A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

orgulòni , nm: orguzone, urgugione Definition bobboi pitichedhu, niedhu, chi ponet in su trigu incungiau e dhu punghet Synonyms e antonyms alguzone, gruguglioni*, ilguzone, suzone / cdh. giulgudhoni Scientific Terminology crp, calandra granaria Translations French puceron English weevil Spanish gorgojo del trigo Italian gorgoglióne German Blattlaus.

orgumédhu , nm Definition su nodu de s'ogroena o annou de su gúturu comente si biet a fora Synonyms e antonyms grogòcia Scientific Terminology crn Translations French pomme d'Adam English adam's apple Spanish bocado de Adán, manzana, nuez de Adán Italian pómo d'Adamo German Adamsapfel.

orgunài ogranài

orgunísta , nm Synonyms e antonyms alghidadore.

órgunu òrganu 1

òrgunu òlganu

orguzòne orgulòni

orgúzu , nm: bilguzu, irgunzu Definition su tretu inue s'ingurtit, tra su truncu de sa limba e sa canna de su gúturu Synonyms e antonyms aghentolu, gorga, gorguzu*, ingollidosu, ingrastolu, ingurtidórgiu, valgastolu Scientific Terminology crn.

oría obía

oriànu , agt: oridanu Definition nau de ccn., chi istat o andhat ororu, in is oros, totu fora, nau mescamente de chie istat apartau, cuau po sa giustítzia fintzes chentza imputu de nudha Sentences isse no est bandhidandhe ma est orianu ca li sunt chircandhe unu tazu de porcos Etymon srd.

oriàre , vrb Definition camminare in s'oru, ororu; leare oru, cricare de ischire, abbaidare 2. innanti puru onzi die in bolu mi oriaias, e deo, a sas bramosias tuas, oriao a tie (A.Demuru) Etymon srd.

oribbusoríbbus , avb Definition un'iscuta, pagu pagu.

orichédhu , nm: orighedhu 1 Definition min. de oru, tretu deasi acanta a s'oru chi no abbarrat logu nudha / avb. a orichedhu, in s'orichedhu, a orighedhedhu = in pitzirighedhu, in puntirighita, própriu in s'atza de unu logu, de una cosa, a oru a oru, in tretu apartau a una bandha Sentences sa cosa in sa mesa no si ponet a orighedhu, ca che podet rúere ◊ in su trèmene ch'est coladu a orighedhu e rutu ch'est ◊ deo mi setzia a un'orighedhu, a ojos a su furru abbaidendhe su pane coghindhe.

orichína orechína

orícia olícra

oricína orechína

oriciòla , nf Definition parte de un'istrégiu (pingiada, sartàina, màriga, brúngia e àteru), a parte e àtera, po dhu pigare a manos; in is iscarpas, sa limbatza Synonyms e antonyms asa / limbassa.

oriciúdu olicrúdu

orícla, orícra olícra

oricràle , nm: uricrale Definition tuturros de origas, su tretu de sa carena a inghíriu de s'origa; origa de arau, genia de traessa, taulita (o lama in su pratu, in is araos de ferru), una a cada bandha, chi faet covecare sa terra comente passat s'arau arandho / èssere o., tortu che o. (nau de ccn.)= revessu, trotu, tostorrudu Synonyms e antonyms ricale 2. est unu fizu oricrale e revessu chi no ponet mente ne a su babbu e ne a sa mamma Scientific Terminology crn Etymon srd. Translations French versoir English mouldboard Spanish oreja Italian versóio German Streichblech.