basócu , nm, agt: basucu Definitzione
pische de mare, una calidade de pagellu; nau de unu, chi cumprendhet pagu, scimprotu
Sinònimos e contràrios
pagellu
/
locu,
tontassu
Frases
pighit su basucu ca est prus saboriu de sa carina!
2.
no seu aici basucu: si nci ant fatu mangiucu, in su binu, dhu connòsciu de s'arrastu ◊ ses aici basucu de crèiri chi su dinai si potzat ghetai comenti si ghetat su fasolu!
Sambenados e Provèrbios
smb:
Basoccu
Terminologia iscientìfica
psc, pagellus bogaraveo, p. acarne
Ètimu
ctl.
basuc
Tradutziones
Frantzesu
dorade rose,
pageot rose
Ingresu
sea-bream
Ispagnolu
besugo
Italianu
pagèllo bocaravèllo,
occhialóne,
àlboro bastardo
Tedescu
Fleckbrasse.
bastàldu , agt, nm: bastardu Definitzione
si narat de gente, candho unu est fígiu de àteru babbu, fatu a sa fancedhina, o chi no si connoschet chie est su babbu; nau mescamente de erbas o de animales, chi at pérdiu (o no tenet) is calidades de s'arratza méngius e si narat a disprétziu puru / pilu b. = zenia de pilighedhu finevine, minudedhu
Sinònimos e contràrios
buldu
/
arestadu
Frases
su Sardu dhu tratas che fillu bastardu e ses in totu is cosas partziali
2.
a tempus chi sos deos fint bastaldos fio poete e cantei su giustu (P.Casu)◊ custa ratza de bastardos sos privilégios sardos issos nos ant leadu (F.I.Mannu)
Ètimu
itl.
Tradutziones
Frantzesu
bâtard
Ingresu
bastard
Ispagnolu
bastardo
Italianu
bastardo
Tedescu
unehelich,
Bastard,
Mischling.
búldu , agt, nm: burdu Definitzione
si narat de gente candho unu est fígiu de àteru babbu, fatu a sa fancedhina, o chi no si connoschet chie est su babbu; si narat de is erbas chi assimbígiant a is erbas bonas a papare ma chi creschent a solas in campu; nau de is muros, chi funt fatos a pedra chentza impastu, a muru sicu / perda burda = foedhandho de pedra metallífera, chi no portat metallu, itl stèrile
Sinònimos e contràrios
burdiscu
/
agreste,
arrui 2,
aurdu,
eremidu,
faràstigu,
gurdu
| ctr.
legítimu
/
masedu
Maneras de nàrrere
csn:
sonu b. = sonu surdu, de campana iscannia; fizu fatu a burdinu = burdiscu, fatu a sa fancedhina
Frases
maigantas ndhe amus bidu cun su burditu a pala pianghendhe s'insoro sorte mala ◊ cussa fémina at fatu su burdu: s'ómine l'aiat ingannada ◊ si fatzu unu burdu sendi bagaria at a èssi destinu chi depia passai!
2.
làtia burda ◊ ant serradu su cunzadu a muru burdu
3.
sas campanas tinniant burdas marusini istonadu
Ètimu
ltn.
burdus
Tradutziones
Frantzesu
illégitime,
bâtard,
sauvage
Ingresu
illegitimate,
bastard,
wild
Ispagnolu
ilegítimo,
bastardo,
silvestre
Italianu
spùrio,
bastardo,
selvàtico
Tedescu
unehelich,
Bastard wild,
Wilde.