Legenda Abbreviazioni | Legenda Simboli

achigulàdu , pps, agt Definizione de achigulare; chi istat sèmpere a chèscia, chi si faet intèndhere che una chíghela Sinonimi e contrari chensciosu, memulosu, miaulosu, piantinosu, pibinosu, piciosu, prantaleu 2. remonida in cuzolu de foghile s'iscaldit sa betzesa achigulada Terminologia scientifica ntl Traduzioni Francese plaintif, geignant Inglese mournful Spagnolo quejumbroso Italiano lamentévole Tedesco klagend.

chensciósu , agt, nm: chesciosu, chessiosu, chessosu, ghessosu Definizione chi o chie si chèsciat, chi istat sèmpere chesciandhosi Sinonimi e contrari achiguladu, memulosu, miaulosu, piantinosu, piantuleu, pibinosu, piciosu, spreàrgiu, surrungiosu, turunzosu, tzirchinzosu / cdh. chisciosu Frasi mancai chesciosu, su pòburu si podit acuntentai ◊ sos preitiosos si mustrant chensciosos cun totus ◊ candu chesciosa arritzolas fuedhu, no ses che folla pendi pendi po ispantu ingroghia (E.Collu)◊ sorga mia est chesciosa: no mi bollit a nura!…◊ ses de dogni chessosu veru Babbu Etimo spn. quejoso Traduzioni Francese plaintif Inglese mournful Spagnolo quejón Italiano lamentévole, quèrulo Tedesco klagend.

lamentósu , agt Definizione chi si lamentat; chi s'istat sèmpere lamentandho, mai cuntentu Sinonimi e contrari achiguladu, chensciosu, lastimosu, miaulosu, piantinosu, piantuleu, pibinosu, piciosu, rangulosu, surrungiosu / cdh. lagnicosu, lamintosu Frasi bos intendho sempre lamentosos chi su tempus curret cun fua ispantosa 2. su mere est semper lamentosu chi sos teracos triballant pagu ◊ est lamentosu ca sas annadas nachi sunt malas, chi nachi s'olia est dendhe pagu resa, chi nachi no bi essit nudha… sempre a lamenta! Etimo ltn. lamentosus Traduzioni Francese plaintif Inglese mournful Spagnolo quejumbroso Italiano lamentóso, quèrulo Tedesco kläglich, klagend.

memulósu , agt: mimulosu Definizione chi est o istat a mémula, chi faet mémula Sinonimi e contrari achiguladu, chensciosu, miaulosu, piantinosu, piantuleu, pibinosu, piciosu, spreàrgiu Frasi su cucu nachi inzertat sos annos de sa vida cun su càntigu sou mimulosu ◊ s'intendhet su lamentu mimulosu de su matzone ◊ s'intendhent sas toncas mimulosas ◊ sas chígulas mimulosas como si sunt cagliadas ◊ mimulosa est s'istria candho cantat Etimo srd. Traduzioni Francese plaintif Inglese peevish Spagnolo quejoso Italiano quèrulo Tedesco klagend.

pibinósu , agt: pibiosu, pipiosu Definizione nau de ccn., chi s'istat coment'e lamentandho, chesciandho, lastimandho (o fintzes a foedhos malos, a lamentu), chi faet pena, chi est tenendho dolu, sentindho dolore o làstima Sinonimi e contrari achiguladu, chensciosu, lastimosu, memulosu, piantinosu, piciosu, pipiajolu Frasi su bentu s'intendhet muilendhe lamentu pibiosu ◊ oi puru ses pipiosa: ite as papau, arranas?! ◊ li ant fatu s'interru a tocu pibiosu de campana ◊ at nau s'orassione chin boche pipiosa ◊ is cucus s'arrespundint apari cun boxi pibinosa ◊ cun boghes pibiosas intonade chi piangat dogni coro trapassadu! Etimo srd. Traduzioni Francese plaintif, attristant Inglese mournful, sad Spagnolo quejumbroso, triste Italiano lamentévole, mèsto Tedesco klagend, jammernd, traurig.

piliàche, piliàghe , agt, nm: piulache, piulaghe Definizione chi istat a píulos; píulu, genia de boghighedha mescamente de pigiones; lèpuri de arxola, genia de pigione mannu chi cantat iscurigandho e cricat is argiolas a pàschere Sinonimi e contrari tziulaghe / tzíulu / gavigaví, pibiaghena, pidiaghe, pizaena, tzintziriena Frasi su piulaghe de sos puzones 2. a piliaghe postu, cudh'ómine si ndhe andhaiat a ue agataiat piús acatu Terminologia scientifica pzn, vanellus vanellus Etimo srd. Traduzioni Francese plaintif, vanneau Inglese mourning, lapwing Spagnolo quejumbroso, ve fría Italiano lamentóso, pavoncèlla Tedesco klagend, Kiebitz.

«« Cerca di nuovo