Ditzionàriu in línia
de sa limba e de sa cultura sarda

aciaulài , vrb: atzabai, atzaulai, atzulai, ciaulai, saulai, tzabai Definitzione apedhare, comente faent is canes; nau in cobertantza, istare naendho, abboghinandho, a murrúngiu cun ccn. Sinònimos e contràrios alloroscare, apedhae, atocare, baulai, imbauai, inciauai Frases ant atzabau is canis candu nci seus essius ◊ cani chi aciàulat no móssiat ◊ su cani nostu atzabat a is istràngius ◊ candu s'est presentau cudh'istràngiu is canis no ant atzulau comenti atzulànt a is àterus Ètimu srd. Tradutziones Frantzesu aboyer Ingresu to bark Ispagnolu ladrar, aullar Italianu abbaiare Tedescu bellen.

alloroscàre , vrb Definitzione apedhare meda, aira, cun arrennegu; abboghinare, pigare a boghes cun arrennegu, èssere arrennegau Sinònimos e contràrios achibberare, inchibberare, inchimerai, picai 3 / allororoscare, apedhae, atocare, aciaulai, baulai, imbauai, inciauai Ètimu srd. Tradutziones Frantzesu aboyer rageusement, piquer Ingresu to bark furiously, to offend Ispagnolu ladrar con rabia, estar mosqueado Italianu abbaiare rabbiosaménte, impermalire Tedescu wütend bellen, aufreizen.

apèdha , nf, nm: apedhu Definitzione sa boghe comente dha faet su cane / min. apedhutzu Sinònimos e contràrios apedhaja, apedhamentu, apédhigu, atóchida, bàulu, tzàulu Frases dae sa tanca si pesat atzudu s'apedhu de sos catedhos ◊ a múlios, a surbúschios, a tzàrridos, a órrios, a mílios, a apedhos, a pílios curriant sas béstias a sos frúschios (A.G. Solinas)◊ s'intendhet s'apedhu de sos canes Sambenados e Provèrbios smb: Apeddu, Appeddu Terminologia iscientìfica bga Ètimu srd. Tradutziones Frantzesu aboiement Ingresu bark Ispagnolu ladrido Italianu abbàio Tedescu Bellen.

apedhàe, apedhài , vrb: apedhare, apedhiai 1 Definitzione su tzerriare chi faent is canes candho intendhent ccn. cosa; nau in cobertantza, abbarrare aifatu de ccn. narandhodhi cosa Sinònimos e contràrios alloroscare, atocare, aciaulai, baulai, imbauai, inciauai Frases sos canes fint apedhandhe a s'ebba ◊ cussos canes istant tota note apedhendhe ◊ comente at intesu ischimuzu, sa cane at apedhadu ◊ vi at abberu ómines chi sos canes no bi los apedhant ◊ apo inténdhiu is canes apedhando 2. si no li apedhas, cussu no ti ndhe faghet de nudha! Ètimu ltn. appellare Tradutziones Frantzesu aboyer Ingresu to bark Ispagnolu ladrar Italianu abbaiare Tedescu bellen.

atóchida , nf Definitzione genia de apédhidu de su cane Sinònimos e contràrios atocu Frases su cane at dadu un'atóchida, comente at intesu su silvone ◊ si cumprendhet si su cane at intesu tzocu de zente o de àteru, ca faghet atóchida divèscia Terminologia iscientìfica bga Ètimu srd. Tradutziones Frantzesu aboiement Ingresu barking Ispagnolu ladra, ladrido Italianu abbaìo, canizza Tedescu Bellen.

atócu , nm Definitzione su apedhare de is canes; su chi si narat a boghes, a unu, po dhu fàere mòvere a calecuna cosa / dare o betare s'a. a unu = abboghinare, brigare a unu, betare una boghe donzi tantu Sinònimos e contràrios apédhida, apedhu, atóchida, bàulu, tzàulu / aciocu Frases sos canes chi bidiant a Predu no li betaiant su mínimu atocu ◊ catziendhe, comintzat sa tempesta de canes e canalzos, atocos e isparos ◊ ístabbi fitivu tzochendhe, in gialdinu, e de tantu in tantu dae s'atocu a sos puzones! Ètimu srd. Tradutziones Frantzesu aboiement Ingresu barking Ispagnolu ladridos Italianu abbaìo, canizza Tedescu Bellen.

baulaméntu , nm Definitzione su apedhare sighiu de su cane Sinònimos e contràrios bauladura, tzaulonzu Ètimu srd. Tradutziones Frantzesu aboiement Ingresu barking Ispagnolu ladra Italianu abbaiaménto Tedescu Bellen, Gebell.

inciauài, inciaulài , vrb: insaulai, intzaulai, issaulai, itzabai, itzaulai Definitzione su abboghinare de is canes, fintzes po dolore, iscrammentaos, iscutos Sinònimos e contràrios alloroscare, apedhae, atocare, aciaulai, baulai, imbauai Frases cani chi inciàuat no mússiat ◊ cussu est cani chi itzàulat ma no móssiat ◊ su piciochedhu atacat a intzaulai pariat unu cani de càstiu ◊ dhu pigant e dh'acollant a itzabai coment'e canis 2. su cani dh'ant iscutu e s'est fuiu intzaulendi Ètimu srd. Tradutziones Frantzesu aboyer Ingresu to bark Ispagnolu ladrar Italianu abbaiare Tedescu bellen.