Ditzionàriu in línia
de sa limba e de sa cultura sarda

apedhàda , nf Definitzione su apedhare Sinònimos e contràrios apedhamentu, saulada Frases una cane runzosa totu infelonida mi faghet s'apedhada… Ètimu srd. Tradutziones Frantzesu aboiement Ingresu barking Ispagnolu ladrido Italianu abbaiata Tedescu Gebell.

atóchida , nf Definitzione genia de apédhidu de su cane Sinònimos e contràrios atocu Frases su cane at dadu un'atóchida, comente at intesu su silvone ◊ si cumprendhet si su cane at intesu tzocu de zente o de àteru, ca faghet atóchida divèscia Terminologia iscientìfica bga Ètimu srd. Tradutziones Frantzesu aboiement Ingresu barking Ispagnolu ladra, ladrido Italianu abbaìo, canizza Tedescu Bellen.

atócu , nm Definitzione su apedhare de is canes; su chi si narat a boghes, a unu, po dhu fàere mòvere a calecuna cosa / dare o betare s'a. a unu = abboghinare, brigare a unu, betare una boghe donzi tantu Sinònimos e contràrios apédhida, apedhu, atóchida, bàulu, tzàulu / aciocu Frases sos canes chi bidiant a Predu no li betaiant su mínimu atocu ◊ catziendhe, comintzat sa tempesta de canes e canalzos, atocos e isparos ◊ ístabbi fitivu tzochendhe, in gialdinu, e de tantu in tantu dae s'atocu a sos puzones! Ètimu srd. Tradutziones Frantzesu aboiement Ingresu barking Ispagnolu ladridos Italianu abbaìo, canizza Tedescu Bellen.

baulaméntu , nm Definitzione su apedhare sighiu de su cane Sinònimos e contràrios bauladura, tzaulonzu Ètimu srd. Tradutziones Frantzesu aboiement Ingresu barking Ispagnolu ladra Italianu abbaiaménto Tedescu Bellen, Gebell.

bàulu , nm: abbàulu Definitzione sa boghe de su cane Sinònimos e contràrios apédhida, apédhigu, apedhu, atocu, tzàulu Terminologia iscientìfica bga Ètimu srd. Tradutziones Frantzesu aboiement Ingresu barking Ispagnolu ladrido Italianu abbàio, latrato Tedescu Bellen, Gekläff.

iscorgioladúra , nf: iscorzoladura, iscroxobadura, scraxoladura Definitzione su iscorgiolare (si podet nàrrere fintzes de sa carre); su corgiolu puru chi si ndhe segat de calecuna cosa Sinònimos e contràrios frasca, iscorzadura, iscorzolamentu, iscrabiada, iscrotzadura, scocioladura / ttrs. iscugiuradura Frases sa partida a bòcia acabbàt sempri cun iscroxobaduras e segadas a iscanciofadura! 2. custa est iscorzoladura de patata Ètimu srd. Tradutziones Frantzesu écorçage, décortication, scarification Ingresu barking, scarification Ispagnolu descortezamiento, descascarar, escarificación Italianu scorzatura, scortecciatura, scarificazióne Tedescu Abrindung, Entrindung, Schröpfung.

iscorzadúra , nf Definitzione su iscorgiare Sinònimos e contràrios iscorgioladura, iscorzamentu, ispedhadura Ètimu srd. Tradutziones Frantzesu écorchement Ingresu graze, barking Ispagnolu desolladura, despellejadura Italianu scorticatura Tedescu Schinden.

zànita , nf, nm: giànnida*, zànitu Definitzione genia de apédhidu chi faent is canes candho funt cracandho o currendho un'animale, sa fera Sinònimos e contràrios agiannitu, gànnida, tzànnida Tradutziones Frantzesu cri du chien qui halène Ingresu barking Ispagnolu ladra Italianu scagnìo Tedescu Gebell.