Legenda Incurtzaduras | Legenda Sìmbulos

abbabballocàdu , pps, agt: abbabbalucau Definitzione de abbabballocare; nau de cristianu o béstia, chi est coment’e atontau, chi paret de no cumprèndhere, chi dhue ponet tropu tempus a fàere sa cosa, chi si ndhe abbarrat firmu a una parte chentza de intrare in cumpangia Sinònimos e contràrios ammammalucadu, arrellocau, imbabballucadu, isantalau, transidu 2. fuemus totus impari arriendi e bufendi, ma issu si ndi tiriat agoa: est abarrau totu su merí abbabbalucau ◊ currei a istudai su fogu, no abarreis abbabbalucaus! ◊ dh'ant nau totu cussu e est abarrau abbabbalucau! Tradutziones Frantzesu stupéfait, étonné Ingresu astonished Ispagnolu atónito, pasmado Italianu attònito, incantato Tedescu erstaunt.

abbengàdu , pps, agt Definitzione de abbengare; chi istat a buca aperta de sa meravíglia o àteru Sinònimos e contràrios apapughinau Frases za ses pagu abbengadu!…◊ est macu abbengadu, cussu Tradutziones Frantzesu stupéfait, étonné, hébété Ingresu astonished Ispagnolu pasmado Italianu sbalordito, stupito Tedescu verblüfft, erstaunt.

abberelàdu , pps, agt Definitzione de abberelare; chi est comente e incantau, firmu sentza cumprèndhere, sentza fàere, ispantau Sinònimos e contràrios abbamballecadu, abbaucadu, abbeveladu, sustu 1 / cdh. abbiralatu 2. sos fiores mi los abbaidaia abberelada ◊ sa die no resurtai a fàghere nudha, fui abbereladu, meledandhe e abbaidandhe Tradutziones Frantzesu stupéfait, étonné Ingresu stupefied Ispagnolu pasmado Italianu inèrte, estasiato, stupefatto, facies adenoidèa Tedescu verzückt, erstaunt, Drüsenfacies.

abberelàre , vrb Definitzione coment'e meravigliare meda de lassare o istare coment'e chentza cumprèndhere Sinònimos e contràrios abbalaucare, abbengare, abbentai, asturdire, atolondrai, atontonare, iselentare, scilibriri, stolondrai Frases deo mi abberelai bisàndhemi sa terra mia Tradutziones Frantzesu abasourdir Ingresu to amaze, to be amaze Ispagnolu quedarse pasmado, asombrado Italianu stupefarsi, sbalordire Tedescu staunen, verblüffen.

abbrebebàu , pps, agt Definitzione de abbrebebai; prus che àteru, chi est coment'e incantau Sinònimos e contràrios abbebbellecadu, allampadu 2. nosu piciochedhus dh'ascurteiaus abbrebebaus po is contus chi nd'isciat bogai a foras Tradutziones Frantzesu ébahi Ingresu dazzled Ispagnolu pasmado Italianu abbagliato, abbarbagliato Tedescu geblendet.

assústu 1 , agt Definitzione nau de ccn., chi est meravigliau meda, ispantau e coment'e ammammalucau Sinònimos e contràrios apapughinau, atrassidu, sustu 1, transidu, trassicadu Frases sos discípulos pómpiant assustos Tradutziones Frantzesu stupéfait, étonné Ingresu astonished Ispagnolu atónito, pasmado Italianu stupito, attònito Tedescu erstaunt.

atrallaràdu, atrallaràtu , agt: trallaratu Definitzione chi est coment’e atontau de s'ispantu, de su dolore o àteru, trassidu Sinònimos e contràrios abbabballocau, atrassidu, ispantadu Frases ndhe resto de su dolu atrallarada candho penso in sos males cantos sunt! ◊ bi est abbarradu atrallaradu ◊ fia totu atrallaradu e trimulendhe che canna candho mi at nadu gai Tradutziones Frantzesu stupéfait Ingresu flabbergasted Ispagnolu asombrado, pasmado Italianu trasecolato, stralunato Tedescu verblüfft, verstört, erstaunt.

atrassídu , agt: transidu* Definitzione nau de ccn., chi est coment'e atontau o ammammalucau de s'ispantu, de sa meravíglia, po cosa chi unu no s'ibertaiat própriu Sinònimos e contràrios abbaucadu, atrallaradu, spantau, trassicu Tradutziones Frantzesu effrayé Ingresu dismayed Ispagnolu pasmado Italianu sbigottito, stupefatto Tedescu bestürzt, verblüfft.

atrudíu , agt: aturdidu Definitzione chi est ispantau meda e timendho Sinònimos e contràrios assustrau, ispantau, trallaratu, transidu, trassicu Frases ammanetadu e sentza faedhare partei aturdidu a sa sorte cambiada (A.Casula)◊ so abbarradu aturdidu de comente fint brighendhe: no bi creia mai! ◊ bides cosas chi ti lassant sa mente aturdida ◊ no ischit mancu inue est, de cantu est aturdidu Tradutziones Frantzesu abasourdi Ingresu amazed Ispagnolu pasmado Italianu esterrefatto, sbalordito, sbigottito Tedescu verblüfft.

disfrasciàdu, disfrassàdu , agt Definitzione agiummai coment'e chi unu no siat prus issu etotu po su chi sentit Sinònimos e contràrios cummóviu, internéssiu Frases l'ischit bene sa ch'istimo comente so disfrasciadu: no est sa morte sa chi timo! Tradutziones Frantzesu étourdi, ému Ingresu moved, astonished Ispagnolu pasmado, conmovido Italianu sbalordito, commòsso Tedescu ergriffen, verwirrt.

trassícu , agt Definitzione coment'e sicau deunudotu, retesu (de dolore, dispraxere), ispantasiau Sinònimos e contràrios apapughinau, atonostadu, atrassidu, sustu 1, trassicadu / acalamau Frases bidindhe chi su fizu no si moviat, ne ridiat, ne faedhaiat est addurada trassica ◊ trassica est restada che restuju de un'istiu andhadu ◊ coros istracos de ànimas abbangaladas e trassicas ◊ su bentu de sa malignidade bisastrat sos ànimos trassicos Ètimu srd. Tradutziones Frantzesu pétrifié, étonné Ingresu petrified, amazed Ispagnolu petrificado, pasmado Italianu impietrito, pietrificato, stupito Tedescu zu Stein erstarrt.

«« Torra a chircare