Legenda Incurtzaduras | Legenda Sìmbulos

abbistèsa , nf Definitzione su èssere abbistos, capacidade de cumprèndhere Sinònimos e contràrios abbidida, abbiléncia, abbilesa, abbilidade, abbristéntzia, capacidade, spertesa | ctr. caduméntzia, iscabadesa Frases Deus at dau a s'ómine sa paràgula, s'abbistesa e sa libbertade ◊ oe s'abbistesa chi ponent in s'imbéniu ti lassat semper prus meravillau ◊ cussa pitzoca tenet cada bene e cada abbistesa ◊ chin tota s'abbistesa tua, su tempus trampat a tie! ◊ tue ses malignu, no abbistu, ca malignidade no est abbistesa! Ètimu srd. Tradutziones Frantzesu adresse Ingresu astuteness Ispagnolu agudeza Italianu accortézza, perspicàcia Tedescu Umsicht.

indirígiu, indiríssiu, indiríssu , nm: (in-di-rí-giu) indiritzu Definitzione indítziu precisu, prus che àteru de ue unu istat o si agatat / i. grogu = sa maladia de chie est istriau, candho su fele si ndhe andat in su sàmbene e unu essit totu grogo Frases portat unu cuadernu in is manus po assentai nòmini e indiritzu de genti interessada a comporai ◊ at bófiu isciri númeru de telèfonu e peri s'indiritzu Tradutziones Frantzesu adresse Ingresu address Ispagnolu dirección Italianu indirizzo Tedescu Adresse.

isbrígu , nm: isvirgu Definitzione capacidade, abbilesa de fàere cosa bene e impresse Sinònimos e contràrios disgàgiu, lestesa, spertesa Frases sos Sardos ant isvirgu fatendhe casu ◊ pintant chin isvirgu e incuru Tradutziones Frantzesu hâte, adresse Ingresu urgency, skill Ispagnolu destreza Italianu premura, destrézza Tedescu Zuvorkommenheit, Gewandheit.

spertèsa , nf: spretesa Definitzione su èssere spertu, ischidau, abbistu, s'abbilidade de cumprèndhere luego Sinònimos e contràrios abbidida, abbiléncia, abbilesa, abbistesa, capacidade / disgàgiu, isbrigu, lestesa / cdh. spiltesa Ètimu srd. Tradutziones Frantzesu adresse, sagacité Ingresu astuteness Ispagnolu agudeza, sagacidad Italianu accortézza, sagàcia Tedescu Klugheit, Scharfsinn.

subramànu , nm Definitzione indiritzu de chie est mandhandho sa lítera iscritu fora in sa busta (apalas, de àteru betu) Tradutziones Frantzesu adresse Ingresu inscription Ispagnolu sobrescrito, dirección Italianu soprascritta, mittènte Tedescu Anschrift.

«« Torra a chircare