Ditzionàriu in línia
de sa limba e de sa cultura sarda

istrisíntzu , nm: istrisinzu Definitzione persona de nudha, de pagu contu; bisóngiu, miséria Sinònimos e contràrios arrenulliosu, burribburri / bisognu 2. inumbe est povertate at istrisintzu Ètimu srd. Tradutziones Frantzesu personne insignifiante Ingresu insignificant person Ispagnolu persona insignificante Italianu persóna insignificante Tedescu unbedeutender Mensch.

nèmmos , prn: nemos, nemus Definitzione peruna persona, genia de prn. in parte de css. númene de persona, pentzandho is personas però coment'e manc’una, farta de totus, foras totugantas (a bortas si narat coment'e nm.)/ Mussi Nemmos = unu chi est acoment'e nisciunus, fatu e lassau Sinònimos e contràrios nensunu, nesciune, neune | ctr. totugantos, totus Frases cue nemos ofendhet a nemos ◊ creia ca no nc'iat nemus! ◊ no bi at nemos in domo ◊ candho andho a letu porto sos pes fritos e no dhue agato a nemos po mi dhos callentare! ◊ fut amigu cun totus e nemus teniat segretus cun issu 2. candho fipo minore dego, su sindacau fit in colore de cane fughindhe: bi fit, ma comente a tziu Nemmos ◊ cussu est unu nemmos! Ètimu ltn. nemo Tradutziones Frantzesu aucun, personne Ingresu nobody Ispagnolu nadie Italianu nessuno Tedescu niemand.

nensúnu , prn, agt: nesciunu, nessunu, nisciunu, nisciunus Definitzione peruna o manc'una persona (ma si narat fintzes coment'e agt.: mancu unu, nudha) Sinònimos e contràrios nemmos, nesciune, neune / mancunu, perunu Frases passat ingui po no dhu biri nisciunus ◊ custu no teniat a nensunu, ma teniat su dinare ◊ babbu tuo no est brigantinu e no picat picardias chin nesciunu ◊ in domo mia no retzo a nisciunu 2. no dhue fiat in nessunu logu ◊ no dhui at postu nisciunu sinnali Sambenados e Provèrbios prb: nessunu niat "De cust'abba non bio"! Ètimu itl. nessuno Tradutziones Frantzesu aucun, personne Ingresu nobody Ispagnolu nadie Italianu alcuno Tedescu niemand.

nesciúne , prn: nisciune, nessune Definitzione peruna persona Sinònimos e contràrios nemmos, nensunu*, neune Frases in cussa bidha no b'istat piús nesciune ◊ at nadu chi no at bidu a nesciune ◊ de su passadu nos ndhe asseguramus, de su venidore no l'ischit nisciune Tradutziones Frantzesu aucun, personne Ingresu no one Ispagnolu nadie Italianu nessuno Tedescu niemand.

neúne, neúnu , prn: niune, niunu Definitzione prn. impreau sèmpere po inditare gente: mancu una persona, peruna persona Sinònimos e contràrios nemmos, nensunu, nesciune | ctr. totus Frases iscuru a chie est solu, proite si ruet no at a niune ◊ niune naschet in s'arte imparadu ◊ sa bentre non la bidet niunu ◊ in caminu no bojemus a neune finas a bidha Sambenados e Provèrbios prb: niune nerzat biadu fintzas chi siat interradu Tradutziones Frantzesu aucun, personne Ingresu nobody Ispagnolu nadie Italianu nessuno Tedescu niemand.

pelsòne , nf, nm: persona, persone, personi, pertzoni, pessona, pessone, pessoni, prassoni, pressona, pressoni Definitzione su cristianu, ómine o fémina, cunsiderau po totugantu su chi est de carena e de cumportamentos, su chi paret e fintzes su chi est chentza chi si pàrgiat coment'e ideas, cultura, capacidades, importu e àteru Sinònimos e contràrios carena / cdh. passona Maneras de nàrrere csn: pessone bona = onesta, triballante, contivizosa, acabada, de calidades bonas; pessone mala = metzana, dada a su malu fàghere Frases medas otavas, modas e frores bivint solu in sa mente de is personas antzianas ◊ coment'e persone cumpariat pagu: fit bàsciu e gobbosu ◊ at pentzau ca fiat una pressoni chi contat meda ◊ si bident sos persones aferrèndhesi ◊ sa limba est una, e própiu no sa peus, capatzidade naturale de sa pessone e de totu sa zente ◊ no bi votat niunu in sa pelsone mia: ndhe fato su chi chelzo! ◊ bio chi est persona itelligente e de bonu sensu Sambenados e Provèrbios prb: sa personi intelligenti no si abantat mai Ètimu itl. persone Tradutziones Frantzesu personne Ingresu person Ispagnolu persona Italianu persóna Tedescu Person.

perúnu , agt Definitzione mancu unu, nudha Sinònimos e contràrios mancunu, nensunu, panú, verunu Frases is féminas chi faiant custas meighinas no pediant paga peruna ◊ ti apu nau ca po mei est oguali, no dhui at peruna diferénsia ◊ àbbiles perunas li segrestant su fídigu in su petus ◊ s’isterrimenta de unu frore su prus de is bortas non tenet perunu acàpiu de sensu cun sa torrada ◊ creia de no fai perunu mali fuedhendi a sa continentali! Ètimu itl. veruno Tradutziones Frantzesu aucun, personne Ingresu some, any Ispagnolu ninguno, alguno Italianu alcuno, veruno Tedescu kein.

turrionàju , nm: turronàgiu, turronaju, turronàrgiu, turronarju, turrunaju Definitzione chie faet o bendhet turrone Frases est in donzi festa paret turronaju! ◊ sunt connotos sos turrionajos tonaresos Terminologia iscientìfica prf Ètimu srd. Tradutziones Frantzesu personne qui fait du nougat Ingresu torrone maker Ispagnolu turronero Italianu fabbricante di torróni Tedescu Nougathersteller.