Ditzionàriu in línia
de sa limba e de sa cultura sarda

alabài , vrb: alabare 1, alavare, allabai, labai 1 Definitzione nàrrere bene de unu, nàrrere cosas a bàntidu de ccn., o chi dhi faent onore Sinònimos e contràrios alabansare, abantai, laudai | ctr. innoriare Frases siat alabadu Gesugristu! ◊ is pastoris allabànt a Deus (Ev)◊ mama santa, ses digna de èssere alabada ◊ cun músicas e càntigos alabas a Deus ◊ su síndhigu ndhe siat alavadu pro su chi at fatu pro nois! Ètimu spn. alabar Tradutziones Frantzesu louer Ingresu to praise Ispagnolu alabar Italianu lodare Tedescu loben.

alabànsa , nf: alabantza, alabàntzia, allabantza Definitzione làude chi si giaet mescamente a Deus, a is santos; cunfidàntzia chi unu mannu giaet a su piticu Sinònimos e contràrios alabu, alavantzu, bantu, làude / ballansa | ctr. innóriu Frases depeus cumpraxi a sa Mamma de su Celu cun is allabantzas ◊ po s'amori chi tenis e chi donas, alabàntzia merescis e rispetu 2. li at dadu tropu alabantza Ètimu spn. Tradutziones Frantzesu louange, éloge Ingresu praise Ispagnolu alabanza Italianu lòde Tedescu Lob.

alàbu , nm: allabu Definitzione cosas de bonu chi si narant de unu coment'e bantandhodhu Sinònimos e contràrios alabansa Frases impleadu est su pensamentu meu pensendhe in sos alabos de ti dare ◊ torra a cuili, pegus arestau: ti ant a colliri in meriagu bélidus de allabu Ètimu srd. Tradutziones Frantzesu louange, éloge Ingresu praise Ispagnolu alabanza Italianu lòde Tedescu Lob.

alavàntzu , nm: allevantzu Definitzione su chi si narat bantandho a o ponendho bene de unu Sinònimos e contràrios alabansa, alabu, bàntidu, làude Frases cumentzat a mi contare sa vida sua, chene alavantzu Ètimu srd. Tradutziones Frantzesu louange, éloge Ingresu praise Ispagnolu alabanza Italianu encòmio Tedescu Lob.

bantài, bantàre , vrb: abantai, vantai Definitzione giare is bàntidos, pònnere o nàrrere bene de unu, de una cosa, naendhondhe calidades bonas Sinònimos e contràrios abbagianai, alabai, alabantzai | ctr. ilzenzare, spretziai Frases su triballu, si est fatu bene, lis cheret bantadu ca los ànimat ◊ comintzeit a bantare sa muzere ponzendhechela in nues de chelu ◊ a chini si bantat si ballit unu corru! ◊ chie si bantat chi no fadhit mai, cussu naro ch'isbàgliat de piús!◊ lis at bantadu sa cosa nendhe chi fit bella e bona Ètimu itl. vantare Tradutziones Frantzesu faire des éloges, louer Ingresu to praise Ispagnolu elogiar, alabar Italianu elogiare Tedescu loben.

làude , nf: lode Definitzione bene chi si narat de unu, coment'e a bàntidu Sinònimos e contràrios alabansa, alabu, landra Frases a grória e làude de Deus e de sa Santa Vírgine Maria incumandhamos custu santu Rosàriu ◊ Salvadore Iscanu, nàschidu in su 1964, no at pótidu connòschere a tiu Remundhu cantendhe ma ndhe at intesu làudes e bàntidos (P.Pillonca)◊ si allegret su firmamentu, si allegrent montes e campedas, cantemus làudes a su chelu! Sambenados e Provèrbios smb: Lodes Tradutziones Frantzesu louange, éloge Ingresu praise Ispagnolu elogio, alabanza Italianu lòde Tedescu Lob.