Legenda Incurtzaduras | Legenda Sìmbulos

abborboràu , pps, agt Definitzione de abborborare; chi tenet berbore, fortza, chi est creschendho meda (nau de cosa prantada) Tradutziones Frantzesu enfiévré, enflammé, luxuriant Ingresu fervent, luxuriant Ispagnolu enfervorizado, lozano Italianu infervorato, rigoglióso Tedescu ereifert, üppig.

acambàdu , pps, agt Definitzione de acambare; nau de erba, de laore, chi portat cambos meda, chi est imbénnidu, faendho bellu, creschendho meda / àrbure acambada = manna, chi portat cambos bellos; filu acambadu = atrotoxau Sinònimos e contràrios afundhadu 1, fasciudu Frases custu trigu ocannu at acambadu bene ca l'at acumpanzadu tempus a pavore Tradutziones Frantzesu tallé Ingresu headed, prosperous Ispagnolu talludo, lozano Italianu accestito, prosperóso Tedescu üppig.

afundhàdu 1 , agt Definitzione chi est a fundhu bellu, imbénnidu, foedhandho de erbas o ebrúgios Sinònimos e contràrios acambadu, fasciudu Ètimu srd. Tradutziones Frantzesu prospère Ingresu prosperous Ispagnolu lozano Italianu prosperóso Tedescu blühend, üppig.

aggrighidhíu , pps, agt Definitzione de aggrighidhiri; chi est bellu créschiu, creschendho Sinònimos e contràrios créschidu, tentu 1 / imbénnidu, losanu, prenu | ctr. agurtitu, mecianu 2. est crésciu aggrighidhiu ◊ allà un'ampudha aggrighidhia…: custa est a sa moda de is sannorichedhas, totu bragheria e no dhui at nudha aintru! Tradutziones Frantzesu prospère Ingresu prosperous Ispagnolu lozano Italianu ben sviluppato, prosperóso Tedescu üppig.

imbénnidu , pps, agt Definitzione de imbènnere; nau de erbas, matas e àtera css. cosa chi creschet, chi at fatu isvilupu bellu, chi est créschiu o est creschendho meda Sinònimos e contràrios aggrighidhiu, atrutzidu, chíbbalu, latucosu, losanu, vrassellu | ctr. agurtitu, mecianu, míseru 2. za est imbénnida s'ortiga in custa terra muntonarzina… prus arta de s'ómine! Tradutziones Frantzesu florissant, luxuriant Ingresu luxuriant Ispagnolu encontrado, lozano Italianu flòrido, rigoglióso, prosperóso Tedescu blühend, üppig.

ingranídu , pps, agt: ingranitu, ingraniu Definitzione de ingranire; nau de su granu (laores) chi est bellu, fatu, fintzes matucu, e si narat de àtera cosa puru chi faet granu o est a bisura de granu; nau de persona, chi est mannatza, bene créschia Sinònimos e contràrios trempidu / chibosu, impisiu, maduru | ctr. abbiveradu, bíciu 2. s'ispiga a conca bàscia est ingranida ca sustàntzia at meda e tenet pesu (A.Dettori)◊ candho su trigu est ingranidu e sicu ndhe cheret messadu ◊ sa ua ocannu no est ingranida nudha, cun su sicore chi at fatu Tradutziones Frantzesu prospère Ingresu prosperous, healthy Ispagnolu lozano Italianu prosperóso Tedescu blühend.

losànu , agt Definitzione chi creschet bene, meda, nau de erbas e matas e de gente puru Sinònimos e contràrios aggrighidhiu, feurràciu, imbénnidu, latucosu, vrassellu | ctr. mecianu, ortitzu Frases rajos de sole fatendhe su cua cua in buschedos losanos, e risu a iscacàgliu de criaduras cheria ◊ l'allughet s'ispera de pòdere una die, isinnidendhe pàsculos losanos, truvare s'ama sua (G.Porcheddu)◊ est in sa prus virde e losana gioventude 2. binzas e àrvures sunis ispozas de losanu (C.Demartis) Ètimu spn. Tradutziones Frantzesu luxuriant, vigoureux Ingresu prosperous Ispagnolu lozano Italianu rigoglióso, flòrido Tedescu blühend.

«« Torra a chircare