Legenda Incurtzaduras | Legenda Sìmbulos

chintòglia, chintólgiu, chintòlza , nf, nm: chintòrgia, chintórgiu, chintorja, chintorju, chintorza, chintorzu, cintòrgia Definitzione tira de cosa, mescamente de pedhe, cun sa tíbbia, de pònnere in chintzu po poderare unu bestimentu / chintorza de santu Giuanne = frore de santu Giuanne, alluevogu, bruschiadina; pantalones a chintorza = cun sa tzinta Sinònimos e contràrios astrintorza, chíntula, lorita, tríncia, tzinta, tzintorja Frases s'arva li arriviat a sa chintorza ◊ iat pigau su chintórgiu e aiat giau una surra a su fígiu ◊ su piciochedhu camminat poderendu unu chintórgiu in is manus ◊ candho at papau si at fintzes illagrau su chintórgiu ◊ custa est una cintòrgia de pedhe Ètimu ltn. cinctorium Tradutziones Frantzesu ceinture Ingresu belt Ispagnolu cinturón Italianu cìntola, cintura Tedescu Gürtel.

chíntzu 1 , nm: cintu, cintzu, ginsu, scinsu, tzintu Definitzione tira de cosa, mescamente de pedhe, cun sa tíbbia, de acapiare in chintzu po poderare bestimentu, e fintzes su tretu de sa carena in mesania e parte de su bestimentu in custu tretu Sinònimos e contràrios chintòglia, gintone, singedhu, tzinta / chíntula Sambenados e Provèrbios smb: Cintu Ètimu ltn. cinctu(m) Tradutziones Frantzesu ceinture Ingresu belt Ispagnolu cintura Italianu cinto Tedescu Gürtel.

ischintolzàre , vrb: ischintorzare, issintorgiare Definitzione bogare sa chintorza, su chintórgiu; iscúdere, atripare a chintórgiu / ischintorzare de su risu = mòrriri, crepai de s'arrisu Ètimu srd. Tradutziones Frantzesu détacher sa ceinture Ingresu to unbelt Ispagnolu sacarse el cinturón Italianu levarsi la cintura Tedescu sich den Gürtel abnehmen.

istrintzàdu , pps, agt Definitzione de istrintzare; nau de ccn., chi est cun sa trintza o bestimentu (pantalones o gunnedha) illascau, calandhochedhi Sinònimos e contràrios ischintu, istrantzillerau Frases totu istrintzadu, istaio rujadas de manzana ifatu de carchi grígliu ◊ chie est a bunnedha istrintzada, chie a caltzones ispresos Tradutziones Frantzesu à demi vêtu Ingresu half-dressed Ispagnolu desaliñado Italianu discinto Tedescu ohne Gürtel.

loríta , nf Definitzione tira de cosa, mescamente de pedhe, cun sa tzíbbia, de pònnere in chintzu Sinònimos e contràrios chintòglia, chíntula, tríncia, tzinta Frases s'est fuiu a lorita in manus, depiat èssi a daor'e brenti ◊ at afasciau is pértias cun sa lorita Ètimu srd. Tradutziones Frantzesu ceinture Ingresu belt Ispagnolu cinturón, correa Italianu cìntola Tedescu Gürtel.

singédhu , nm: chinghedhu* Definitzione genia de chintórgiu, de pedhe, imbestiu de velludu Sinònimos e contràrios chintòglia, chíntula, lorita Frases at fatu unu pràngiu de cosas lichitosas chi faint isciabudhai s'istògumu e allargai su singedhu! ◊ bendit singendhus, alliòngius, ullieras e àteras cositedhas Tradutziones Frantzesu ceinture, lacet Ingresu girdle Ispagnolu cinturón, correa Italianu cintura, cìntolo Tedescu Gürtel.

tzínta , nf: chinta Definitzione tira de cosa, mescamente de pedhe, cun sa tíbbia, de pònnere in chintzu cun pantalones / iscorriada de tzinta = cropu giau cun sa tzinta Sinònimos e contràrios chinghedhu, chintòglia, chíntula, lorita, tríncia Tradutziones Frantzesu ceinture Ingresu belt Ispagnolu cinturón Italianu cintura Tedescu Gürtel.

«« Torra a chircare