Legenda Incurtzaduras | Legenda Sìmbulos

deldiciàdu, deldiciàtu , agt, nm: derditzau, diddiciau, dildiciadu, dirditzau, disdiciadu, disdiciau, disdisciadu, disditzau, trediciau Definitzione chi o chie at tentu o tenet mala fortuna, dannos mannos o chi dónnia cosa dhi andhat male; chi portat disdícia, isfortuna Sinònimos e contràrios disagurau, disdiciosu, irgianadu, istraliosu, mabassortau, malafadau, scedau / cdh. disdiciatu | ctr. afortunadu, diciosu Frases deldiciados, custa disaura est tochimentu contra a sos pecados! ◊ mai prus, a mei, disdiciada, cuntzédiu at a èssi s'ogu de custa luxi! (P.Rombi)◊ pro olvidare canta, disdiciadu! ◊ disdiciadu, su chi mi est rutu ite raju niedhu! (P.Mossa)◊ a dolu mannu, so derditzau! ◊ a sa deldiciata che li cheriant segare sa conca 2. tonca e istria sunt puzones disdiciados de sa note Sambenados e Provèrbios prb: no faltat pena a chie est disdiciadu Ètimu spn. Tradutziones Frantzesu malheureux, malchanceux Ingresu unfortunate Ispagnolu desdichado Italianu disgraziato, sfortunato Tedescu unglücklich, Unglücksmensch.

difortunàdu , agt, nm: disfortunadu, disfurtunau Definitzione chi no at tentu o no tenet fortuna Sinònimos e contràrios deldiciadu, disagurau, irgianadu, istraliosu, mabassortau, malafadau, malafortunau, scedau | ctr. afoltunadu, diciosu Frases ite difortunata a mòrrere chene cròmpere s'annu!◊ piciocu trabballanti, arrispetosu, ma pagu sortosu, unu paghedhu disfortunau cun is piciocas! 2. fiat totu afrigia e iat nau ca fiat sa disfortunada de bidha Tradutziones Frantzesu malheureux Ingresu unlucky Ispagnolu desdichado, desafortunado Italianu sfortunato Tedescu unglücklich, unglücklicher Mensch.

digrassiàu , agt, nm: digratziau, dilgrasciadu, dirgrassiadu, disgrassiadu, disgrassiatu, disgratziau Definitzione chi o chie at tentu o tenet mala fortuna, dannos mannos o chi dhi andhant male is cosas; foedhu chi si narat cun tzacu a ccn. chi at fatu male, o fintzes a unu de pagu abbilidade Sinònimos e contràrios deldiciadu, mabassortau, malafadau, malafortunau / farabbutu | ctr. afoltunadu Frases sa zente no si frimmat mancu unu momentu pro dare cara a custos dilgrasciados! 2. pistau e niedhu chi dh'agatent, brutu digratziau! ◊ ma ite ses faenno, brutu digratziau?! 3. ma ses dirgrassiadu, mih: bi est su fogu fatu e tue morindhe de su fritu! Ètimu srd. Tradutziones Frantzesu malheureux Ingresu unlucky (man) Ispagnolu desgraciado Italianu disgraziato Tedescu unglücklich, Unglücksmensch, Gauner.

disaguràu , agt: disauradu Definitzione chi no tenet o no at tentu aura, fortuna, sorte, o chi at tentu disaura Sinònimos e contràrios deldiciadu, difortunadu, malafortunau, sciortunau | ctr. afortunadu, diciosu Frases sos disaguraos fachent pedinzos pro cada bisonzu ◊ a cussos disaguraos chentza famíllia no los chircat nemmos! Ètimu srd. Tradutziones Frantzesu malheureux, malchanceux Ingresu wretched Ispagnolu desdichado Italianu sventurato Tedescu unglücklich.

disaltràdu , agt Definitzione chi at tentu disastru, dannu mannu, chi est totu malacónciu Sinònimos e contràrios arruinadu, destrossau Tradutziones Frantzesu malheureux, qui est dans l'adversité Ingresu devastated Ispagnolu damnificado Italianu disastrato Tedescu verwüstet, heimgesucht.

irgianàdu , agt: isgianadu Definitzione chi no tenet giana, no tenet fortuna, sorte Sinònimos e contràrios deldiciadu, difortunadu, digrassiau, mabassortau, malafadau | ctr. afoltunadu, diciosu Frases ohi, comare, chena babbu e ne mama, deunudotu irgianada! Ètimu srd. Tradutziones Frantzesu malheureux Ingresu unhappy Ispagnolu desdichado Italianu infelice, sventurato Tedescu unglücklich.

mabassortàu , agt, nm: malassortadu, malassortau Definitzione chi o chie no at tentu o no tenet sorte, chi at tentu dannu mannu, males unu aifatu de s'àteru Sinònimos e contràrios digrassiau, irfortunadu, isfatatu, istraliosu, malafadau, scedau, sciortunau / cdh. malassultatu | ctr. afoltunadu, assortadu, diciosu, fadosu Frases est un'iscancamentu de coro solu a pessare chi custa cristiana malassortada morzat goi minore! Ètimu srd. Tradutziones Frantzesu malchanceux, malheureux Ingresu unlucky (person) Ispagnolu desafortunado, desgraciado Italianu sfortunato Tedescu unglücklich, unglücklicher Mensch.

malafadàu , agt, nm: malafatatu, malavadadu, malavadau, malebadau, malefadau, malevadadu, malevadau, malivadau Definitzione chi o chie tenet fadu malu, sorte mala: si narat fintzes lastimandho Sinònimos e contràrios deldiciadu, irgianadu, istraliosu, mabassortau, malafortunau, malaventuradu, maleadadu / scedau | ctr. afoltunadu, assortadu Frases su malevadadu aiat tota sa carena uscrada ◊ daghi su malevadadu poteit piulare, nesit: "Non ndhe poto piús!" ◊ tengat passiéntzia, su malivadau! ◊ malefadada che criadura imparaditza, si nch'est pódida pesare dae letu chin s'azudu de Màriu ◊ su malevadadu chi si garrigaiat s'abbaunzu passaiat de cobertore, corrudu e giutu a befe ◊ tue malebadau in su fochile e issa corcandhe in letu! 2. malevadados, za bi lis at assutu su coro a che lis furare cudha criadura sos bandhidos! Ètimu srd. Tradutziones Frantzesu malheureux, malchanceux Ingresu unfortunate (person) Ispagnolu desafortunado Italianu sventurato Tedescu unglücklich, Unglückliche.

malafortunàu , agt, nm: malafurtunau Definitzione chi o chie no at tentu o no tenet sorte, fortuna, o chi tenet mala fortuna, chi est de unu male a s'àteru Sinònimos e contràrios deldiciadu, difortunadu, disagurau, irgianadu, mabassortau, malafadau | ctr. afortunadu, diciosu Ètimu srd. Tradutziones Frantzesu malchanceux, malheureux Ingresu unlucky (person) Ispagnolu desafortunado Italianu sfortunato Tedescu unglücklich, Unglückliche.

«« Torra a chircare