Ditzionàriu in línia
de sa limba e de sa cultura sarda

aligàe , vrb: aligai, aligare, argare Definizione istèrrere s'àliga, su ladamíngiu; imbrutare, fàere su logu a muntonàrgiu; fintzes pònnere sa cria, nau de bobbois chi ponent is oos in is freaduras Sinonimi e contrari alladamenae, contzimare, ladamingiare, stercorai / imbratare Frasi at argau s'ortu, sa binza 2. est unu doveri de no aligai e avelenai sa Terra, ca nci biveus Etimo srd. Traduzioni Francese fumer Inglese to manure Spagnolo abonar Italiano concimare Tedesco düngen.

alladamenàe , vrb: alladaminai, alledamenare, alledaminare, alletamanare, allodaminai, ladamenare Definizione pònnere, betare o ispainare su ladamíngiu, ingrassare sa terra cun su ladamíngiu Sinonimi e contrari aligare, atalaminai, contzimare, illedaminare, ladamingiare, stercorai, sualare Frasi su bestiàmine, inue paschet, alledàminat su logu ◊ s’istercu e su pissu de sas béstias lu golliant pro alletamanare sos ortedhos ◊ terra de allodaminai no ndi teneus Etimo srd. Traduzioni Francese fumer, engraisser Inglese to dung Spagnolo abonar Italiano concimare Tedesco düngen.

alladaminaméntu , nm: ladaminamentu Definizione su alledaminare, su pònnere, istèrrere o lassare ledàmine in su terrinu Sinonimi e contrari alladaminadura, alledamenada, stercosciamentu, sualinzu Etimo srd. Traduzioni Francese fumage, fumure Inglese manuring Spagnolo abono Italiano concimazióne Tedesco Düngen.

alledamenàda , nf Definizione su alledaminare Sinonimi e contrari alladaminadura, alladaminamentu Etimo srd. Traduzioni Francese fumage, fumure Inglese manuring Spagnolo abono Italiano concimatura Tedesco Düngen.

alluzanàre , vrb Definizione ingrassare sa terra comente faent is errios bogaos, ispainandhodhoe cosa de sustàntzia, coment'e faendho sa terra a lugiana (genia de terramíngiu bonu) Etimo srd. Traduzioni Francese fertiliser Inglese to fertilize Spagnolo abonar Italiano fertilizzare Tedesco düngen.

contzimàre , vrb Definizione betare o pònnere su concime a sa cosa prantada o semenada Sinonimi e contrari aligare, alladamenae, ladamingiare, stercorai Traduzioni Francese fumer, engraisser Inglese to manure Spagnolo abonar Italiano concimare Tedesco düngen.

ingràssa , nf, nm: ingrassu Definizione su ingrassare: ingrassa dhu narant pruschetotu po animales, ingrassu si podet nàrrere fintzes de terras Sinonimi e contrari rassa / alladaminamentu Frasi su procalzu beniat a su buscu a s'ingrassa ◊ sos chi in su monte ant àpidu s'ingrassu giughent peta licantza… a mastigare ◊ imbucades che porcos a s'ingrassa dae su die mércuris de lísciu! (P.Mossa) 2. s'ingrassu si fait a is terras apenas isfrutadas Traduzioni Francese engrais Inglese fattening Spagnolo engorde, ceba, abono Italiano ingrasso Tedesco Mästen, Düngen.

ingrassài, ingrassàre , vrb Definizione pònnere lardu, ógiu (mescamente nau de is petzas, animales e gente); frigare o pònnere ógiu a ingranàgios, betare ladamíngiu a sa terra; in cobertantza, errichire Sinonimi e contrari ammeudhare, irrassare, saginai / úngere / alladamenae | ctr. illangiare, irromasire, isozare Frasi biu ca Gilda est prenixedha, sighendusí a ingrassai ◊ ingunis si papat bèni, issu s'est povintzas ingrassau ◊ ingrassamus su porcu pro lu fàchere a sartitza ◊ nc'est peri chini ingrassat papandu pagu! 3. cumintzeit a sudhare chi su dinari non serviat a Santu Frantziscu ma pro ingrassare sas buxacas de compare retore Cognomi e Proverbi prb: s’oglu de su mere ingrassat su cadhu Etimo srd. Traduzioni Francese engraisser Inglese to fatten Spagnolo engordar, engrasar, abonar Italiano ingrassare Tedesco mästen, einfetten, düngen.

stercorài, stercosciài , vrb: stracosciai, strecosciai, strecoxai Definizione fàere de bisóngiu de is animales, imbrutare de ladamíngiu; betare o istèrrere su ladamíngiu (strecu), ingrassare sa terra a ladamíngiu (e fintzes imbrutare de ludu o àteru)/ una strecosciada de pei = falada de pè a manera de ischitzare cosa Sinonimi e contrari istallare 2 / aligare, alladamenae, contzimare, ladamingiare / illudrare, imbrutai, strichidhai 2. custa fà coit a isciasciadura: non portit ladami, puru, fut una terra totu stracosciada!…◊ su logu est totu stracosciau de cumenti funt acorrendu is brebeis innòi ◊ cussus portant su coru strecosciau de sànguni malu ◊ potzu intrai? no ia a bolli strecosciai su logu de ludu! Etimo ltn. stercorare Traduzioni Francese engraisser, parquer Inglese to pen Spagnolo estabular, estercolar Italiano stabbiare Tedesco düngen.

stercosciaméntu , nm Sinonimi e contrari alladaminadura, alladaminamentu, alledamenada Etimo srd. Traduzioni Francese parcage Inglese manuring Spagnolo abono Italiano stabbiatura, mandratura Tedesco Düngen.