Legenda Incurtzaduras | Legenda Sìmbulos

búfida , nf, nm: búfita, búfiu Definitzione súlidu chi si bogat de buca unu pagu a moida, comente si faet sentindho ifadu Sinònimos e contràrios assúpidu, bufada 1, irbúfida, súrbidu 1, súrfiu Frases comente si est bidu iscapu, su sirbonedhu at iscutu búfidas de cuntentesa ◊ s'intenniat sa sughe a búfitas allatanne ◊ comenti mi apubànt, is procus betànt cos’e búfius e si nci fuiant Ètimu srd. Tradutziones Frantzesu soupir d'ennui, d'impatience, mouvement d'ennui, d'impatience Ingresu snort, puff Ispagnolu resoplido Italianu sbuffata, sbuffo Tedescu Schnauben.

irbúfida , nf Definitzione sulu, ària chi si bogat de buca unu pagu a moida, comente si faet sentindho ifadu, o fintzes surbada de bentu / èssere o istare a irbúfidas Sinònimos e contràrios assúpidu, búfida, ispísciu, supedhu Frases chin issa no bi at àpiu mai una ripitia o un'irbúfida in tantu tempus chi biviat in dommo issoro ◊ su ventu at comintzau a irbúfidas chi fachiant trèmere su portellu Ètimu srd. Tradutziones Frantzesu soupir d'ennui, d'impatience Ingresu snort Ispagnolu bufido Italianu sbuffata Tedescu Schnauben.

sulàda , nf Definitzione su sulare; fintzes genia de súrbiu chi faent unos cantu animales coment'e arrennegaos o timendho Sinònimos e contràrios isufulada, sulvilada Frases sa pampa a dógnia sulada de bentu tzacat e cincidhat ◊ a s'anzone mortu li at dadu duas o tres suladas pro l'iscolzare menzus 2. in sos beranos, candho bigiaiant sas bachitas, sas bórridas poniant sa paura a colpos de ramuzu e a suladas Ètimu srd. Tradutziones Frantzesu souffle, ébrouement Ingresu puff, snort Ispagnolu soplo, bufido Italianu sóffio, sbuffata Tedescu Blasen, Schnauben.

sulvilàda , nf: surbilada Definitzione sa sulada chi faent is boes candho si fúrriant a is canes; in cobertantza, genia de nada o arresposta mala, de malu crabbu Sinònimos e contràrios istupaciara, isufulada, isulvilada, sulada, súlida 2. fit pompiàndhesi sas surbiladas de fumu biancu chi fachiat su trenu ◊ est a sulviladas: mi no t'iscudat puru, mih! Ètimu srd. Tradutziones Frantzesu ébrouement Ingresu snort Ispagnolu resoplido Italianu sbuffata Tedescu Schnauben.

supédhidu, supédhu , nm: assupedhu Definitzione respiru a cropu, mancamentu de s'àlidu chi faet a chie pranghet a meda; assúpidu, respiru a pelea Sinònimos e contràrios acoramentu, atzuconamentu, singurtu, sucúturu, surpúliu, tzuconi, tzúcuri / afandha, assúpidu, bémida, irbúfida Maneras de nàrrere csn: s. assutu = chentza làgrimas; s'últimu supédhidu = s'úrtima torrada de àlidu chi faghet unu morindhe Frases apustis de pac'ora est ghirada pranghendhe a supedhu pro sa sorre ◊ sessae sos supedhos, chi no est ora de prànghere! ◊ che so curtu isalenau e pranghendhe a supedhu 2. sas bajanas giughiant su coro a supedhos daghi intendhiant sos bajanos cantendhe in su giannile ◊ est proghendhe a supedhu e no b'at ànima in ziru Ètimu srd. Tradutziones Frantzesu sanglot Ingresu sob, snort Ispagnolu sollozo, bufido Italianu singulto, sbuffo Tedescu Schluchzer, Schnauben.

surbúschiu , nm Definitzione su surbuschiare Sinònimos e contràrios arràmiu, giarràspidu, irbórchidu Frases pipajolos de guàrdias a un'ala e surbúschios de sirbones a s'àtera ◊ a múlios, a surbúschios, a tzàrridos, a órrios, a mílios, a apedhos, a pílios curriant sas béstias a sos frúschios (A.G.Solinas)◊ labadidhu abbrungiuladu, a surbúschios no bogat foedhu! Ètimu srd. Tradutziones Frantzesu soufflement Ingresu snort Ispagnolu el bufar Italianu stronfiaménto Tedescu Schnauben, Murren.

«« Torra a chircare