderendu unu chintórgiu in is manus ◊ candho at papau si at fintzes illagrau su chintórgiu ◊ custa est una cintòrgia de pedhe Etimo ltn. cinctorium Traduzioni Francese ceinture Inglese belt Spagnolo cinturón Italiano cìntola, cintura Tedesco Gürtel.

chíntzu 1 , nm: cintu, cintzu, ginsu, scinsu, tzintu Definizione tira de cosa, mescamente de pedhe, cun sa tíbbia, de acapiare in chintzu po poderare bestimentu, e fintzes su tretu de sa carena in mesania e parte de su bestimentu in custu tretu Sinonimi e contrari chintòglia, gintone, singedhu, tzinta / chíntula Cognomi e Proverbi smb: Cintu Etimo ltn. cinctu(m) Traduzioni Francese ceinture Inglese belt Spagnolo cintura Italiano cinto Tedesco Gürtel.

ischintolzàre , vrb: ischintorzare, issintorgiare Definizione bogare sa chintorza, su chintórgiu; iscúdere, atripare a chintórgiu / ischintorzare de su risu = mòrriri, crepai de s'arrisu Etimo srd. Traduzioni Francese détacher sa ceinture Inglese to unbelt Spagnolo sacarse el cinturón Italiano levarsi la cintura Tedesco sich den Gürtel abnehmen.

istrintzàdu , pps, agt Definizione de istrintzare; nau de ccn., chi est cun sa trintza o bestimentu (pantalones o gunnedha) illascau, calandhochedhi Sinonimi e contrari ischintu, istrantzillerau Frasi totu istrintzadu, istaio rujadas de manzana ifatu de carchi grígliu ◊ chie est a bunnedha istrintzada, chie a caltzones ispresos Traduzioni Francese à demi vêtu Inglese half-dressed Spagnolo desaliñado Italiano discinto Tedesco ohne Gürtel.

loríta , nf Definizione tira de cosa, mescamente de pedhe, cun sa tzíbbia, de pònnere in chintzu Sinonimi e contrari chintòglia, chíntula, tríncia, tzinta Frasi s'est fuiu a lorita in manus, depiat èssi a daor'e brenti ◊ at afasciau is pértias cun sa lorita Etimo srd. Traduzioni Francese ceinture Inglese belt Spagnolo cinturón, correa Italiano cìntola Tedesco Gürtel.

singédhu , nm: chinghedhu* Definizione genia de chintórgiu, de pedhe, imbestiu de velludu Sinonimi e contrari chintòglia, chíntula, lorita Frasi at fatu unu pràngiu de cosas lichitosas chi faint isciabudhai s'istògumu e allargai su singedhu! ◊ bendit singendhus, alliòngius, ullieras e àteras cositedhas Traduzioni Francese ceinture, lacet Inglese girdle Spagnolo cinturón, correa Italiano cintura, cìntolo Tedesco Gürtel.

tzínta , nf: chinta Definizione tira de cosa, mescamente de pedhe, cun sa tíbbia, de pònnere in chintzu cun pantalones / iscorriada de tzinta = cropu giau cun sa tzinta Sinonimi e contrari chinghedhu, chintòglia, chíntula, lorita, tríncia Traduzioni Francese ceinture Inglese belt Spagnolo cinturón Italiano cintura Tedesco Gürtel.

«« Cerca di nuovo