Ditzionàriu in línia
de sa limba e de sa cultura sarda

bullíta , nf Definitzione genia de púncia crutzitedha, a conca manna, po afortigare su fundhu de is iscarpas candho est de sola Sinònimos e contràrios aciolu, tàcia 1 / cdh. budhita Frases sas bullitas las ponet su catolaju a sos iscarpones ◊ ndhe perdes sas bullitas, su che passare tantu, si ses caltzadu a nou! Sambenados e Provèrbios smb: Bullita, Bullitta Ètimu itl. bolletta Tradutziones Frantzesu broquette, semence, béquet, caboche Ingresu nail Ispagnolu tachuela, bellote Italianu bullétta Tedescu Zwecke.

tàcia 1 , nf: tatza 1 Definitzione genia de púncia, prus che àteru curtza e a conca manna, larga; fintzes s'ispina de s'istrúmbulu Sinònimos e contràrios bullita, tacita Frases si prantas una tàcia in crésia ti arrestant ◊ prantai una tàcia in su muru 2. sa tàcia chi su strumbu portat in pítziri increscit cument'e unu spitzu di espi (I.Delussu) Ètimu ctl., spn. tatxa, tacha Tradutziones Frantzesu clou, caboche, punaise Ingresu point, drawing pin Ispagnolu tacha, tachuela, chinche Italianu chiòdo córto a tèsta grande, puntina Tedescu Zwecke.