costoidórzu , nm Definitzione logu, tretu apartau inue faet a cuare Sinònimos e contràrios acuadórgiu, incóvinu, isticarzu, istichidórgiu, remunidorzu Frases cussos fint costoidorzos inue chie fit bandhidu cumproaiat s'onnipoténtzia sua ◊ sos minores giogaiant a costoidorzos, a tènnere o a primmamonta (N.Fadda)◊ mamma aiat costoidu sa cosa in d-unu costoidorzu chi no amus mai acatadu Ètimu srd. Tradutziones Frantzesu cachette Ingresu hiding-place Ispagnolu escondite Italianu nascondìglio Tedescu Versteck.

cúa , nf: cuba 1, cuva Definitzione logu po si cuare, a cuare Sinònimos e contràrios acucadolzu, costoidorzu, cuàciu, cuadina, remunidorzu Maneras de nàrrere csn: giogai a cuas a cuas = a cuare; avb. a cua, a cua a cua (acua acua), a cuva = chentza si fagher bídere e ne intèndhere; a cua mia, tua, sua, nostra, bostra, issoro, de… = chentza chi dhu iscípia o bia dèu, tui, cussu, nosu, bosatrus, cussus, ccn.; èssiri a incaracua = a su cua cua, faghíndhesi bídere, incarèndhesi, e torrèndhesi a cuare, apartare 2. sos mannos si ódiant a cuba ◊ a cuva ti apo vidu armau ◊ cuss'anedhu mi l'apo comporadu a cua tou ◊ isse bidet in giaru su chi faghes a cua ◊ mih no ndhe nias: custa cosa ti la so paghendhe a cua de babbu, ca sinono mi brigat! 3. si poniaus a giogai a cuas a cuas Ètimu srd. Tradutziones Frantzesu cachette Ingresu hiding-place Ispagnolu escondite Italianu nascondìglio Tedescu Versteck.

cuadórzu , nm, agt: acuadórgiu, cuadroxu, cuatógliu, cubadorju, cuvadorju Definitzione logu inue faet a si cuare o dhue at cosa o gente cuada Sinònimos e contràrios acucadolzu, costoidorzu, cuadina, incóvinu, isticarzu, istichidórgiu, remunidorzu Frases sas pudhas si ant fatu su cuadorzu in sa cresura 2. candho si sunt saludaos, carchi làcrima cubadorja lis at surcau sos càvanos assutos e carraitos Ètimu srd. Tradutziones Frantzesu cachette Ingresu hiding-place Ispagnolu escondite Italianu nascondìglio Tedescu Versteck.

cuagualèpuri , nm Definitzione genia de giogu chi si faet cuandhosi, totu, e cricandho de agatare e aciapare is cumpangedhos cuaos Sinònimos e contràrios cualèpere, cubacuba, mamacua, matacua Terminologia iscientìfica ggs Ètimu srd. Tradutziones Frantzesu cache-cache Ingresu hide and-seek Ispagnolu escondite Italianu rimpiattino Tedescu Versteckspiel.

cualèpere , nm Definitzione genia de giogu chi si faet cuandhosi, totu, e cricandho de agatare e aciapare is cumpangedhos cuaos Sinònimos e contràrios cubacuba, cuagualèpuri, mamacua, matacuida Frases cuadu in unu bicu, bene imbertu gioghendhe a cualèperes otora: "Pedra! Pedra!… Mimmí, éssindhe a fora!" fit su signale d'èssere iscobertu Terminologia iscientìfica ggs Ètimu srd. Tradutziones Frantzesu cache-cache Ingresu hide-and-seek Ispagnolu escondite Italianu rimpiattino Tedescu Versteckspiel.

isticàrzu , nm Definitzione logu inue s'istichire o cuare Sinònimos e contràrios abbuada, cuadorzu, incóvinu, tana Ètimu srd. Tradutziones Frantzesu repaire Ingresu hiding-place, den Ispagnolu escondite Italianu nascondìglio, tana Tedescu Schlupfwinkel.

mamacúa , nm: mammacua Definitzione genia de giogu chi si faet cuandhosi, totu, e poi essindho e cricandho de agatare e aciapare is cumpàngios cuaos Sinònimos e contràrios cuagualèpuri, cualèpere, cubacuba, matacua Frases gioghendi a mammacua luxis che un'istella ca tenis bellu modu… ch'est sa pàtria tua, de cust'ísula bella, sardu, teni arregodu! ◊ in conca no ti pongas de fai a mammacua! ◊ bellu, cantu scit s'arti: girat de parti in parti fendi su mammacua! (E.Pintor Sírigu) Ètimu srd. Tradutziones Frantzesu cache-cache Ingresu hide-and-seek Ispagnolu escondite Italianu nascondino Tedescu Versteckspiel, Versteckerlspiel, Verstecken.

«« Torra a chircare