Legenda Incurtzaduras | Legenda Sìmbulos

búfida , nf, nm: búfita, búfiu Definitzione súlidu chi si bogat de buca unu pagu a moida, comente si faet sentindho ifadu Sinònimos e contràrios assúpidu, bufada 1, irbúfida, súrbidu 1, súrfiu Frases comente si est bidu iscapu, su sirbonedhu at iscutu búfidas de cuntentesa ◊ s'intenniat sa sughe a búfitas allatanne ◊ comenti mi apubànt, is procus betànt cos’e búfius e si nci fuiant Ètimu srd. Tradutziones Frantzesu soupir d'ennui, d'impatience, mouvement d'ennui, d'impatience Ingresu snort, puff Ispagnolu resoplido Italianu sbuffata, sbuffo Tedescu Schnauben.

irbúfida , nf Definitzione sulu, ària chi si bogat de buca unu pagu a moida, comente si faet sentindho ifadu, o fintzes surbada de bentu / èssere o istare a irbúfidas Sinònimos e contràrios assúpidu, búfida, ispísciu, supedhu Frases chin issa no bi at àpiu mai una ripitia o un'irbúfida in tantu tempus chi biviat in dommo issoro ◊ su ventu at comintzau a irbúfidas chi fachiant trèmere su portellu Ètimu srd. Tradutziones Frantzesu soupir d'ennui, d'impatience Ingresu snort Ispagnolu bufido Italianu sbuffata Tedescu Schnauben.

pióncu , nm: apioncu, piuncu 2, piúnculu Definitzione súlidu de chie est pranghendho a ccn., chèscia, lamentu Sinònimos e contràrios agémenu, ciúnchiu, ghémida, intzúnchidu, ispioncu, pibia, spisciuncu, túnchiu Frases no ascurtis is piuncus de cussa fémmina, ca funt frassus! (G.Mura) 2. su piúnculu chi s'intendhet est chi cane e batu sunt tropu diferentes, epuru!… (S.Biccai) Tradutziones Frantzesu soupir Ingresu sigh Ispagnolu suspiro Italianu sospiro Tedescu Seufzer.

súlida , nf Definitzione súlidu bogau unu pagu a forte, coment'e po dispraxere o pentzamentu, impudu o àteru / bogare o betare súlidas, èssere a súlidas Sinònimos e contràrios múschiu, píliu, pisintzu, tzíliu / ispíscidu, sútidu Frases su pisedhu est a súlidas, comente fit pranghindhe ◊ debberone súlida, at torradu, s'àinu, comente l'amus irbarriadu! ◊ oe no est in dare: no li essit súlida! ◊ za ndhe tenes de ufas e afas: ite b'at, chi ses a súlidas?! Ètimu srd. Tradutziones Frantzesu halètement, souffle, soupir Ingresu pant, breath, sigh Ispagnolu jadeo, aliento, suspiro Italianu ànsimo, fiato, sospiro Tedescu Atembeschwerde, Atem, Seufzer.

suspréxu , nm Definitzione genia de súlidu longu po dispraxere o disígiu / ghetai unu susprexu Sinònimos e contràrios pioncu Frases mannu at a èssi su donu chi s'ànima su susprexu abetat (U.Cara)◊ lampat, tronat, e a is trumbutus arretronant is susprexus de unu coru segau ◊ cali prexu candu calincunu de bidha mi cumparit e cali susprexu candu si ndi andat! ◊ tremint is corus prenus de susprexu pensendu a is fillus malassortaus (D.Erriu) Ètimu srd. Tradutziones Frantzesu profond soupir Ingresu deep sigh Ispagnolu suspiro profundo Italianu sospiro profóndo Tedescu tiefer Seufzer.

«« Torra a chircare