Legenda Incurtzaduras | Legenda Sìmbulos

impuntzòne , nm Definitzione cosa chi si faet o chi si narat po mòvere s'àteru a fàere calecuna cosa fintzes de bonu ma mescamente de malu Sinònimos e contràrios atzitzamentu, impúncia, insúliu 1, insullamentu, intzídia Ètimu srd. Tradutziones Frantzesu incitation, encouragement Ingresu incitement Ispagnolu incitación Italianu incitaménto Tedescu Verleitung.

incídiu , nm: intzídiu, intzidu Definitzione su chi si faet o chi si narat faendho arrennegare e cricandho brigas o fintzes po mòvere a unu a fàere ccn. cosa Sinònimos e contràrios agghégiu, derre, intzírigu, inzenza, pretzipitu, provocu, tzítziu Maneras de nàrrere csn: donai s'i. a unu, parare incídiu = intzidiare a unu; i. pro pigare a cannitu = cosa chi faghet arretare, itl. afrodisìaco 2. aite as bogadu àteru intzidu, como chi fimus faghindhe custu? ◊ no li dias àteru intzidu puru, como, za li bastat su durche chi zughet in manu! ◊ dae intzidu e ispera pro no tzèdere a s'isporu! ◊ apu dépiu torrai a fai is domandas a babbu miu, ca de issu est partiu s'intzidu de sa chistioni Ètimu srd. Tradutziones Frantzesu incitation, provocation Ingresu incitement, challenge, defiance Ispagnolu estímulo, provocación Italianu incitaménto, stìmolo, provocazióne, sfida Tedescu Anregung, Herausforderung.

insullaméntu , nm: intzugliamentu Definitzione su insullai, su pònnere a unu contra a s'àteru Sinònimos e contràrios atórigu, aturigada, atzitzamentu, aunzu 1, impúncia, insúliu 1, intzídia, intzullu Frases is arrocas ndi portant s'arretumbu de insullamentus, agiannitus, iscupetadas ◊ sa batàglia fiat un'atropégliu de ispadas e bandheras, intzullamentus e ameletzus ◊ po intzullamentu cosa sua tenemu is parentis totus contras a mimi Ètimu srd. Tradutziones Frantzesu instigation Ingresu incitement Ispagnolu el engrescar, instigación Italianu aizzaménto Tedescu Hetze.

inzèrra , nf, nm: inzerru Definitzione cosa chi si faet o chi si narat faendho crepu a s’àteru, portandhodhu a puntu de fàere calecuna cosa po tzacu / fàghere s'inzerra inzerra = arrennega arrennega Sinònimos e contràrios gena, ifadamentu, ifadu, impéltinu, incresciu / agghégiu, incídiu, inzenza, tzítziu Ètimu srd. Tradutziones Frantzesu incitation, encouragement Ingresu incitement Ispagnolu instigación Italianu aizzaménto Tedescu Hetze.

ispuntogliàta , nf: ispuntorjada, ispuntorzada Definitzione incracada de istrúmbulu, de puntógliu; in cobertantza, cosa chi si narat po ispínghere is àteros a fàere ccn. cosa Sinònimos e contràrios issacada, puntorjada, strumbulada / aturigada, atzitzamentu, insúliu 1, insullamentu, intzídia, sotadura Frases est a palas abbassatas, domatu che boe vetzu dae s'iscórria e dae sas ispuntogliatas ◊ su mere lu leat a ispuntorzadas, a s'àinu ◊ un'ispuntorzada faghet achipire sos boitos pro che colare impresse 2. bi cheret s'ispuntorzada pro bos fagher fàghere sa faina! Ètimu srd. Tradutziones Frantzesu incitation, invitation Ingresu incitement Ispagnolu incitación Italianu incitaménto Tedescu Anregung.

sotadúra , nf Definitzione su sotai Sinònimos e contràrios aturigada, atzitzamentu, ispuntogliata Ètimu srd. Tradutziones Frantzesu incitation Ingresu incitement Ispagnolu incitación Italianu sollecitazióne Tedescu Verleitung.

tzuntzúllu , nm Sinònimos e contràrios atzitzamentu, insúliu 1, insullamentu, intzídia, tzuntzullada Ètimu srd. Tradutziones Frantzesu incitation Ingresu incitement Ispagnolu incitación Italianu aizzaménto Tedescu Aufhetzen.

«« Torra a chircare