Ditzionàriu in línia
de sa limba e de sa cultura sarda

ischíu 2 , nm: ischivu 1, isciu, iscivu, scivu* Definition genia de istrégiu, de linna o de terra, a pònnere cosa (impastare sa farra); segundhu su logu, su brasciolu a crocare su pipiu Synonyms e antonyms cartina, cóncula, cunculina, ischivedha, tavania, tina Sentences fiat una fémina cumpensada dae su profeta apenas arriviu pustis d'àere s'oferta ripagada aumentandhe sa farra in s'ischiu ◊ bi teniat una moitzola e unu isciu 2. pro drommire su pitzinnu abbarrai oras intreas tunchiandhe afaca a s'ischiu Scientific Terminology stz Etymon ltn. scyphus Translations French récipient en terre cuite, baquet English vat Spanish artesa Italian bacino di terracòtta, mastèllo German Tongefäß, Bottich.

ischivèdha , nf: iscivedha, scifedha* Definition genia de istrégiu de terra, largu meda, no tanti artu, ma cun su fundhu meda prus istrintu de is oros de pitzu, impreau mescamente po impastare o cumossare sa farra po fàere su pane Synonyms e antonyms cartina, conconedhu, cóncula, cunculina, ischiu 2, lachedhu, lacu, lebbreri, tavania, todinera Sentences che li ant furadu unu discu, unu piatu e un'ischivedha Scientific Terminology stz Translations French huche, maie English kneading trough Spanish artesa Italian màdia German Backtrog.

làcu , nm Definition genia de istrégiu de linna o de pedra, de fatura diferente segundhu a ite serbit: su l. de linna po catzigare s'àghina est unu truncu de mata buida de unos duos metros, isperrau de longu mesu mesu a manera de pònnere su sacu de s'àghina e de calare su mustu a una cobedina; su l. de sa mola est una pedra manna, tundha e arta, prus istrinta in fundhu e larga in pitzu, picada a imbuidadura fata coment'e istrégiu, cun d-un'apertura a paris de su fundhu po ndhe pòdere bogare sa farra, duas partis in artu agiummai a oros chi essint a bandha de aintro po cicire o agguantare su coru cun sa túnica; su l. po pònnere abba o a papare a is animales est de pedra picada, longu o fintzes cuadrau (in is crésias po s'abbasanta est tundhu)/ min. lachedhu, lachighedhu Synonyms e antonyms scifedha, tavania, tuva / pica / abbasantera Sentences su lacu de sa mola si est de linna si narat "cubedhu" puru ◊ su lachedhu a su porcu li cheret pienadu a manigare ◊ at cumintzatu a iscarchiare supra de su sacu de s'àchina collocatu in su lacu ◊ in crésia si ponit sempri arrimau acanta a su lacu de s'acuasanta ◊ sa pudha at criau un'ou mannu coment'e unu lacu de mola… Surnames and Proverbs smb: Laccu, Lacu Etymon ltn. laccus Translations French bassin, lavoir, auge English trough Spanish lagar, gamellón, solera, pila, artesa, batea Italian truògolo German Trog.

píca , nf Definition pedra manna trebballada, imboidada e fata a bisura de bartza pitica de dhue pòdere pònnere cosa aintru (abba, impastu, brovendha), prus che àteru po betare a papare a is animales, ma fintzes manna a bisura de bartza a pedras picadas, fintzes in funtanas (tundha o prelongada) po bellesa / sa p. de s'àcua santa = abbasantera; surdu che p. = surdu che picu, meda Synonyms e antonyms cumitedhu, lacu Sentences in sas picas bi at galu impastu e landhe ◊ su frailarzu tenet sa pica de s'abba pro ifritare e temperare sas forramentas ◊ sas cocas in su corrale sunt bichendhe trigu in sa pica ◊ Tziscu umpit su mustu de sa pica ◊ nonnu teniat is picas aundi papànt is bòis 2. lassinendhe che ruo a sa pica e ndh'esso totu infustu Surnames and Proverbs smb: Pica, Picca Scientific Terminology stz Etymon ctl. pica Translations French bassin, lavoir en pierre English stone trough Spanish artesa Italian truògolo di piètra German Trog aus Stein.

scifèdha , nf: ischivedha, sciuvedha, scivedha Definition genia de istrégiu de terra, largu meda, no tanti artu, ma cun su fundhu tundhu e ladu, meda prus piticu de is oros de pitzu, impreau mescamente po impastare o cumassare sa farra a fàere su pane / min. scifedhita Synonyms e antonyms lebbreri, pianedha 1, sciacuadera, tavania, todinera Idioms csn: buca de s. = buca de forru, chie zughet buca manna o faedhat meda; èssiri impastaus in sa própiu s. = èssere fatos a sa matessi manera, àere sas matessi ideas e calidades Sentences in sa scivedha si fait s'impastadura de sa farra ◊ at postu su saboni a ammodhiai in sa scivedhita ◊ pigu sa scivedha e mi pòngiu a cumossai ◊ sa scivedha de cumassai est sa manna ◊ mamma mia una dí cummossendi iat iscanniu una scivedha 2. ita mi siat diferentis, cussus: funt impastaus in sa própiu scifedha! Scientific Terminology stz Etymon srd. Translations French pétrin English basin Spanish artesa, masera Italian catino, màdia German Schüssel, Backtrog.

tavanía , nf: tevania, tivania, tovania Definition tianu de cumossare, genia de istrégiu de terra, largu meda, no tanti artu, cun su fundhu tundhu ma ladu, meda prus istrintu de is oros de pitzu, impreau mescamente po impastare sa farra faendho su pane Synonyms e antonyms conca 1, conconedhu, ischivedha, lebbreri, schivu 1, todinera Sentences sa peta, segada e posta in d-una tivania manna, si cundhit e posca s'infelchit in s'istentina Scientific Terminology stz Etymon itl.t tefania Translations French maie English kneading trough Spanish artesa Italian màdia German Backtrog.

trógliu , nm: drógliu, trólliu, trúlliu Definition fossu o paule de abba comente si ndhe faet acanta a is funtanas e in is errios; logu po samunare, o samunadórgiu fatu apostadamente in bidha: una bartza manna de càbere in medas samunandho; sa bartza a ue calat s'abbagrasta in is molinos de s'ógiu; genia de fràigu a muràllia manna po arregòllere s'abba in is errios fintzes po fàere currente; fintzes sa currente de s'abba, s'abba currendho Synonyms e antonyms fògia 1, pógiu / cdh. tisina / samunadorzu / diga, lagu Sentences su riu at fatu unu trógliu tra crastos e rocas ◊ como eco s'abba cun trógliu bundhante! ◊ sa mola si moiat suta de su trógliu de s'abba ◊ sas féminas bi amus de tapulare sas bestes e de cúrrere a sos tróllios a las labare ◊ in custa bidha tróllios no bi ndh'at e benimus a su ribu ◊ bido istrampos e trúllios de ispuma 2. in su ribu sunt fachendhe unu trólliu prus artu de unu palatu pro cullire s'abba chi falat dae sos montes 3. li falaiant dai ojos sas làgrimas a trógliu ◊ su trógliu russu de su riu ruet in sa pischina cun rembumbu Translations French mare, lavoir English trough, pool Spanish poza, charca, artesa Italian tròscia, pózza, truògolo German Pfütze, Trog.