biolèra , nf Definitzione cosa chentza giudu de chie istat chentza contu e chentza cabu Sinònimos e contràrios fiolera*, frascheria, mancàssia Frases a unu de sos frades l'aviant allimbau pro furas e bioleras ◊ Deus meus, Bos prumito chi apo a fàchere calesisiat sacrifítziu pro bínchere custas bioleras (S.Spiggia) Tradutziones Frantzesu frivolité, liberté, licence, dérèglement Ingresu frivolity, license Ispagnolu frivolidad Italianu frivolézza, licènza, sfrenatézza Tedescu Leichtfertigkeit, Zügellosigkeit.

lesséntzia , nf: licensa, licéntzia, lissénsia, lissentza, lisséntzia Definitzione genia de permissu chi si giaet e tempus chi s'istat chentza atèndhere a calecunu dovere, fintzes su fógliu chi dhu giaet e dhu precisat; genia de permissu de s'autoridade púbblica po pòdere fàere calecuna faina (es. bèndhere, portare gente e àteru) Frases pro nois fit istadu gosu e gustu si ti aiant dadu sa lissénsia! (Pirastru) 2. siu Giuanni fut andau a iscola po biri chi arrennesciat a si ndi pigai sa licensa de cassa ◊ istanote che ndh'amus de armonia a modulassione de frecuentza, como chi s'ant bogadu sa lissentza sos poetedhos de sa Baronia!…(Sassu) Tradutziones Frantzesu licence, permis, permission, congé Ingresu permission, licence Ispagnolu licencia Italianu licènza Tedescu Erlaubnis, Schein.

«« Torra a chircare