Legenda Incurtzaduras | Legenda Sìmbulos

cosarèdha , nf Definitzione min. de cosa, cosa de pagu contu Sinònimos e contràrios cosichedha, fiolera, innennériu Frases at chircadu de assentare s'istàntzia remonzendhe tantas cosaredhas Tradutziones Frantzesu bagatelle Ingresu trifle Ispagnolu bagatela Italianu bazzécola, cosùccia Tedescu Kleinigkeit.

cultzería , nf Definitzione su èssere curtzu, ma nau in su sensu de unu fàere chi giaet tropu pesu a cosighedhas de pagu contu Frases custas sunt cultzerias, a mazare cudha criadura pro duas figos! Tradutziones Frantzesu bagatelle Ingresu pettiness Ispagnolu dar importancia a algo que no la tiene Italianu piccinerìa Tedescu Kleinigkeit.

fiolèra , nf: friolera, violera Definitzione cosighedha de pagu contu, de perunu importu, idea istrambeca, fatura pagu giusta / in sas fioleras = in gioventude (candho sa conca est pigada de sa divertera) Sinònimos e contràrios biolera, bugeria, fiolesa, frascheria, gnagneria, minudàntzia / cdh. fiulera Frases ti fato passare sas frioleras! 2. a betzos puru podimus cantare carchi cosa che candho fimus in sas fioleras 3. che aiat coladu tempus meda chena peruna fiolera e chena bi àere unu mortu istenegadu Ètimu ctl., spn. friolera Tradutziones Frantzesu bagatelle, futilité Ingresu trifle Ispagnolu frivolidad, bagatela Italianu frivolézza, bagattèlla Tedescu Geringfügigkeit, Nichtigkeit, Bagatelle, Kleinigkeit, Lappalie.

ghighína , nf Definitzione coa o fundhurúgiu de argiola, s’úrtimu laore chi si ndhe arregollet, brutu meda; cosighedha de pagu contu Sinònimos e contràrios alzenina, genina, ghinina, musina, purgadura Frases eo mi conto su granu maduru, a bois bos lasso sa ghighina! ◊ dae totu sos terrinos chi tenet b'intrat una ghighina a dommo sua ◊ a una pudhichina no li mancat ghighina ◊ in manos suas s'ànima de su cristianu est minore minore, si fachet cant'e unu granu de ghighina Tradutziones Frantzesu émondage, bagatelle Ingresu weeds, trifle Ispagnolu granza, quisquilla Italianu mondatura, quisquìlia Tedescu Schale, Abfälle (Pl.), Klenigkeit, Quisquilien (Pl.).

gnagnería, gnegnería , nf: ignagnaria, nennaria* Definitzione cositedha de perunu contu, de nudha Sinònimos e contràrios chedhéculu, cridhichiu, fiolera, innennériu, minudàntzia, pachitate, repisu / ttrs. gnugnaria Frases già mi faghet a ríere pro cosas de gnagneria! ◊ arrogantat totu sena frenu e puntígliat pro dogni gnagneria ◊ s'ispilint e si pistant, pro dogni gnegneria un'arrennegu! Tradutziones Frantzesu bagatelle Ingresu trifle Ispagnolu fruslería Italianu inèzia, quisquìlia Tedescu Kleinigkeit.

ignagnaría, ignignoría , nf: gnagneria, innannaria, innenneria, inninneria Definitzione cosighedha de pagu contu, de perunu importu: in cobertantza, fintzes cosa meda, manna Sinònimos e contràrios fiolera, bugeria, innennériu, mennisia, minudàntzia, nennaria*, pachitate, pititaria, repisu, tichitera Frases ma, si no poto fàghere poesia ne pintura pro te sa piús digna, atzeta custa umile ignagnaria (B.Truddaju)◊ tantu traballu, tantu capitale como nos rendhet una innenneria ◊ as fatu totu su viàgiu chin cust'ignignoria de pesu… da no ti l'as fata sa felta in s'ischina! 2. cugutu e fressadas fint coladas e a sucutu pro cussa ignignoria de abba… Tradutziones Frantzesu bagatelle Ingresu trifle Ispagnolu fruslería Italianu bagattèlla, inèzia Tedescu Kleinigkeit.

imbaràtzu , nm: imbarratzu, irbarratzu, immaratzu Definitzione trastu béciu, cosa chi si tenet a istrobbu, pigandho logu, cosa de fuliare: si narat fintzes de cosas de papare pagu de giudu, cosa chi passat sa gana chentza giare sustàntzia Sinònimos e contràrios baldulete, bascaràmene, carramacina, istivuzu Frases at passadu parte de sa vida in mesu de sos imbaratzos ◊ ses solu rafiendhe in sa terra, istratzendhe imbarratzu ◊ no ti dao immaratzu cun is mutetos mios ◊ lu reduint che bículu de istratzu de che frundhire in mesu de s'imbarratzu 2. lea unu mossu de pane e casu, chi cussos imbarratzos no ti faghent nudha! Ètimu itl. imbarazzo Tradutziones Frantzesu bagatelle Ingresu bulk Ispagnolu trasto Italianu qlsc. di ingombrante Tedescu Sperrgut.

mennisía , nf: minnisia Definitzione css. erba de bogare a fora in is laores semenaos; fintzes cosighedha de pagu contu, de perunu importu Sinònimos e contràrios ignagnaria 2. pro bos bocare minnisia bos bortaes a sas provistas Ètimu itl. amnesia Tradutziones Frantzesu zizanie, bagatelle Ingresu bagatelle, darnel Ispagnolu cizaña, bagatela Italianu zizzània, bagattèlla Tedescu Unkraut, Taumellolch, Bagatelle, Kleinigkeit, Lappalie, Quisquilien (Pl.).

minudàntzia , nf: minutàntzia, minutàssia, minuzànsia, minuzàntzia Definitzione cosighedha minuda, pitica, trastighedhos (fintzes a bèndhere), chistiones de pagu contu, de pagu importu Sinònimos e contràrios fiolera, gnagneria, minudàglia, minudàmine, minudéntzia, minutzúmine Frases in custa minutàntzia non bi at nudha de briare! Ètimu srd. Tradutziones Frantzesu pacotille, bagatelle, futilité Ingresu bits and pieces, detail Ispagnolu menudencia, nimiedad Italianu minutàglia, quisquília Tedescu Kram, Krimskrams, Kleinigkeit, Quisquilien (Pl.).

violèra , nf: fiolera* Definitzione cosighedha de pagu contu, de perunu importu, idea istrambeca, fatura o fata pagu giusta, disonesta (mescamente in chistiones de onore) Sinònimos e contràrios biolera, bugeria, fiolu, frascheria, pecadu Frases béndhidu ti as su campu fioridu pro ti leare vanas violeras (M.Murenu)◊ ti faghes padronu in prepoténtzia e faghes, tzegu, milli violeras (P.Casu)◊ cussos sunt malàidos malos a sanare chi si betant a milli violeras! ◊ cussu pitzocu est prenu de violeras in conca: immoi anca est totu imbideau de si comporai una motozicreta! Tradutziones Frantzesu bagatelle, futilité Ingresu trinket Ispagnolu friolera Italianu bazzécola, frivolézza Tedescu Lappalie, Nichtigkeit.

«« Torra a chircare