Ditzionàriu in línia
de sa limba e de sa cultura sarda

forchídha , nf: fortzidha, frochidha, frocidha, frucidha, fulchidha, fulcidha, furchidha, furcidha, fuschidha Definitzione css. cosa chi, totu a unu fintzes a unu tretu, s’ispartzit poscas in duos faendho un'àngulu pagu apertu (30°/45°): si narat fintzes de bàculu po si agguantare camminandho; in is carros, cambu de linna grussu a duos corros prantau acanta a ue s'iscala est totu a unu, a cara a sa punta, cun lóriga po dhue passare is funes e a dónnia modu po pòdere méngius assentare su càrrigu (prus che àteru linna a naes longas); nae a frochidha chi si ponet in pitzu de is oros de su cadhàrgiu faendho casu po cicire is discos; aina a duos corros po pigare fenu, lòmboros de malesa (es. orruo), o fintzes cambu piticu frochidhau po arregòllere castàngia cun s’ischissone Sinònimos e contràrios frochidhadura / casarile / forchidhone, frocedha, frucàrgia / corros Maneras de nàrrere csn: frochidhas de ’ia = forchidhaduras de caminu, tretu aundi unu mòri o un'istrada si pratzit in duus; f. de cunzare = tupisone, berrisone chi si ponet a serrare un'àidu Frases a fàghere su tirolàsticu bi cheret una forchidha 2. un'istichida de frucidha de ferru a ibbidhiadura!… 3. dhi at nau "Conca de begu", chi est unu fuedhu sciambrecu po nai ca portat frocidhas Terminologia iscientìfica ans Ètimu ltn. furcilla Tradutziones Frantzesu fourche, fourche à foin Ingresu fork (hay), hayloft Ispagnolu horquilla, lanza Italianu forcèlla, fórca fienàia, fórcola Tedescu Gabel.

forchidhòne , nm: furchidhone Sinònimos e contràrios furchetone Terminologia iscientìfica ans Tradutziones Frantzesu grande fourchette Ingresu carving fork Ispagnolu trinchante Italianu forchettóne Tedescu große Gabel.

frocèdha , nf Definitzione nae frochidhada, fintzes àtera cosa fata coment’e frochidha Sinònimos e contràrios forchidha, frucàrgia Tradutziones Frantzesu fourche Ingresu fork (hay) Ispagnolu horquilla Italianu forcèlla Tedescu Gabel.

frochíta , nf: frucheta, fruchita, fulcheta, furcheta, furchita Definitzione aina pitica de coghina fata po púnghere e pigare sa cosa de papare a orrugos, fata de duas partes: sa màniga e is corros; aina manna a corros po pigare fenu, o fintzes aina ch'impreant is piscadores de istàinu po cumpidare su fundhu Maneras de nàrrere csn: sa furcheta de Adamu = is didus, sa manu; erba ’e furchetas = erba de agullas o de puntzas Frases portat una fruchita iscorrara ◊ segundhu su mànigu si leat a furcheta ◊ custu furchetoni parit trebutzu de apallai! 2. un'írrida de lampos lu diat solovrare de manera chi mancu a furchita ndhe lu diant acabidare! Ètimu itl. Tradutziones Frantzesu fourchette Ingresu fork Ispagnolu tenedor Italianu forchétta Tedescu Gabel.

frochitàda, frochitàra , nf: fruchetada, furchetada Definitzione su tanti de cosa chi si podet pigare cun sa frochita Frases aditzu aditzu ndi apu acudiu una frochitada de cussus macarronis! ◊ mi fatzu una frochitaredha de pasta a prandi Tradutziones Frantzesu fourchetée Ingresu forkful Ispagnolu comida que cabe en el tenedor Italianu forchettata Tedescu Gabel, Gabelvoll.

frúfere , nm: frúfure, fúfere, fúlfere, fúrfere, fúrfure, fúscere Definitzione pódhini mannu, pódhine: de sa farra, pruschetotu de su trigu, sa parte prus grussa e pagu bona, sa parte de fora de su granu Sinònimos e contràrios bilinzone, chilinzone, elinzone, gràngia, linzone, mussu, podhi, russarza, talau / cdh. brinnu Frases a s'ainedhu li amos a dare frúfere ◊ su frúfere si poniat po fàghere sas bifaches a sos canes e s'impastada a sas pudhas 2. cussu mata de fúfere, fatu a sàbiu, aiat aiscultadu a un'orija solu! Ètimu ltn. furfure(m) Tradutziones Frantzesu son, mouture Ingresu bran Ispagnolu salvado Italianu crusca Tedescu Gabel.

furchèdha , nf Definitzione una genia de frochidha, cosa chi s’ispartzit coment'e in duos corros Sinònimos e contràrios forchidha Ètimu srd. Tradutziones Frantzesu fourche Ingresu forked stick Ispagnolu horquilla Italianu forcèlla Tedescu Gabel.

furchetòne , nm: furchitoni Definitzione furcheta manna Sinònimos e contràrios forchidhone / cdh. fulchitoni Terminologia iscientìfica ans Tradutziones Frantzesu grande fourchette Ingresu carving fork Ispagnolu trinchante Italianu forchettóne Tedescu große Gabel.