isciócu , nm: issocu, issogu Definition latzu o lobu mannu fatu cun sa soga po cassare animales betandhosidhu a conca unu pagu de atesu Synonyms e antonyms giobe, lantu, soca Sentences unu cabadhu ebreu apo tentu a issocu ◊ tènela a issogu cussa calavrina! Etymon srd.
iscioculàre isciaculàre
isciodhàu , agt Definition nau de bestimentu, chi si est fatu tropu largu; nau de gente, chi no poderat su segretu Synonyms e antonyms ilfodhonadu / culiprude, culivala, lendharzu, pirodha | ctr. sizidu / sizerru 2. cussu est isciodhau che froscedhu de àcua postu a buca a terra! Etymon srd.
isciogài , vrb: sciogai Synonyms e antonyms irfocare* Sentences medas fogus de s'istadi funt sa malafatia de genti chi no si podit isciogai in atra manera.
isciógu ifógu
isciòla , nf: iscola,
scola Definition
su giare imparu; logu inue si faet letzione; annu de istúdiu / imparare s'i. = pigai un'abbitúdini de fai, de fuedhai
Synonyms e antonyms
classe
Sentences
dontzi locu in sa bidha fachet iscola: su vichinatu, su caminu, sa piatza, su cuile, sa cussorja (B.Bandinu)◊ oe no ant fatu iscola ca nachi fit fritu meda: unu bellu picu pro si caentare!…
2.
a iscola no bi fit chérfia torrare ◊ su pitzinnu colaiat sas oras de iscola pariat tentu isserratu in galera ◊ pro isse sas iscolas sunt lussos chi no batint recatu
3.
cussu pisedhu at fatu donzi annu un'iscola, no l'ant mai botzadu
Etymon
ltn.
schola
Translations
French
école
English
school
Spanish
escuela
Italian
scuòla
German
Schule.
isciollài , vrb: irfozare*, iscioxai, issozare Definition betare o orrúere sa fògia de is matas Synonyms e antonyms irfozire Sentences narant ca iant biu a Luntziferru badhendi cun su bentu muimui e isciollendi sa mata de sa figu ◊ su ventu issozat sas àrvules 2. ant lassau sa mata isciollada.
isciollaméntu , nm: sfollamentu* Synonyms e antonyms sfolladura.
isciollatziòni , nf: sciollatzioni Synonyms e antonyms assolucione, asciollidura, peldonu | ctr. cundenna Sentences si est po morri, una isciollatzioni dhi pregu!
isciòllere, isciòlli , vrb: issòllede, sciolli Synonyms e antonyms sòlbere Sentences candho s'abba est budhindhe, si che betat sa frégula e si azunghit su casu imbelliu móliu a fini e si depet issòllede totu 2. no mi fatzas isciolli, lah, ca ch'isciollu scadronu!… Etymon itl. sciogliere.
isciollidràma , nm: ixorbedrama, sciollidrama Definition aina po fàere is madassas de sa cosa filada; a logos, aina po fàere is lòmboros Synonyms e antonyms acrolaju, chíndhalu 2. su filu candho benit girau in s’ixorbedrama de a matassa benit fatu a lòmboros Scientific Terminology ans, ts Etymon srd.
isciollocài , vrb: sciollocai Synonyms e antonyms allochiai, sciolloriai Sentences cussa est imbecendi e isciollochendisí e a bortas si achichiritat cun cudhus bistiris sprixuraus!… Etymon srd.
isciolloriài, iscioloriàre , vrb: sciolloriai* Synonyms e antonyms astrologare, illeredhiare, istralloriare, scassolai Sentences daghi ant finidu de iscioloriare si sunt postos a cantare.
isciolóriu isciallóriu
isciolóvru , nm Definition nada o fata de perunu contu, bamba, unu pagu a machine Synonyms e antonyms isciallóriu Sentences babbai si la riiat de perisse in sos isciolovros suos.
isciólu , nm: (i-sci-o-lu) Definition isca minore, tretu piticu de terrenu po ortu Synonyms e antonyms iscrizola Etymon srd.
isciòmpere , vrb: isciúmpere, iscròmpere, iscrúmpere, ixòmpere Definition acabbare una cosa, bochíere a unu, un'animale innanti de su tempus, bínchere Sentences una tzica fit giómpida guasi a mòrrere e che l'ant isciómpida ◊ si mi che aias isciúmpidu, como no fia istadu inoghe! ◊ su betzu che teniat sas dies belle e iscrómpidas ◊ cuss'animale si no si che morit che cheret iscrómpidu ◊ inoghe cun bois so chircandhe de iscrúmpere sa soledade.
isciompidòlza , nf Definition calesisiat cosa chi faet acabbare in malu, sighindho a fàere dannu male e peus (e fintzes surra, carda de cropos, coment'e candho si ponent o lompent a atripare a ccn.) Sentences chin s'isciompidolza de sa lege “delle chiudende” sos pòberos dae una die a s'àtera sont restados chena nudha (S.Saba) Etymon srd.
isciómpidu , pps, agt Definition de isciòmpere; chi est andhau male, a malu puntu Synonyms e antonyms malacónciu, malibigau, malecumbinau.
iscióncu , nm, agt: scioncu Definition unu ligeri de conca, macacu; cosa o fata chi paret machine Synonyms e antonyms ammadredhadu, innóchidu, scimpri, tontassu Sentences finimila cun custos machines: baediche e no fetas s’iscioncu! (M.Danese) 2. oe a dhu nàrrere paret una cosa iscionca, ma tàndhero andhaiant a tedile e frascu in conca a s'abba.