Ditzionàriu in línia
de sa limba e de sa cultura sarda

bischidòre , nm Definitzione cosa guasta, agheda; botu bíschidu, cumportamentu de piciochedhos tropu ifadosos Sinònimos e contràrios acriore / bischidúmene, bischidura 2. za ndhe zughet de bischidore cussu pisedhu, no timas! Ètimu srd. Tradutziones Frantzesu affectation, afféterie, minauderie, manières Ingresu mawkishness Ispagnolu melindre, dengue Italianu leziosàggine, smancerìa Tedescu Geziertheit.

imbérriu , nm Definitzione totu su chi si faet o chi si narat a giogu e a frandhigu a su pipiu, mescamente candho est creschendho e podet cumenciare a cumprèndhere e a fàere a cabosu, sériu, de imprastu; totu su chi faet su piciochedhu a giogu a tropu, chentza cabu, coment’e cumportamentu prus de pipiu chi no de matucu, fintzes pranghendho po bòllere o no bòllere calecuna cosa a vítziu e pagu importu Sinònimos e contràrios annennériu, denga, dengheria, imbímbinu, imbràmbulu, ingrangúgliu, iscancériu, melindru, pacia / cdh. imbirriúmini, ttrs. imbirriumu Frases a fizos bostros no los tenzedas tropu in sos imbérrios ◊ no bi at chei su pane sut'a frísciu a bos fàghere s'imbérriu passare! (P.Mossa)◊ ses male imbideadu, ma sos imbérrios ti che los bogo deo! Ètimu srd. Tradutziones Frantzesu cajolerie, affectation Ingresu mawkishness, mincing ways Ispagnolu mimos, melindres Italianu vézzo, leziosàggine Tedescu Ziererei.

isamànchiu , nm Sinònimos e contràrios allódhiu, apónciu, iscancériu, iserménchiu, schinceria Ètimu srd. Tradutziones Frantzesu minauderie, affectation Ingresu mawkishness Ispagnolu melindrería, dengue Italianu smancerìa, leziosàggine Tedescu Ziererei, Affektiertheit.

melíndru , nm, nf: milindras, milindru, molindru Definitzione cosa chi si narat o chi si faet a losinga a tropu; genia de druche fatu fríssiu / pigari a ccn. a milindru = a losingas Sinònimos e contràrios denga, dengheria, imbímbinu, imbràmbulu, losinga, melindrenga, pacia, scancériu, spiscíngiu Frases est un'ispicone chi fatendhe milindru passizat suta bidha cun cilindru (Limbudu)◊ sos candhidados si sunt ischervedhados chirchendhe milindros pro sas votatziones (M.Fara)◊ a picioca de séighi annos arreciat is milindros de su tzeracu 2. canno mi so cojada deo, ti cres chi so istada cun totu custos molindros che a tie? Ètimu ctl., spn. melindro Tradutziones Frantzesu minauderie, manières Ingresu sentimentality, mawkishness Ispagnolu melindre Italianu svenevolézza, smancerìa Tedescu Getue.

scancériu , nm: iscancériu, schencériu, schincériu Definitzione tocamentu lébiu fatu cun sa manu a unu coment'e singiale de istima, po milindru Sinònimos e contràrios denga, dengheria, imbímbinu, imbràmbulu, isamànchiu, melindru, pacia, schinceria / carigna Frases dh'at donau sa manu cun grandu scancériu po dhu saludai ◊ sa mama dhi at fatu scancérius a su pipiu po dh'apaxiari ◊ dh'ant postu Sarbadori ma pesau cun su schencériu de Bobbòi Ètimu srd. Tradutziones Frantzesu minauderie Ingresu mawkishness Ispagnolu dengue, remilgo Italianu smancerìa, leziosàggine Tedescu Ziererei, Geziertheit.