Legenda Incurtzaduras | Legenda Sìmbulos

acrèdha , nf, nm: arcedha, arcedhu, archedha, artzedha Definitzione arca o càscia pitica po pònnere trigu o àteru, agiummai sèmpere trebballada a mustras (pigiones, soles, e àteru); fintzes istrégiu piticu po àteru Sinònimos e contràrios acregione, cassiedha / cassione / murghijola Frases in s'aposentu de mamma dhu'est s'acredha, su cumò e su letu ◊ Lenaldu andat aundi est s’arcedha, s’incruat, dh’oberit… líteras: s’arcedha prena! (P.Alcioni) 2. su pitzinnu bufaiat su late a s'imbentrada dae s'artzedha Terminologia iscientìfica stz Ètimu ltn. arcella Tradutziones Frantzesu coffre Ingresu chest Ispagnolu arcón, arca Italianu cassapanca Tedescu Truhe.

àlca , nf: arca Definitzione càscia de linna de castàngia, totu a mustras, figuras fatas a iscrapedhu a istuvonadura, impreada po chistire trastos, o pònnere pane (o, segundhu de ite si foedhat, genia de barca manna); sa pedra chi si ponet in fundhu de una funtana; capacidade de pòdere, de fortzare / min. acredha Sinònimos e contràrios bancale, càscia / foltza Frases Noè fit fachèndhesi su teju in s'arca mesu sorta 3. santus Patriarcas, fei chi dhi torrint fortzas e arcas! ◊ Deus ti torret sas arcas, sas arcas de su coro! ◊ non tengu arca de artziai is ogus, de sa bregúngia ◊ ti pòngiu is manus mias cun totus is tres Marias chi ti torrit is arcas Sambenados e Provèrbios smb: Alca, Arca, Architta Ètimu ltn. arca Tradutziones Frantzesu arche Ingresu ark Ispagnolu arca Italianu arca Tedescu Truhe.

bancàle , nm: bangale Definitzione genia de càscia; in is tzilleris o àteras butegas, ue si ponet sa cosa a bèndhere Sinònimos e contràrios alca, càscia Frases su pane cotu si remoniat in su bancaledhu Ètimu itl. bancale Tradutziones Frantzesu coffre Ingresu chest Ispagnolu arca, arcón Italianu cassapanca Tedescu Truhe.

casciòne, casciòni , nm: cassione Definitzione càscia fata de una manera diferente e fintzes prus pitica de sa càscia; càscia de su carru, de is càmios / min. cassionedhu, cassonitu Sinònimos e contràrios càscia Frases su cassione est preparadu a ti retzire a intro addopiadu cantu istant a ti dare su "Chi ei!"◊ su cascione fit a mesu de provistas ◊ sos carros a boes zughiant su cassione pro carrare rena o terra 2. est unu cascionedhu chi no portat ne crai e ne criedhu e no si aperit mai Sambenados e Provèrbios smb: Cascioni Ètimu srd. Tradutziones Frantzesu grande caisse, caisse Ingresu large case Ispagnolu cajón, arca Italianu cassóne Tedescu Kasten.

múscula 1 , nf, nm: músculu 1 Definitzione genia de cotza, mescamente sa m. pilosa, chi si agatat in d-unos cantu istagnos: de mannària abbarrat prus pitica meda de sa cotza e prus istrinta, ma est de sabore prus forte, cun is duas perras in colore de castàngia craru, a fora, e totu pilurtzas paret de portare lanedha de orroca Frases aciuvau in s'àcua fintzas a chintzu cumpudàt su fundu cun is peis po coberai músculus Terminologia iscientìfica crx, arca barbata Ètimu itl. muscolo Tradutziones Frantzesu moule Ingresu mussel Ispagnolu arca pelosa Italianu mùssolo Tedescu Miesmuschel.

«« Torra a chircare