Legenda Incurtzaduras | Legenda Sìmbulos

fingídu , agt: fingiu Definitzione chi costumat a fàere is fintas, a ingannare Sinònimos e contràrios caratzanu, dispintadore, falsu, fingidore, finteri, fintu, tramposu | ctr. francu, ispontziau, sentzígliu Frases candho mi miraias creia chi mi amaias e imbetzes fis fingida ◊ no soi fingia, su giustu ti naru! ◊ cun fingidu pretestu mi at a dare unu carignu ma est pro mi arrestare Terminologia iscientìfica ntl Tradutziones Frantzesu trompeur, hypocrite Ingresu deceiving, hypocrite Ispagnolu engañador, hipócrita Italianu ingannatóre, ipòcrita Tedescu trügerisch, heuchlerisch.

incatramadòre, incatramadòri , agt, nm Definitzione chi o chie leat s'àteru a ingannu Sinònimos e contràrios afrascadore, arrebuseri, fraitzu, imbodhiosu, imbusteri, inganneri, tramperi, tramposu, trasseri Ètimu srd. Tradutziones Frantzesu trompeur Ingresu deceptive, deceiver Ispagnolu engañador Italianu ingannatóre Tedescu Betrüger.

ingannadòre, ingannadòri , agt, nm Definitzione chi o chie faet ingannos Sinònimos e contràrios aciseri, incatramu, inganneri, inganniosu / dimóniu Frases custu ingannadore induit a s'errore mannos e pitzinnos ◊ no bos intzeghet sa chimera ingannadora de faltzos profetas pagados dai manu furistera! ◊ una, male pro me, ndhe apo istimadu cretendhe chi no fit ingannadora Sambenados e Provèrbios prb: s'ingannu torrat a s'ingannadore Ètimu srd. Tradutziones Frantzesu trompeur Ingresu cheat, deceiving Ispagnolu engañador Italianu ingannatóre, seduttóre Tedescu Betrüger, Verführer.

ingannéri , agt, nm Definitzione chi o chie costumat a ingannare Sinònimos e contràrios afrascadore, arrebuseri, fraitzu, imbusteri, ingabberi, inganniosu, ingregheri, maltariosu, mànghinu, mariolu, tramperi, trasseri | ctr. sentzillu Frases sentz'e nisciuna istima, coru fartzu, inganneri, mi as amau po finta! ◊ ses andhendhe cun sussos dimónios inganneris! Terminologia iscientìfica ntl Ètimu srd. Tradutziones Frantzesu trompeur Ingresu deceiver, deceitful Ispagnolu engañador Italianu ingannatóre, ingannévole Tedescu trügerisch, Betrüger.

mascangànnu , nm: maschinganna, maschingannu Definitzione mascu de ingannu, genia de mostru (pegus naschiu istrupiau), su dimóniu; fintzes una genia de móvia o chinnida chi trampat a chie est in crica de aciapare a un'àteru Sinònimos e contràrios immostre, mastringannu, mostre / demóniu Maneras de nàrrere csn: leare a unu a maschingannu = trampare, leare s'àteru cun iscusas a ingannu; maschinganna (morisca) = marighedha de carrúciu, morisca créschida in mesu de sa tàula Frases abba e aera sunt pienos de àligas e ferenos, essint maladias noas, sos pegos aultint o anzant mascangannos ◊ unu pastore una note at biu una grannu colunna altzannosi de terra e at pentzau ca cussu fiat Maschinganna ◊ su maschinganna essit in figura de mascu de brebè, de boe niedhu… Tradutziones Frantzesu trompeur Ingresu deceiver, deceiving move, dribbling Ispagnolu engañador, movimiento engañador Italianu ingannatóre, mòssa ingannatrice Tedescu Betrüger, Finte.

trampanéri , nm Definitzione chie acostumat a fàere tràmpanas, a trampare, nàrrere fàulas Sinònimos e contràrios trampanudu, tramperi, tramposu Frases est in istadu malu totu pro curpa de sos trampaneris ◊ oe s'est atoscadu s'ambiente e trampaneris cun diplomas mannos cosas istranas s'ant fissadu in mente (R.Casula)◊ at a èssi cosa chi narat s'amigu trampaneri po bantaxeria! ◊ dèu dh'apu arróscia custa genti trampanera! Tradutziones Frantzesu trompeur, escroc Ingresu cheater Ispagnolu tramposo Italianu ingannatóre, truffatóre Tedescu Betrüger.

trampéri , agt, nm Definitzione chi o chie acostumat a cuncordare tramperias, trampas Sinònimos e contràrios afrascadore, arrebuseri, fraitzu, imbodhiosu, imbusteri, inganneri, maciapaneri, mànghinu, tramposu, trampuceri, trobedheri Frases tramperi chi no ses àteru! ◊ su grodhe est un'animale tramperi Terminologia iscientìfica ntl Tradutziones Frantzesu d'escroc, trompeur Ingresu conman Ispagnolu tramposo Italianu truffaldino, ingannatóre Tedescu betrügerisch, Betrüger.

«« Torra a chircare