ischeréu iscarèja
ischerfàre , vrb: ischerfiare,
iscrefare,
iscrefiare Definition
crepare, fàere sa cosa a una cata (istrecada) mescamente cun pesu mannu in pitzu
Synonyms e antonyms
abbullonare,
acatare 2,
aggatare,
cerfai,
ischitzare,
istercare
Sentences
si che daet suta de su càmiu l'ischérfiat che rana! ◊ comente at faladu su pè at ischerfiadu sa figu ◊ sos ovos ruinne dae cudh'artària s'ischerfiaiant a terra ◊ sos boes t'iscréfiant si ti ponent sos pes!
Translations
French
écraser
English
to squash
Spanish
aplastar
Italian
schiacciare
German
quetschen.
ischerfiadúra , nf Definition su ischerfiare Synonyms e antonyms ischérfiu Etymon srd.
ischerfiàre ischerfàre
ischérfiu , nm Definition su ischerfiare; a logos fintzes is boghes e brigas de is piciochedhos candho funt in medas Synonyms e antonyms ischerfiadura / baraundha, ragàglia Idioms csn: fàchere a i. = pistai, istrecuedhai; èssere a ischérfios (nadu de cosa)= èssere a cantos, a bículos Etymon srd.
ischerfulíu , nm Definition
cosa o unu chi meritat de èssere istrecau
Translations
French
méprisable
English
despicable person
Spanish
despreciable
Italian
èssere spregévole
German
gemeiner Mensch.
ischéria iscèra 1
ischeriàdu , pps, agt Definition
de ischeriare; chi est pigau a iscéberu, su méngius, su prus bene bófiu; nau de ccn., si narat fintzes in su sensu de pullinu, ascamosu, chi sa cosa de papare dhi faet ischifu si dha tocant is àteros
Synonyms e antonyms
sceberau,
scerau
/
mendhecósu,
pullinu
2.
no siat chi mi manchet su pane ischeriadu, puru, sendhe su menzus de bidha!…(P.Canu)◊ pariat dèndheli su càrculu riservadu petzi a pagos ischeriados
Translations
French
choisi
English
choosen
Spanish
escogido
Italian
scélto
German
gewählt.
ischeriàre iscerài
ischerinàre , vrb Definition bogare o lassare essire de sa cherina Etymon srd.
ischeriónzu , nm Synonyms e antonyms iscera 1 Etymon srd.
ischériu iscèra 1
ischèrma , nf Definition genia de isporto.
ischermidòre, ischermidòri , nm Definition chie costumat a fàere ischerma.
ischérria , nf Synonyms e antonyms irghérriu.
ischerriàre , vrb: ischirriare Definition pigare e pònnere a parte cosas diferentes Synonyms e antonyms chirrare, sceberai, scerai Sentences apo detzisu de ischerriare sos mentzus contos ◊ ant ischirriatu oto mastros de muru e vintibbàtoro maniales pro fàchere sa créjia Etymon srd.
ischerriàre 1 , vrb Definition istare a gherrígiu, prus che àteru a giogu Synonyms e antonyms bischisare, ingherriare* Sentences fuint semper curre curre, sàltia sàltia, ischérria ischérria (A.Cossu)◊ cudhas ant ischirriadu a tichírrios ispramminendhe su bighinadu.
ischerrinzonàdu , agt Synonyms e antonyms ischerritzadu, ispilurtiu, ispilusadu, scrabionau.
ischerritzàdu , pps, agt: ischirritzadu Definition de ischerritzare; nau de ccn., chi est cun is pilos totu iscrabionaos, chi dhos portat betaos apare, chentza petenaos Synonyms e antonyms irtzufau, ischerrinzonadu, ispilurtiu, ispilusadu, scrabionau | ctr. petonau 2. issa fit lanza, a ochialedhos, a pilos tintos e ischerritzados.
ischerritzàre , vrb Definition betare apare o iscrabionare is pilos, sos cherritzos Synonyms e antonyms ispilusare, spetonai.