Ditzionàriu in línia
de sa limba e de sa cultura sarda

àsta , nf: àstia, àstua 1 Definitzione cannedhu, genia de pértiga longa, s'àrbure o pinnone de sa cucagna, fintzes una genia de arma a punta; a logos est sa palita de còere pane / astas de boe, de cherbu = sos corros; a. de cumpassu, de arrelógiu, de ullieras, de arromana Sinònimos e contràrios pértia / corru Ètimu ltn. hasta Tradutziones Frantzesu hampe, branche, canne, tige, perche Ingresu staff Ispagnolu asta Italianu asta Tedescu Stab.

biltzèdha , nf: bintzedha, bintzella, birtzedha, birtzella Definitzione bacheta, orrugu de linna curtzu, deretu, grussitu, po inditare cosa, po iscúdere; genia de pertiedha de fosiles antigos Sinònimos e contràrios bara, fruntza, isprammeta, pértia, pertighita / frigheta Ètimu itl. vergella Tradutziones Frantzesu baguette Ingresu rod Ispagnolu varilla, baqueta Italianu bacchétta Tedescu Rute, Stab.

pertighíta , nf Sinònimos e contràrios pertiedha Frases tui chistis peri calàs de pertighita candho non imparas sa poesia! ◊ portat una pertighita po assuidai is pegos Tradutziones Frantzesu baguette Ingresu rod Ispagnolu varilla Italianu bacchétta Tedescu Stab.

stíca , nf, nm: isteca*, sticu 1 Definitzione genia de pértiga (es. po giogare a bigliardu, ma fintzes a intacas po misurare cosa), pertighedha (es. de ventàgliu); orrugu de cosa longhitu, tauledha, travedha, pruschetotu sa chi si ponet in s'ispola, o, prus curtza, a tupare unu de is tres istampos de sa carrada Sinònimos e contràrios tzola Tradutziones Frantzesu baguette, queue, baleine Ingresu stick, cue, splint Ispagnolu varilla Italianu stécca Tedescu Stab, Stock, Stange.