Legenda Incurtzaduras | Legenda Sìmbulos

abbalèstra , nf: balesta Definitzione tretu ue si ponet su cassadore iscocandho e ibertandho a passare sa fera; su iscocare e ibertare chi passet sa fera Sinònimos e contràrios oretu, posta Frases de raru sutzediat a fadhire si mi beniat fera a s'abbalestra (P.Mossa) Tradutziones Frantzesu embuscade Ingresu ambush Ispagnolu emboscada, acechadera, acechar Italianu agguato Tedescu Anstand, auf dem Anstand stehen.

abbalestràdu , agt Definitzione chi est coment’e abbasciau e cuau ibertandho a passare sa fera po dha cassare Sinònimos e contràrios apatau, impostau Frases comente fimis abbalestrados, sos canes ponzeint paritzos porcabros a ballare e ndhe amus mortu sete! Ètimu srd. Tradutziones Frantzesu tapi Ingresu crouched Ispagnolu agazapado, al acecho Italianu acquattato, in agguato Tedescu niedergeduckt, auf dem Anstand stehen.

criànsa, criànscia, criàntza, criàntzia , nf Definitzione educatzione, manera educada de fàere / in criantza… = iscusa!, iscusade si lu naro!, siat nadu chentza ofesa, cun educassione, si no bos ofendhides… Frases dhi at donau cibudha…, in criantza ◊ a sa terra su prus chi li aggradat est sa rassa de merdaera (in criansa, perdonade ca za est su nòmene sou!)◊ in criàntzia, a bois bos lu poto nàrrere ca sezis pessone bona! Tradutziones Frantzesu éducation, politesse Ingresu manners Ispagnolu crianza Italianu creanza, urbanità Tedescu Anstand.

cumpostèsa , nf Definitzione manera de istare, sérios, cun educatzione Tradutziones Frantzesu maintien correct, bonne tenue Ingresu composture Ispagnolu compostura Italianu compostézza Tedescu Anstand.

decòro , nm: decoru Definitzione su dèghere, su èssere deghile de una cosa, de unu fàere, de sa manera de èssere o de istare Sinònimos e contràrios dechiore, deghesa / cdh., ttrs. dicoru Tradutziones Frantzesu décorum Ingresu dignity Ispagnolu decoro Italianu decòro Tedescu Anstand.

deghèsa , nf Definitzione su dèghere, su èssere deghile de una cosa, de unu fàere Sinònimos e contràrios dechiore, deghéntzia / cdh. ditzéntzia Ètimu srd. Tradutziones Frantzesu décence Ingresu decency Ispagnolu decencia Italianu decènza Tedescu Anstand, Sittlichkeit.

«« Torra a chircare