A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

eletrizài, eletrizàre , vrb Definition pònnere s'elétricu, carrigare de elétricu una cosa Sentences frighendi a forti duas cosas s'una cun s'àtera, si funt isoladas si eletrizant.

eletrodomésticu , nm Definition cumbénia, trastu de domo a elétricu, prus che àteru màchina po fàere fainas de domo (mantènnere cosa in friscu, samunare, suspire s’àliga o àteru).

eletrólisi , nf Definition genia de manígiu chi si faet cun s'elétricu po pònnere unu pígiu de metallu a cosas de metallu etotu o de àteru materiale, o fintzes arrefinare o separare chimicamente e fàere a cumossu unu metallu o àteros materiales ispimpirillaos in s'abba ue si faet colare s'elétricu.

eletromagnéticu , agt Definition chi pertocat su magnetísimu chi naschit de s'elétricu.

eletròne, eletròni , nm Definition una de is partes elementares de sa matéria (àtomu) cun sa càrriga elétrica prus pitica chi si agatat Translations French électron English electron Spanish electrón Italian elettróne German Elektron.

eletrónicu , agt Definition chi andhat o funtzionat a eletrones, chi pertocat is eletrones.

elétu , pps, agt Definition de elèzere; nau de is candhidaos, chi est essiu de is prus votaos, de is primos, e faet parte de su tanti previstu po pigare un'incàrrigu.

eletziòne, eletziòni elessiòne

elèzere , vrb: eligi, elígiri Definition fàere is eletziones, votare po isceberare is candhidaos chi depent pigare un'incàrrigu / pps. eletu, elígiu Synonyms e antonyms eligire.

elfàta , nf Synonyms e antonyms falta, infarta Sentences iscusa s'elfata, elmosa Elene, chi as àpitu fintzas a como.

elgàtzu , nm Definition s'incàsciu chi, in is duas puntas, si faet a is doas de una carrada po incasciare is fundhos Synonyms e antonyms angina, àrgheda, gàrgaru, incartzu, incrava, ràglia 1 Scientific Terminology fst Etymon ctl. engalz.

éli , nm Synonyms e antonyms eni, longhivresu.

élia , nf Synonyms e antonyms cuntentesa, prexu.

élica , nf Definition genia de ala cun duas partes fadhias (orientadas a betu contràriu) chi girandho impare cun su fusu ispinghent s'ària (o àteru) cun fortza totu a una bandha o (faendho passare cun fortza vapore o abba aintru de una turbina) movent su fusu comente faet unu motore.

elicàrju, elicàgliu , nm Definition padente de íllighe Synonyms e antonyms elichetu.

éliche , nm, nf: éliga, élighe, élighi, éligi, íliche Definition mata manna, de sa matessi famíglia de su crecu e de su suérgiu: faet landhe e linna bona, forte e tostada Synonyms e antonyms ttrs. érighi Sentences sos élighes sunt barriados de landhe ◊ est che élighe sica in s'angustia de una pèlcia tra tetis e ruos (Puntziudu)◊ su monte est inghiriadu d'éligas altas ◊ sas élighes trement a s'úrtima lughe ◊ ndhe lis depo landhe a cussas éliches!… Scientific Terminology mtm, Quercus ilex Etymon ltn. elice Translations French chêne vert English ilex Spanish encina, carrasca Italian léccio German Steineiche.

elichedhàrju , nm Definition logu de élighes, íllighes Synonyms e antonyms elichetu Etymon srd.

elichesuerínu , nm Definition mata de suérgiu Synonyms e antonyms subérgiu Scientific Terminology mtm, Quercus suber.

elichétu , nm: elighedu Definition litu, padente, catza de élighes, de íllighes Synonyms e antonyms elicarju, elichedharju, elichinu, landari Etymon srd. Translations French bois de chênes verts English ilex wood Spanish quejigar, encinar Italian leccéto German Steineichenwald.

elichínu , agt, nm: elighinu, ilighinu, iliginu Definition de íllighe; padente de íllighes / pedra elighina = àrbures de àteras eras fatas a pedra, comente si ndhe agatat in su de Pérfugas, in su riu Altana, e in Tadasuni Synonyms e antonyms elichetu Sentences sos porcos sunt in s'ingrassa de sa landhe elichina ◊ linna elighina, àlvore elighinu 2. passandhe in camineras de carru o segandhe in s'elighinu che arrivaimis a Sa Menta Etymon srd.