Legenda Incurtzaduras | Legenda Sìmbulos

aggórdu , nm Definitzione su giacurare, su badrare calecuna cosa po chi no apat dannu Sinònimos e contràrios càstiu, miramentu, tenta 3, tentonzu Ètimu srd. Tradutziones Frantzesu garde Ingresu custody Ispagnolu custodia, guarda Italianu custòdia Tedescu Bewachung.

culvénu , nm: cruvenu, cuvrenu Definitzione totu su chi si faet a manera de no tènnere male o dannu (o fintzes po no ndhe fàere), o cosa (bestimentu) po no tènnere male; logu apartau inue pòdere istare in aprigu, cuau Sinònimos e contràrios regualdu Frases no bi as un'istàntzia chi la potas mantènnere in culvenu: cussa ratatúglia ti est boltulendhe sa domo! ◊ as fatu pensamentos de tènnere in culvenu ◊ una cundenna est unu cruvenu mannu pro su malu fàghere ◊ in notes de bidhia su cuvrenu fit tropu lezeri 2. su leperedhu est in su culvenu cun su coro bolaola, tantendhe a díligu a díligu sa carena dolimazosa Ètimu srd. Tradutziones Frantzesu garde, abri Ingresu case, shelter Ispagnolu custodia, amparo Italianu custòdia, riparo Tedescu Aufsicht, Unterschlupf.

iltúzu , nm: istozu, istúgiu, istuzu 1, stúgiu Definitzione prus che àteru, istrégiu pitichedhu po chistire cosas piticas, ma a logos dhu narant fintzes de istrégiu mannu, carcida, umpuale, e de logu po chistire cosa, armadiedhu Sinònimos e contràrios búsciulu 1 Frases unas cantas dies apustis Ànghelu nche aiat pérdidu s'istuzu de sos colores Ètimu ctl. estoig Tradutziones Frantzesu étui Ingresu case Ispagnolu estuche Italianu astùccio, custòdia Tedescu Futteral.

tènta 3 , nf, nm: tentu 2 Definitzione su tentare, su abbarrare a càstiu, badrandho calecuna cosa o logu; in sa carrada, dónnia àteru istampu fatu apitzu de su tingiosu Sinònimos e contràrios aggordu, castiamentu, càstiu, miramentu, tentonzu Maneras de nàrrere csn: pònnere su tentu a unu = fàghere sa posta, tentare fintzas chi essit pro lu tènnere o pro li lòmpere; dare tenta a ccn. = miramentare, tentare, atèndhere Frases sa note faghimis sa tenta pagu perómine pro sos grodhes ◊ su mantenimentu de cust'ègua mi costat caru, sentza de contai su tentu ◊ sa fura fit meda e bi cheriat su tentu die e note ◊ bi fit su tentu, ma sos furones si che ant furatu sa cosa su matessi!◊ Lalliedha cheriat sa sorre a dare tenta a su fizu 2. li ant postu su tentu e lu ant tentatu a morte! ◊ li azis a dare tenta a sorrastra bostra, ca est minore! Ètimu srd. Tradutziones Frantzesu garde Ingresu custody Ispagnolu custodia Italianu custòdia Tedescu Bewachung.

«« Torra a chircare