abbacàda , nf Definitzione su abbacare Sinònimos e contràrios abbrandhada, apasigada, arida, asseliada, asserenada | ctr. acradiada Frases at fatu s'abbacada, at dadu s'abbacada sa calura Ètimu srd. Tradutziones Frantzesu soulagement, ralentissement, atténuation Ingresu relief Ispagnolu alivio Italianu alleviaménto, rallentaménto Tedescu Erleichterung, Milderung.

allébiu , nm: alléviu, allíviu Definitzione su abbacare, abbrandhare o menguare pruschetotu de unu sufrimentu, de unu dolore, de una maladia Sinònimos e contràrios conciolu, disaggràviu, illébiu Frases dhi siat de allébiu su dhu nomenai e in su celu siat! ◊ no at allíviu e cunfortu in su dolore ◊ pro alléviu, su dutore li at inditadu de si pònnere unu papinu ◊ tue ses alléviu de zente tribbulada! ◊ ite allíviu su pesadolzu candho unu est istracu!… Ètimu srd. Tradutziones Frantzesu soulagement Ingresu consolation, comfort Ispagnolu alivio Italianu sollièvo, confòrto Tedescu Trost.

illébiu , nm: illépiu, illéviu, illíviu Definitzione menguamentu de unu pesu e pruschetotu de unu dolore o male Sinònimos e contràrios allébiu, alléniu, disaggràviu | ctr. aggravamentu Frases mancari su mare no la sanet li at a èssere un'illépiu pro sos dolores ◊ chircat de li nàrrere carchi cosa chi li servat de illíviu ◊ sa sorre picabat su pitzinnu a codhu pro dare illépiu a sa mama ◊ as a sufrire e no as a acatare illéviu! Ètimu srd. Tradutziones Frantzesu soulagement Ingresu relief Ispagnolu alivio Italianu sollièvo Tedescu Erleichterung.

próigu , nm Definitzione totu su chi est de bonu, de agiudu, chi faet bene, proe Sinònimos e contràrios giuamentu, probamentu, prode Frases si faghes custu già est a próigu e biadia tua ◊ de totu su chi faghet no ndhe tenet próigu perunu Ètimu srd. Tradutziones Frantzesu avantage, soulagement Ingresu relief Ispagnolu provecho, beneficio Italianu giovaménto, ristòro Tedescu Nutzen.

«« Torra a chircare