Legenda Incurtzaduras | Legenda Sìmbulos

arrevenícu , nm Definitzione cosighedha de pagu contu [Spano, Proverbi 288: ventagli] Sinònimos e contràrios bóciga, gnagneria, pimpirimpau Frases no teneus dinai po pani e comporaus arrevenicus! Tradutziones Frantzesu rien Ingresu trifle Ispagnolu nonada Italianu nonnulla Tedescu Kleinigkeit.

cosarèdha , nf Definitzione min. de cosa, cosa de pagu contu Sinònimos e contràrios cosichedha, fiolera, innennériu Frases at chircadu de assentare s'istàntzia remonzendhe tantas cosaredhas Tradutziones Frantzesu bagatelle Ingresu trifle Ispagnolu bagatela Italianu bazzécola, cosùccia Tedescu Kleinigkeit.

cultzería , nf Definitzione su èssere curtzu, ma nau in su sensu de unu fàere chi giaet tropu pesu a cosighedhas de pagu contu Frases custas sunt cultzerias, a mazare cudha criadura pro duas figos! Tradutziones Frantzesu bagatelle Ingresu pettiness Ispagnolu dar importancia a algo que no la tiene Italianu piccinerìa Tedescu Kleinigkeit.

fiolèra , nf: friolera, violera Definitzione cosighedha de pagu contu, de perunu importu, idea istrambeca, fatura pagu giusta / in sas fioleras = in gioventude (candho sa conca est pigada de sa divertera) Sinònimos e contràrios biolera, bugeria, fiolesa, frascheria, gnagneria, minudàntzia / cdh. fiulera Frases ti fato passare sas frioleras! 2. a betzos puru podimus cantare carchi cosa che candho fimus in sas fioleras 3. che aiat coladu tempus meda chena peruna fiolera e chena bi àere unu mortu istenegadu Ètimu ctl., spn. friolera Tradutziones Frantzesu bagatelle, futilité Ingresu trifle Ispagnolu frivolidad, bagatela Italianu frivolézza, bagattèlla Tedescu Geringfügigkeit, Nichtigkeit, Bagatelle, Kleinigkeit, Lappalie.

gnagnería, gnegnería , nf: ignagnaria, nennaria* Definitzione cositedha de perunu contu, de nudha Sinònimos e contràrios chedhéculu, cridhichiu, fiolera, innennériu, minudàntzia, pachitate, repisu / ttrs. gnugnaria Frases già mi faghet a ríere pro cosas de gnagneria! ◊ arrogantat totu sena frenu e puntígliat pro dogni gnagneria ◊ s'ispilint e si pistant, pro dogni gnegneria un'arrennegu! Tradutziones Frantzesu bagatelle Ingresu trifle Ispagnolu fruslería Italianu inèzia, quisquìlia Tedescu Kleinigkeit.

ignagnaría, ignignoría , nf: gnagneria, innannaria, innenneria, inninneria Definitzione cosighedha de pagu contu, de perunu importu: in cobertantza, fintzes cosa meda, manna Sinònimos e contràrios fiolera, bugeria, innennériu, mennisia, minudàntzia, nennaria*, pachitate, pititaria, repisu, tichitera Frases ma, si no poto fàghere poesia ne pintura pro te sa piús digna, atzeta custa umile ignagnaria (B.Truddaju)◊ tantu traballu, tantu capitale como nos rendhet una innenneria ◊ as fatu totu su viàgiu chin cust'ignignoria de pesu… da no ti l'as fata sa felta in s'ischina! 2. cugutu e fressadas fint coladas e a sucutu pro cussa ignignoria de abba… Tradutziones Frantzesu bagatelle Ingresu trifle Ispagnolu fruslería Italianu bagattèlla, inèzia Tedescu Kleinigkeit.

mennisía , nf: minnisia Definitzione css. erba de bogare a fora in is laores semenaos; fintzes cosighedha de pagu contu, de perunu importu Sinònimos e contràrios ignagnaria 2. pro bos bocare minnisia bos bortaes a sas provistas Ètimu itl. amnesia Tradutziones Frantzesu zizanie, bagatelle Ingresu bagatelle, darnel Ispagnolu cizaña, bagatela Italianu zizzània, bagattèlla Tedescu Unkraut, Taumellolch, Bagatelle, Kleinigkeit, Lappalie, Quisquilien (Pl.).

minudàntzia , nf: minutàntzia, minutàssia, minuzànsia, minuzàntzia Definitzione cosighedha minuda, pitica, trastighedhos (fintzes a bèndhere), chistiones de pagu contu, de pagu importu Sinònimos e contràrios fiolera, gnagneria, minudàglia, minudàmine, minudéntzia, minutzúmine Frases in custa minutàntzia non bi at nudha de briare! Ètimu srd. Tradutziones Frantzesu pacotille, bagatelle, futilité Ingresu bits and pieces, detail Ispagnolu menudencia, nimiedad Italianu minutàglia, quisquília Tedescu Kram, Krimskrams, Kleinigkeit, Quisquilien (Pl.).

nennaría , nf: gnagneria, nenneria, nigneria, ninneria Definitzione cositedha de pagu contu, de nudha, de no pònnere in contu / pèrderesi in nennarias = pònniri su tempus po cosas de perunu contu Sinònimos e contràrios fiolera, ignagnaria, nèncere, minudàntzia, pimpirimpalla Frases babbu e fizu no sunt pro nennarias! ◊ non ti perdas in nennarias! ◊ est una ninneria, ma funt gelosas de ammostai s'arti insoru Ètimu spn. Tradutziones Frantzesu vétille Ingresu meanness Ispagnolu niñería Italianu cosùccia, meschinità Tedescu Kleinigkeit.

níchili, níchiri , nm Definitzione moneda de nichel de binti centésimos, unu tempus, e como calesiògiat dinare in moneda de metallu, dinare de metallu in minudos; cosighedha de pagu contu o (in cobertantza) dinare meda; nau de ccn., chi est unu nemos, nudha, de pagu contu o carena làngia Sinònimos e contràrios búzera, gnagneria, nichedha, nicheledhu, nighelinu Frases gei dhu at a ai pagau unu níchili, cuss'anedhu de òru!…◊ su corpetu portàt duas filas de muneras acoment'e butonis de òru, ma su chi fut pòbiru portàt is níchilis ◊ dinari in níchiris no mi ndhe dias ca zuto sa busaca istampada! Sambenados e Provèrbios smb: Nicchiri, Nichiri Ètimu itl. nìchele Tradutziones Frantzesu vétille Ingresu trifle Ispagnolu nimiedad Italianu piccolézza, nonnulla Tedescu Nickelmünze (früher), Kleinigkeit.

pimpirimpàu , nm Definitzione una cosighedha de nudha, de perunu valore Sinònimos e contràrios arrevenicu, bóciga, nennaria Frases no balit unu pimpirimpau Tradutziones Frantzesu rien Ingresu trifle Ispagnolu noneria Italianu nonnulla Tedescu Kleinigkeit.

pitichèsa , nf Definitzione su èssere piticu; cosa pitica Sinònimos e contràrios gnagneria, minudesa, pitichénsia Ètimu srd. Tradutziones Frantzesu petitesse, exiguïté Ingresu littleness Ispagnolu pequeñez Italianu piccolézza Tedescu Kleinigkeit.

«« Torra a chircare