fichète 1, fichètu , agt, nm Definitzione chi o chie si che ponet in mesu fintzes inue, in cosas o candho no depet, chi si ponet in mesu in dónnia cosa Sinònimos e contràrios afrodhieri, brodaresu, culedhu, fichidhiu, fragnóculu, frobbitzeri, frulciaculu, infulculaditu, infulculosu, intrudhulajolu, narivichitu, turudheri / scundiu Frases at tentu su tempus po si preparai is fuedhus giustus po chistionai cun s'istràngiu sen'e pàrriri fichetu (F.Pilloni) Terminologia iscientìfica ntl Ètimu srd. Tradutziones Frantzesu fouinard, envahissant Ingresu nosey Ispagnolu meterete, entrometido Italianu ficcanaso, invadènte Tedescu aufdringlich, naseweis, Einmischling.

fichídu , pps, agt: fichitu, fichiu Definitzione de fichire; chi est postu prantau (o fintzes chi est sanu); chi est sèmpere in mesu in cosas chi no depet; nau de logu, chi est in calada meda Sinònimos e contràrios ficadu, istantàrgiu, ritzu / arratu, ràbidu | ctr. corcadu, rutu Maneras de nàrrere csn: èssere male fichidu (nadu de zente) = ritzu ma malàidu, malesanu; èssiri fichiu che su mércuris = sempre in mesu in donzi chistione; fichiu che turra in culurgioni, che púncia in taba = fichetu, sempre in mesu in donzi cosa 2. si est sempre costumadu de iscultare s'Evangéliu cun sa persone fichida ◊ sos runaghes sunt ancora fichidos ◊ cudhu corvu istaiat in fraile fichidu subra de duas ancas deretas che àscia de raju ◊ tantu tempus in s'ispidale, so sempre a cantu reo fichidu! ◊ so rutu a binugos fichidos 3. est sempri fichiu: in dónnia cosa dhoi depit èssi cussu! ◊ fichitos e cuenteris ant a dimannare deretos 4. su logu a laore no fit bonu ca bi aiat palas fichidas e rocas Tradutziones Frantzesu debout, dressé Ingresu erect Ispagnolu levantado, entrometido Italianu ritto, invadènte Tedescu aufgestanden, aufrecht, aufdringlich.

trodhíncu , agt, nm Definitzione chi o chie istat a s'imbístiga imbístiga, sèmpere pregontandho po ischire cosa de nàrrere cun àtere; fintzes trodhione Sinònimos e contràrios imbistigadore, spigulari Terminologia iscientìfica ntl Ètimu srd. Tradutziones Frantzesu chercheur, curieux envahissant Ingresu inquirer, inquiring, busybody, nosy Ispagnolu fisgón Italianu indagatóre invadènte Tedescu aufdringlicher Erforscher.

«« Torra a chircare