Ditzionàriu in línia
de sa limba e de sa cultura sarda

ammalisciàdu , pps, agt Definitzione de ammalisciare; chi portat malítzia Sinònimos e contràrios malisciosu, trassosu Frases est unu zovanedhu innotzente e pro nudha ammalisciadu ◊ fit ómine furbu, ammalitziadu e tramposu Tradutziones Frantzesu malicieux Ingresu malicious Ispagnolu malicioso Italianu malizióso Tedescu boshaft.

crepúru , agt Definitzione nau de ccn., chi si crepat, si tzacat, faet dispetos Sinònimos e contràrios cheprédhicu, crepigiosu, strempiosu, terriosu Frases ses curtza de unu codhu, gliusca e crepura! Terminologia iscientìfica ntl Ètimu srd. Tradutziones Frantzesu taquin Ingresu spiteful Ispagnolu molesto Italianu dispettóso Tedescu boshaft.

dirbetósu , agt: dispetosu Definitzione nau de ccn., chi tenet de abbitúdine a fàere dispetos Sinònimos e contràrios crepuru, puntigliosu, strempiadori, strempiosu Frases at nau ca nosu seus genti dispetosa! ◊ Gràtzia, dispetosa e lestra coment'e una moninca, su binu bi l'aiat leadu e isboidadu a terra! Ètimu itl. Tradutziones Frantzesu taquin Ingresu spiteful Ispagnolu fastidioso, provocador Italianu dispettóso Tedescu boshaft.

franíscu , agt Sinònimos e contràrios ammalisciadu, androgheri, aniscu Frases mi ses tundhindhe totue ca ses malignu e franiscu, nèndhemi "Godi su friscu" e gai ti bestis tue! (Piras) Terminologia iscientìfica ntl Tradutziones Frantzesu chenapan, fripon Ingresu unfair Ispagnolu canalla Italianu birbóne Tedescu boshaft.

strempiósu , agt, nm Definitzione chi o chie dhu tenet de naturale a fàere o a torrare dispetos Sinònimos e contràrios crepigiosu, crepuru, puntigliosu, strempiadori Frases custas duas bagadiedhas fiant lègias e strempiosas chi prus de cussu non fadiat! (E.Musio) Ètimu srd. Tradutziones Frantzesu taquin Ingresu spiteful Ispagnolu quien hace desprecios Italianu dispettóso Tedescu boshaft.

terriósu , agt: tirriosu Definitzione nau de ccn., chi portat o sentit tírria; nau de cane, chi apedhat cun arrennegu, chi no faet a si fidare ca fintzes si paret apaghiau cricat de mossigare etotu (poderat sa tírria) Sinònimos e contràrios crepuru, cumprobosu, odianu, odiosu, prummonosu, sangedhu, unconosu Frases fit un'ainedhu gai terriosu chi su mere dhi aiat postu "Riotu" a lúmene ◊ alvudu, pili longu e tirriosu, ancora faedhat forte e minetosu che unu betzu àbbile in su nidu (A.Casula)◊ su bentu tirriosu at ispollau sa mata Ètimu srd. Tradutziones Frantzesu bilieux, taquin, perfide Ingresu peevish, spiteful, wicked Ispagnolu enconoso Italianu bilióso, dispettóso, pèrfido Tedescu reizbar, boshaft.