Ditzionàriu in línia
de sa limba e de sa cultura sarda

còna , nf Definitzione figura, immàgine mescamente de santos, fintzes retratu Sinònimos e contràrios bultu, figura, incona Frases su conaju beniat cun sa bértula e cun sa cona de su santu ◊ si narat chi custa cona at fatu grandhe meràculos ◊ pintas istigas giaras e conas de paghe ◊ bella pintada in cona, de sas fizas fis mastra! Sambenados e Provèrbios smb: Cona, Conedda Ètimu ltn. eicona Tradutziones Frantzesu image, icône Ingresu image, ikon Ispagnolu imagen Italianu immàgine, figura, icòna Tedescu Bild, Ikone.

cuàdru , nm, agt Definitzione pintura, fintzes cun d-unu inghíriu de linna trebballada; parte de una màchina, de una butega o fàbbrica ue dhue at aparícios de controllu (es. interrutores, contadores e àteru); chi est fatu a cuadratu / min. cuadritu, cuadredhu; ràdica cuadra = in matemàtica, númeru chi, po èssere moltiplicau cun cussu etotu, giaet un'àteru númeru (es. su 3 est ràdica cuadra de 9), nau sèmpere in su sensu de cricare sa r.c. de unu númeru Frases no bi at menzus cuadru de bellura candho su beranu mastru de sa pintura mudat a festa s'universu intreu (R.Bechere)◊ ndi est arrutu su cuadritu de s'aposentu miu 2. sa màchina ponet in motu ma no bi atzendhet su cuadru 3. chini nascit tundu non morit cuadru ◊ su logu de una domo si medit a metros cuadros Ètimu itl. Tradutziones Frantzesu tableau Ingresu picture Ispagnolu cuadro Italianu quadro, quadrato Tedescu Bild, viereckig, Quadrat.

immàgini , nf: immàzine, irmàzine Definitzione genia de figura o fintzes s’idea de sa cosa chi unu si pentzat o si ndhe faet in sa mente; genia de figura o disegnu chi arrapresentat calecuna cosa Sinònimos e contràrios cona, figura, màgina 2. in su libbru bi aiat pintadu un'irmàzine Tradutziones Frantzesu image Ingresu image Ispagnolu imagen Italianu immàgine Tedescu Bild.

màgina, màgine , nf: màgini, màzina, màzine Definitzione figura, cara, mescamente de santu, ma fintzes de persona nau in su sensu de bisura, fisonomia bella, galana / min. mazinita Sinònimos e contràrios bisura, cona, figura, immàgini Frases piciochedha bella a pilus asulus, pariat una maginedha ◊ sa màzine chi li ant presentau lu at apistichinzau ◊ custa fémina est sa màzine de una bona mere de domo Tradutziones Frantzesu image Ingresu image Ispagnolu imagen Italianu immàgine Tedescu Bild, Aussehen.

pintúra , nf: pitura Definitzione css. frigura fata a pinzellu o àtera aina, o fintzes css. cosa o persona bella meda Sinònimos e contràrios pintu Maneras de nàrrere csn: acontzare una p. = torràrela coment'e noa, a comente fit innantis de s'irbiarire o de si derrúere; p. càrriga = cun colores cotos; p. sighida = de totunu andhare, parívile Frases su beranu mastru ’e sa pintura mudat a festa s'universu intreu (R.Bechere)◊ custa pintura fit unu fundhu chi variaiat dae biancu a colore de chelu e de terra grogantza ◊ cussa piciochedha est bella chi parit una pintura ◊ sa filla fiat bella che pintura ma a su rei no dhi fadiat prexeri Ètimu ctl., spn. Tradutziones Frantzesu peinture, tableau Ingresu painting, picture Ispagnolu pintura Italianu pittura, dipinto Tedescu Gemälde, Bild.